51వ సమావేశం ఎన్ ఎం సీ జీ ఎగ్జిక్యూటివ్ కమిటీ  12 అక్టోబర్ 2023న నేషనల్ మిషన్ ఫర్ క్లీన్ గంగా  డైరెక్టర్ జనరల్ శ్రీ జి. అశోక్ కుమార్ అధ్యక్షతన జరిగింది.

 

శ్రీ ఎస్.పీ. వశిష్ఠ, ఎగ్జిక్యూటివ్ డైరెక్టర్ (అడ్మిన్.), ఎన్ ఎం సీ జీ, శ్రీ భాస్కర్ దాస్‌గుప్తా, ఎగ్జిక్యూటివ్ డైరెక్టర్ (ఫైనాన్స్), ఎన్ ఎం సీ జీ, శ్రీ డీ.పీ.మథురియా, ఎన్ ఎం సీ జీ ఎగ్జిక్యూటివ్ డైరెక్టర్ (టెక్నికల్), శ్రీ నవీన్ శ్రీవాస్తవ, డిప్యూటీ డైరెక్టర్ జనరల్, ఎన్ ఎం సీ జీ మరియు శ్రీమతి రిచా మిశ్రా, జాయింట్ సెక్రటరీ మరియు ఆర్థిక సలహాదారు, జలవనరులు, నది అభివృద్ధి మరియు గంగా పునరుజ్జీవన శాఖ, జలశక్తి మంత్రిత్వ శాఖ, సీనియర్ అధికారులు సంబంధిత రాష్ట్రాలు కూడా సమావేశానికి హాజరయ్యారు. ఈ సమావేశంలో దాదాపు రూ.285 కోట్ల విలువైన ఏడు ప్రాజెక్టులకు ఆమోదం తెలిపారు.

 

13.8 ఎం ఎల్ డి మురుగునీటి శుద్ధి కర్మాగారం (ఎస్ టీ పీ)  18.52 కే ఎల్ డి సెప్టేజీ సహ-శుద్ధి మరియు అనుబంధ పనులతో సహా రూ.92.83 కోట్ల అంచనా వ్యయం తో కృష్ణానగర్ మున్సిపల్ టౌన్‌లోని జలంగి నదిలోకి శుద్ధి చేయని నీటి విడుదలను ఆపడానికి మురుగునీటి నిర్వహణ కోసం పశ్చిమ బెంగాల్‌లో రెండు మరియు ఉత్తరాఖండ్‌లో ఒకటి మొత్తం మూడు ప్రాజెక్టులు మంజూరయ్యాయి. 15 కే ఎల్ డి కెపాసిటీ ఫేకల్ స్లడ్జ్ ట్రీట్‌మెంట్ ప్లాంట్ (ఎఫ్ ఎస్ టీ పీ)ని సృష్టించడం ద్వారా బాన్స్‌బేరియా మునిసిపాలిటీకి ఇంటిగ్రేటెడ్ సెప్టేజ్ మేనేజ్‌మెంట్‌కు సంబంధించిన 50 కే ఎల్ డి యొక్క మరో ఎఫ్ ఎస్ టీ పీ  బహద్రాబాద్, హరిద్వార్, ఉత్తరాఖండ్‌లో మొత్తం రూ.12.65 కోట్ల ఇతర ప్రాజెక్ట్ మంజూరయ్యాయి. 

 

గంగా నది పునరుజ్జీవనానికి సహాయాన్ని కొనసాగించడానికి కాంపోజిట్ ఎకోలాజికల్ టాస్క్ ఫోర్స్ (గంగా టాస్క్ ఫోర్స్) పొడిగింపును కూడా ఈ సీ ఆమోదించింది. అదనంగా గంగా నదికి ఉపనది అయిన గోమతి నదిని పునరుజ్జీవింపజేయడానికి జీ టీ ఎఫ్ కు టెరిటోరియల్ ఆర్మీ యొక్క ఒక సంస్థను ఇవ్వడానికి కూడా  ఆమోదించబడింది. ఈ ప్రాజెక్టు మొత్తం వ్యయం రూ. 134.86 కోట్లు.  జీ టీ ఎఫ్ అడవుల పెంపకం, జీవవైవిధ్య పరిరక్షణ కోసం సున్నితమైన నదీ ప్రాంతాలలో పెట్రోలింగ్, పడవలు మరియు కాలినడకన నది ఒడ్డున పెట్రోలింగ్, ఘాట్‌ల పెట్రోలింగ్, నదీ కాలుష్యాన్ని పర్యవేక్షించడం, ప్రజల అవగాహన/భాగస్వామ్య ప్రచారాల నిర్వహణ, ఈ ప్రాంతంలో ప్రకృతి వైపరీత్యంవరదల సమయంలో సహాయం వంటి కార్యకలాపాలను నిర్వహిస్తుంది. 

 

నమామి గంగే కార్యక్రమం కింద ఐ సి ఎ ఆర్ -సెంట్రల్ ఇన్‌ల్యాండ్ ఫిషరీస్ రీసెర్చ్ ఇన్‌స్టిట్యూట్ (సీ ఐ ఎఫ్ ఆర్ ఐ) చే అమలు చేయబడిన "హిల్సాతో సహా మత్స్య సంపద పెంపుదల మరియు జీవనోపాధి మెరుగుదల కోసం సుస్థిరమైన మత్స్య సంపద మరియు గంగా నది పరిరక్షణ"కు సంబంధించిన ప్రాజెక్ట్ కూడా విస్తరించబడింది. గత కొన్నేళ్లలో సాధించిన విజయాన్ని పరిగణనలోకి తీసుకుని అంచనా వ్యయం రూ. 31.38 కోట్లతో ఈ ప్రాజెక్ట్  విస్తరించబడింది 

 

కొత్త ప్రాజెక్ట్ మొత్తం గంగా బేసిన్‌లో చేపల పెంపకంపై ముఖ్యంగా హిల్సా చేపల పెంపకంపై దృష్టి పెడుతుంది.  గంగా నది పరీవాహక ప్రాంతంలో చేపల సంరక్షణను పెంపొందించడం మరియు మత్స్యకారుల జీవనోపాధిని మెరుగుపరచడం ఈ ప్రాజెక్ట్ లక్ష్యం. గంగా బేసిన్‌లోని ముఖ్యమైన దేశీయ మరియు అగ్రశ్రేణి చేప జాతులైన ఐ ఎం సీ, హిల్సా మరియు మహసీర్ జాతులు వంటిచేప జాతులను వాణిజ్యపరంగా పెంచటం మరియు స్టాక్ పెంపుదల ఇందులో ఉన్నాయి. ఈ ప్రాజెక్ట్ జల జీవవైవిధ్య పరిరక్షణ మరియు మత్స్యకారుల జీవనోపాధి మెరుగుదల కోసం పౌర చైతన్యం పై దృష్టి సారిస్తుంది.

 

చిత్తడి నేల పరిరక్షణ కోసం, ముజఫర్‌నగర్‌లోని కలేవాలా జీల్, ప్రయాగ్‌రాజ్‌లోని నుమైయా దహి జీల్ (ఖేదువా తాల్) మరియు బల్లియా జిల్లాలోని దహ్తాల్ రియోటి చిత్తడి నేలల సమర్థవంతమైన నిర్వహణ ప్రతిపాదన కూడా ఆమోదించబడింది. ఈ ప్రతిపాదనలు నదీ పరీవాహక ప్రాంత పరిరక్షణ మరియు ఈ ముఖ్యమైన చిత్తడి నేలల అభివృద్ధి ప్రణాళికలో జీవ వైవిధ్యం మరియు పర్యావరణ వ్యవస్థ సేవా విలువలను ఏకీకృతం చేస్తాయి. ఈ ప్రాజెక్ట్‌లో చిత్తడి నేల పరీవాహక ప్రాంతాలతో జలసంబంధమైన అనుసంధానాన్ని నిర్వహించడం, మంచి సాగు పద్ధతులను ప్రోత్సహించడం, తీరప్రాంతాల సహజత్వాన్ని నిర్వహించడం, చిత్తడి నేలలపై ఆధారపడిన జాతుల వైవిధ్యానికి మద్దతుగా నివాస నాణ్యతను నిర్వహించడం మరియు మెరుగుపరచడం, చిత్తడి నేలల జీవవైవిధ్యం మరియు పర్యావరణ వ్యవస్థ సేవలపై వాటాదారులలో అవగాహన పెంచడం మరియు స్థానికంగా ప్రచారం చేయడం చిత్తడి నేలల నిర్వహణలో వాటాదారుల భాగస్వామ్యం వంటివి ఉన్నాయి. 

 

ఉత్తరాఖండ్‌లోని ధల్వాలాలో గంగా వాటికా పార్కును అభివృద్ధి చేయాలనే మరో ప్రతిపాదన కూడా 51వ ఈ  సీ సమావేశంలో ఆమోదించబడింది.

 

***

(Release ID: 1967269) Visitor Counter : 91