مرکزی خدمات سے  وابستہ ملازمین، جن کی نمائندگی مرکزی سیکرٹریٹ سروس فورم (سی ایس ایس فورم) نے کی، آج مرکزی وزیر مملکت (آزادانہ چارج) سائنس اور ٹیکنالوجی،پی ایم او، پرسنل، عوامی شکایات، پنشن، ایٹمی توانائی اور خلا کے  وزیر مملکت ڈاکٹر جتیندر سنگھ سے ملاقات کی۔ انہوں نے بڑے پیمانے پر ترقیوں(پرموشن) کے رجحان کو شروع کرنے اور اس طرح بڑے پیمانے پر زیرالتوا پرموشن کے کام کو آگے بڑھانے کے لئے محکمہ پرسنل اینڈ ٹریننگ(ڈی او پی ٹی) کے وزیر کا تہہ دل سے شکریہ ادا کیا۔

وفد کے ارکان نے کہا کہ اس اقدام سے ملازمین کے طبقوں میں خوشی کی لہر دوڑ گئی ہے اور انہوں نے ہندوستان کی آزادی کے بعد سے اپنے ملازمین کے لیے حکومت کی طرف سے ایسے کسی حساس اقدام کے بارے میں کبھی نہیں سنا تھا۔

ملازمین کے نمائندوں نے کہا، حالیہ اقدامات نے ان کے کیڈر کو اخلاقی طور پر تقویت پہنچائی ہے اور ان کی حوصلہ افزائی کی ہے۔ انہوں نے کہا کہ ان پیش رفتوں سے مرکزی سیکرٹریٹ کی پیداواری صلاحیت کو نمایاں طور پر بہتر بنانے کی توقع ہے۔

ڈاکٹر جتیندر سنگھ نے کہا کہ ‘‘وزیر اعظم نریندر مودی نے اس بات کو یقینی بنانے کی تمام کوششیں کی ہیں کہ سرکاری ملازمتیں زیادہ سے زیادہ حد تک دستیاب ہوں۔ ان کے کہنے پر 10 لاکھ سرکاری نوکریاں فراہم کرنے کے لیے روزگار میلہ کا سلسلہ شروع کیا گیا تھا۔

ڈاکٹر جتیندر سنگھ نے کہا کہ پی ایم مودی ملازمین کی خاطر کام کے لیے دوستانہ اور حوصلہ افزا ماحول کو یقینی بنانے کے لیے ہمیشہ کوشاں ہیں۔

ڈاکٹر جتیندر سنگھ نے کہا کہ ایسے حالات میں وہ خود ذاتی طور پر ایسے معاملات کو دیکھ کر پریشان ہوئے ہیں جہاں انتظامیہ کے سب سے نچلے درجے میں کام کرنے والے کچھ ملازمین ایک بھی ترقی حاصل کیے بغیر 30 سے 35 سال کی اپنی پوری سروس کی مدت گزار دیتے ہیں۔ انہوں نے کہا کہ انہوں نے وزارت کے تمام سینئر افسران کے ساتھ اس معاملے پر بات چیت کی ہے اور مستقبل میں انتظامیہ کے درمیانی اور نچلے حصوں میں جمود سے بچنے کے لیے کئی اختراعی طریقے تیار کیے گئے ہیں۔

وزیر موصوف نے کہا کہ "یہ انتہائی تکلیف دہ اور مایوس کن ہے کہ ملازمین بعض اوقات اسی گریڈ میں ملازمت سے سبکدوش ہوجاتے ہیں  جس گریڈ میں  انہوں نے ملازمت جوائن کی تھی۔

ڈاکٹر جتیندر سنگھ نے کہا کہ گزشتہ نو سالوں میں وزیر اعظم نریندر مودی کی رہنمائی میں حکومت نے وقتاً فوقتاً مختلف مرکزی وزارتوں میں دیرینہ جمود کے مسائل کا جائزہ لیا ہے جو کہ زیر التوا عدالتی مقدمات، خالی آسامیوں کی کمی اور عملے کے دیگر مسائل کی وجہ سے ماضی کی میراث ہیں۔

وزیرموصوف نے بتایا کہ پچھلے سال بھی تقریباً 9,000ماس پرموشن کا کام انجام دیا گیا اور اس سے پہلے ڈی او پی ٹی نے پچھلے تین سالوں میں 4,000 ترقیاں دی تھیں۔

ڈاکٹر جتیندر سنگھ نے کہا کہ نظم و نسق میں آسانی کے ساتھ ساتھ فہرست سازی میں معروضیت لانے کے لیے، حکومت نے پچھلے نو سالوں میں طریقہ کار کو بہتر بنایا ہے تاکہ اس بات کو یقینی بنایا جا سکے کہ پروموشنز کے عمل کو انجام دینے میں کوئی ذاتی ترجیحات شامل نہ ہونے پائیں۔

انہوں نے مزید کہا کہ "انسانی انٹرفیس کو کم سے کم کرنے کے لیے جدید ترین ٹیکنالوجی ٹولز کا استعمال کرتے ہوئے طریقہ کار کو مزید ہائی ٹیک بنایا گیا ہے۔"

سینٹرل سکریٹریٹ سروس (سی ایس ایس) سے تعلق رکھنے والے ان ملازمین کی بڑے پیمانے پر ترقی کے احکامات گزشتہ چند مہینوں میں ڈاکٹر جتیندر سنگھ کی زیر صدارت ڈی او پی ٹی میں اعلیٰ سطحی میٹنگوں کے کئی دور کے بعد جاری کیے گئے ہیں۔ وزیر نے کہا، یہاں تک کہ قانونی ماہرین سے بھی مشورہ کیا گیا کیونکہ کچھ احکامات زیر التواء رٹ درخواستوں کے نتائج سے مشروط ہیں۔

ڈی او پی ٹی کے وزیر نے کہا کہ مودی حکومت نے 1,600 سے زیادہ ضابطوں کو ختم کر دیا ہے جو یا تو فرسودہ تھے یا وقت گزرنے کے ساتھ غیر متعلق ہو گئے تھے۔

ڈاکٹر جتیندر سنگھ نے کہا، "اس س ب کا مقصد نہ صرف عوام کے لیے نتائج کی موثر اور بروقت فراہمی کو یقینی بنانا ہے، بلکہ ملازمین کو اپنی صلاحیت کے مطابق بہترین کارکردگی کا مظاہرہ کرنے کے قابل بنانا ہے۔"

سی ایس ایس ڈے کو تسلیم کرنا اور کیڈر کی تنظیم نو کرنا وفد کی طرف سے پیش کردہ دیگر مطالبات میں شامل تھے۔

وزیرموصوف نے سی ایس ایس افسران کی لگن اور محنت کی تعریف کی اور انہیں یقین دلایا کہ ان کے خدشات دور کرنے اور ان کے کام کے حالات کو بہتر بنانے کے لیے حکومت پر عزم ہے۔

ش ح۔م م ۔ ج

Uno122

 

(Release ID: 1969992) Visitor Counter : 63