شمال مشرقی خطے کی ترقی  سیاحت اور ثقافت کے وزیر جناب جی کشن ریڈی نے آج سبھی آٹھ شمال مشرقی ریاستوں میں صحت کے شعبے میں بھارت کی پہلی 5جی تربیتی لیبز اور 5جی ایپلی کیشنز کا آغاز کیا ہے۔اس پروجیکٹ کو مرکز کی طرف سے فنڈ فراہم کیا گیا ہے۔ یہ فنڈ شمال مشرقی کونسل (این ای سی)کی طرف سے فراہم کیا گیا ہے اور اس پر آسام سرکار کے ایک پی ایس یو آسام الیکٹرونک ڈیولپمنٹ کارپوریشن (ایمٹرون)عمل درآمد کررہا ہے۔ اس تقریب میں وزیر مملکت جناب بی ایل ورما ، ایمٹرون کے چیئرمین جناب رامیندر نارائن کلیتا، ڈونر کے سیکریٹری جناب چنچل کمار ، این ای سی کے سیکریٹری جناب موسس چلئی اور دیگر شخصیتیں موجود تھیں۔

اجتماع سے خطاب کرتے ہوئے جناب جی کشن ریڈی نے شمال مشرقی خطہ میں ایک متحرک 5جی ڈیجیٹل ماحولیاتی نظام کے قیام کی طرف اس پرجوش قدم کی اہمیت پر زور دیا۔ انہوں نے اس بات پر روشنی ڈالی کہ کس طرح یہ تکنیکی ترقی، ترقی کے وسیع موقع کو پیدا کرے گی اور پائیدار ترقی کے مقاصد2030 کو حاصل کرنے میں اپنا تعاون دے گی۔ انہوں نے مزید کہا کہ مستقبل میں5جی مارکیٹ کی تیزی سے ترقی کے ساتھ، شمال مشرقی ریاستیں اس سے فائدہ اٹھا سکیں گی۔

اس سے پہلےوزیر مملکت جناب  بی ایل ورما نے اس پہل کی تعریف کی اور کہا کہ ٹیکنالوجی میں ترقی کے ساتھ5 جی کا آغاز اس ڈیجیٹل دور میں اشٹ لکشمی ریاستوں کی ترقی کی نشاندہی کرنے والا ایک واضح قدم ہوگا۔ انہوں نے مزید کہا کہ وزیر اعظم جناب نریندر مودی جی کی قیادت میں، بھارت جدید ٹیکنالوجی میں ایک عالمی چیلنجر کے طور پر ابھر رہا ہے اور شمال مشرقی ریاستیں اس کوشش میں اہم کردار ادا کر سکتی ہیں۔

اپنی خوشی کا اظہار کرتے ہوئے وزیر موصوف نے وزیر خزانہ کے24-2023 کے بجٹ تقریر کے اعلانات کے مطابق، تمام آٹھ شمال مشرقی ریاستوں میں بھارت کی پہلی 5جی لیبز کے قیام کے لیے این ای سی اور ایمٹرون کی ستائش کی۔ انہوں نے اس بات پر زور دیا کہ یہ لیبز نہ صرف ڈیجیٹل فرق  کو ختم کریں گی، بلکہ نوجوانوں کو معلوماتی دور کے لیے ضروری مہارتوں کے ساتھ بااختیار بنائیں گی، جس سے شمال مشرق میں علمی معیشت کی ترقی کو فروغ ملے گا۔

صحت کی دیکھ بھال میں5 جی کی بنیادی اہمیت کو اجاگر کرتے ہوئے، وزیر نے اعلیٰ معیار کی صحت کی دیکھ بھال میں تمام لوگوں تک رسائی فراہم کرنے اور عام آدمی کے لیے طبی اخراجات کو کم کرنے کی اس کی صلاحیت پر زور دیا۔ انہوں نے اس بات کا اعادہ کیا کہ5 جی وزیر اعظم کے ’انتودیہ‘ وژن کو پورا کرنے میں ایک اہم ذریعہ ثابت ہو سکتا ہے۔

گزشتہ سال این ای سی کی گولڈن جوبلی تقریبات کے دوران امرت کال میں شمال مشرق کے سفر کے لیے وزیر اعظم جناب نریندر مودی کے ’’اشٹا آدھار’’کے وژن کا ذکر کرتے ہوئے، جناب کشن ریڈی نے اس بات پر روشنی ڈالی کہ 5 جی کنکٹی ویٹی اس وژن کے ستونوں میں سے ایک ہے اور آج، ہم اسے پورا کرنے کے قریب ہیں۔

جناب جی کشن ریڈی نے مزید کہا کہ شمال مشرق کوبھارت کو تازہ  ترقی کے انجن کے طور پر قائم کرنے کے لیے حکومت کے پختہ عزم کا اعادہ کیا گیا، جس میں گزشتہ ساڑھے نو سال میں خطہ میں کنکٹی ویٹی اور بنیادی ڈھانچے کی ترقی میں 5 لاکھ کروڑ  روپے سے زیادہ کی سرمایہ کاری کی گئی ہے۔

*************

ش ح۔ ا س۔ن ع

U. No.10663