সস্তেনেবিলিতী মোবিলিতী খুমাং চাউশিলহনবগী মশক নাইবা অমসুং য়েৎনবা লৈতনা য়ানবা পুরকপগী থৌওং অমা ওইনা ভারতকী মশক নাইবা ওতোমোবিল শাবশিংগী মীহুত শিনবা এপেক্স বোদী অমা ওইরিবা সোসাইতী ওফ ইন্দিয়ন ওতোমোবিল মেন্যুফেকচরর (SIAM)না প্রগতী মৈদান্দা “গ্রীন প্লেত EV রেল্লী” অমা পাংথোকখ্রে। হেভী ইন্দস্ত্রী মন্ত্রালয়গা খুৎশম্নদুনা পাংথোক্লিবা থৌরম অসিনা ইকো-ফ্রেনলী ত্রান্সপোর্তেসন খুমাং চাউশিলহনবগী মশক নাইবা থৌওং অমা ওইরি অমসুং লৈবাক শিনবা থুংবদা ইলেক্ত্রিক গারী পাক শন্না শিজিন্নহন্নবা SIAMনা খোঙফম চেৎনা হোৎনরিবা অসিদা মীয়ামগী পুক্নিং চীংশিল্লি। ইকায় খুম্ননীংঙাই ওইরবা অথোইবা মীথুংলেন, হেভী ইন্দস্ত্রীগী কেন্দ্র মন্ত্রী, দাঃ মহেন্দ্র নাথ পান্দেনা হৌনবী মতুং ইন্না “গ্রীন প্লেত EV রেল্লী” লম্থাখি। রেল্লী অসিদা চকা অনি, অহুম পানবা কার অমসুং বস কয়া য়াওবা ইলেক্ত্রিক গারী 100গী য়াম্লবা ফ্লীত অমা উৎবা ফংখি। রেল্লী অসিগী মপুং ওইবা পান্দমদি কস্তমরশিংগী মফমদা ইলেক্ত্রিক গারীগী এৱিয়র্নেস পীবগা লোয়ননা EVদা থাজবা থমহনবনি, লোয়ননা, হৌখিবা চহি খরসিদা লৈরকখিবা ভারতকী কঞ্জ্যুমরশিংগী দিমান্দ থেংনবা ঙম্নবা ইলেক্ত্রিক গারী মখল কয়া পুথোকপা ঙমখ্রবা ভারতকী ওতোমোতিব ইন্দস্ত্রীগী তৌবা ঙম্বগী মতিক উৎপা হায়বসিসু রেল্লী অসিগী অতোপ্পা পান্দম অমা ওইখি।

ভারত সরকারগী হেবী ইন্দস্ত্রী মন্ত্রালয়গী সেক্রেতরী, শ্রী কামরান রিজবী; হেবী ইন্দস্ত্রী মন্ত্রালয়গী জোইন্ত সেক্রেতরী, দাঃ হনিফ কুরেশী; SIAMগী প্রসিদেন্ত অমসুং ভোলভো ঐকর কম্মর্সিএল ভেহিকল লিমিতেদকী CEO, শ্রী বিনোদ অগরর্ৱাল; SIAM ইলেক্ত্রিক মোবিলিতী গ্রুপকী চেয়রমেন, তাতা মোতোর্স লিমিতেদকী গবর্নমেন্ত অমসুং পব্লিক এফিয়র্সকী গ্লোবেল হেদ, শ্রী সুশান্ত নাইয়ক; SIAM ইলেক্ত্রিক মোবিলিতী গ্রুপকী কো-চেয়রমেন অমসুং মহিন্দ্র লাস্ত মাইল মোবিলিতীগী MD & CEO, শুকুমারী শুমন মিশ্রা; SIAM ইলেক্ত্রিক মোবিলিতী গ্রুপকী কো-চেয়রমেন অমসুং ভোলভো ঐকর কম্মর্সিএল ভেহিকল লিমিতেদকী ভাইস প্রসিদেন্ত, শ্রী বিপিন শর্মা অমসুং সোসাইতী ওফ ইন্দিয়ন ওতোমোবিল মেন্যুফেকচরর (SIAM)গী দাইরেক্তর জেনেরেল, শ্রী রাজেশ মেননসু ঙসিগী থৌরমদা শরুক য়াখি।

চাইনাগী হাংঝৌদা হন্দক্তা পাংথোকখিবা 19শুবা এসিয়ন গেম্সতা গোল্দ মেদল লৌবা ঙমখিবী নুপীগী কবদ্দী তীমগী ভাইস কেপ্তেন, শুকুমারী প্রিয়ঙ্কা পিলানিয়াবু SIAMনা ইকায় খুম্নবা উৎখি।

থৌরম অসিদা ৱা ঙাঙবদা, দাঃ মহেন্দ্র নাথ পান্দেনা হায়খি, “লৈবাক অসিদা EVগী চাউখৎ থৌরাংগীদমক্তা সরকারনা লেপ্তনা তেংবাংদুনা লাকখি। ভারতকী শোরোক্তা হৌজিক EV গারী লাখ 9.4 চেল্লি হায়না ঐখোয়না হৌজিক চাউথোক্না পাউদম্বা ঙম্লে। বেত্তরী শেম-শাবগী মতাংদা লৈবা PLI স্কিম অমসুং দোমেস্তিক মেন্যুফেকচরিংবু শৌগৎপগী মহৈনা ঐখোয়না অতোপ্পগী মীখা পোনবগী ফিভম হন্থহল্লে”। লাক্কদৌরিবা চহিশিংদা, ভারতনা বেত্তরী পুথোকপগী লমদা মরু ওইবা হব অমা ওইরক্লগনি হায়না মহাক্না মখা তাখি। ঐখোয়না জম্মু অমসুং কশ্মিরদা লিথিয়ম লৈবা থেংনরে অমসুং ভারতপু হীরম খুদিংদা অতোপ্পগা চাংয়েংনবা ঙমহন্নবা ঐখোয়গী সরকারনা থেংথবা লৈতনা হোৎনরি। মন্ত্রীনা মখা তানা হায়খি, “EVনা ইং 2019-20দা ওইরম্বা 0.13%দগী হৌজিক 4.3%দা চাউখৎলে, অমসুং SIAMনা মসিগুম্বা অহোংবা অসি পুরকপদা মশক নাইবা থৌদাং লৌখি। ঐহাক্না তীমগী মফমদা থাগৎপা ফোংদোকচরি। ঐখোয়গী সস্তেনেবিলিতীগী পান্দম ফংনবা অমসুং গ্রীন মোবিলিতী ইহৌবু হেন্না খুমাং চাউশিলহন্নবা ঐখোয়না পুন্না থবক তৌমিন্নগদবনি”।

শ্রী কামরান রিজবীনা মহাক্কী ৱারোলদা হায়খি, “অহোংবা হায়বসিনা অমত্তা ঙাইরবা লেপ্তনা লৈবা পোৎলম্নি হায়নবা লৈ। অফবা অহোংবনা ঐখোয়গী পুন্সিবু হেন্না খুদোং চাহল্লে অমসুং মসিগী মনুংদা EVসু অমা ওইরি, মসিবু মীয়াম্না য়াম্না পাম্নরে। ভারতকী ওতোমোবিল ইন্দস্ত্রীনা মসিগুম্বা অফবা অহোংবা অসিবু শৌগৎলি অমসুং তেংবাংলি। EV শাবা হায়বসিদি তেক্নিকেল ওইবা থৌওংনি, অমসুং মন্ত্রালয়না থৌওং অসিদা FAME অমসুং PLI স্কিমগা লোয়ননা তেংবাংলি”। হন্দক্কী চহিসিদা স্কুতর লাখ 12 য়োনগনি হায়বগী থাজবা লৈ, মসিনা হায়বদি মীয়াম্না EVবু থৱাই য়াওনা শিজিন্নবা হৌরে অমসুং ঐখোয়গী মাঙদা অশাংবা লম্বী অমা লৈরে হায়না মহাক্না মখা তাখি। ইং 2030 ফাওবদা, চকা অনি পানবা ইলেক্ত্রিক গারীনা 60%-70%, অদুগা চহি খরগী মনুংদা, চকা অহুম পানবা ইলেক্ত্রিক গারীনা 70%-75% ওইগনি হায়না ঐখোয়না থাজনরি। কারগী ওইনদি, ঐখোয়না লাখ অমা য়োনবা অমসুং মশিং অসি শরুক অমগা হেনগৎহনবগী পান্দম থম্লি। SIAMগী লুচিংবশিংনা সরকারগা নক্ননা থবক তৌমিন্নরি, মসিগী মহৈ ওইনা, ঐখোয়না সস্তেনেবিলিতী মোবিলিতীগী হীরমদা মায় পাকপা খোঙথাং কয়া পায়খৎপা ঙমখ্রিবনি হায়না মহাক্না মখা তাখি।

SIAMগী প্রসিদেন্ত অমসুং ভোলভো ঐকর কম্মর্সিএল ভেহিকল লিমিতেদকী CEO, শ্রী বিনোদ অগরর্ৱালনা মহাক্কী ৱারোলদা ভারতকী ওতোমোবিল ইন্দস্ত্রীনা ভারত সরকারনা থমখিবা দিকার্বোনাইজেসনগী পান্দম ফংনবগীদমক্তা হৌখিবা চহি খরসিদা সস্তেনেবিলিতীগী মতাংদা মশক থোকপা থবক পাংথোকখ্রে হায়খি। লৈবাক অসিনা থবক কয়া খোঙজেল য়াঙনা পায়খৎলে, প্রোএক্তিব ওইবা থৌওংনা মসিদা অমুক তেংবাংলি। ভারতনা ই-মোবিলিতীদা মায় ওনশিনবগী থবক-থৌরম অসি ময়াই চনশিল্লক্লে, শেন্মিৎলোন্না অসুম লেপ্তনা চাউখৎলক্লিবা অসিগা লোয়ননা, ইলেক্ত্রিক গারী শিজিন্নবগী চাংসু হেনগৎলকখিগনি হায়না মহাক্না পনখি। পোলিসী অমসুং ইনফ্রাস্ত্রকচরগী মতাংদা নীংথিনা তেংবাংবগী মথৌ তারি। ঐখোয়গী ইলেক্ত্রিফিকেসন খোঙথাংগী মখাদা, SIAMনা ইন্দস্ত্রীগী শিংনবশিংগা মাইয়োক্ননবা খোঙফম চেৎলি অমসুং থৌওং অসিমক ঐখোয়না ভেল্যু চেন খুদিংগী স্তেকহোলদরশিংগা নক্ননা তেংবাংনদুনা পাংথোক্লি।

হেবী ইন্দস্ত্রী মন্ত্রালয়গী জোইন্ত সেক্রেতরী, দাঃ হনিফ কুরেশীনা SIAMবু মসিগুম্বা খোঙথাং পায়খৎপগীদমক্তা থাগৎলদুনা অসুম্না হায়খি, “ইলেক্ত্রিফিকেসন পান্দমশিং ফংবদা মশক থোক্না তেংবাংগদৌরিবা EVগী মতাংদা মীয়ামদা খঙহনবগী ওইনদি রেল্লী অসি য়াম্না কান্নবা খোঙথাং অমনি। ইলেক্ত্রিক গারী শিজিন্নববু সরকারনা শৌগৎলি, ইন্দস্ত্রীনা মখোয়গী থৌদাং পাংথোকপা তাবনি অমসুং মসিগীদমক্তা সরকারগা লোয়ননা চৎমিন্নবা তাই। হৌজিক্কী ওইনা, য়ুরোপ, US অমসুং চাইনানা EV য়োনবগী চাং হেল্লি, অদুনা, ভারতনা মখোয়গা থাক মান্ননা লাকপগী মথৌ তারি”।

রেল্লী অসিদা শরুক য়ারিবা কম্পেনীশিংবু থৌরম মনুংদা ইকায় খুম্নবা উৎখি, মসিদা ওতোমোবিল ইন্দস্ত্রীগী সেনিয়র এক্সপর্ত অমসুং মীথুংলেন কয়াসু য়াওখি।

সোসাইতী ওফ ইন্দিয়ন ওতোমোবিল মেন্যুফেকচরর (SIAM) হায়বসি ভারতকী অচৌবা অমসুং মরু ওইবা গারী অমদি গারীগী ইঞ্জিন শাবশিংগী মীহুত ওইরিবা লৈবাক্কী এপেক্স বোদী অমনি। মসিদি সোসাইতীজ রেজিস্ত্রেসন এক্ত 1860গী মখাদা চেরিতীগী পান্দমগা লোয়ননা রেজিস্তর তৌখিবা সোসাইতী অমনি। মখোয়গী পান্দমগী মনুংদা ভারতকী শেন্মিৎলোনগী শাহৌ লৌবা অমসুং চাউখৎপদা ওতোমোবিল ইন্দস্ত্রীনা তম্লিবা শরুক অসিবু হেনগৎহনবা, খুন্নাইগীদমক্তা তৌদবা য়াদবশিং পাংথোকপদা ওতোমোবিল ইন্দস্ত্রীদা তেংবাংবা, ইন্দস্ত্রী অসিবু হেন্না চাউখৎহন্নবা পুক্নিং থৌগৎপা, গ্লোবেল ৱার্মিং, পোল্ল্যুসন কন্ত্রোল য়াওনা অকোয়বগী ফিভম কনবা অমসুং ফগৎহনবা, অমসুং গারী শিজিন্নরিবা অমসুং মীয়ামগী তেক্ত কায়দবা হায়বশিং য়াওরি। পান্দমশিং অসিবু শকখঙলদুনা, SIAMবু চেরিতীগী ৱাখল্লোন লৈবা ইন্সতিত্যুসন অমা ওইনা ইনকম তেক্স এক্ত 1961গী মখাদা রেজিস্তর তৌবা য়াহনখি।

 

***

(Release ID: 1969036) Visitor Counter : 61