Ha ka jingpdiang ia ka President jong ka Tanzania, ka Samia Suluhu Hassan ha ka India Tanzania Investment Forum mynta ka sngi, u Piyush Goyal, Myntri Sorkar Pdeng ba dei khmih ia ki Tnat Commerce & Industry, Consumer Affairs, Food & Public Distribution and Textiles u la ong ba ka jingiadei paralok hapdeng ki artylli ki ri ka la kiew sha ka kyrdan jong ka jingiatreilang bad ka jingiadei hapdeng ki briew bad ki kam khaii pateng ba la don hapdeng ki artylli ki ri kan nang khlain ha ki snem ban wan.

U Goyal u la ong ba u Myntri Rangbah duh u Narendra Modi u long u nongkyrshan ba radbah ban wanrah ia ka phang shathie jong ka pyrthei ha kawei ka rynsan. Ka jingiadei hapdeng ka India bad Africa ka la nang kiew hapoh ka jingialam jong u bad lyngba ka sienjam jong u Myntri Rangbah duh u Modi ka la wanrah ka jingiatylli ban pynlong ia ka African Union ka dkhot ba pura jong ka G20, u la bynrap.

U Goyal u la ong ba u Myntri Rangbah duh u Narendra Modi u peit ia kane ka jingiatreilang hapdeng ki artylli ki ri kiba la kiew shaphrang bad kiba iar ha ki kam kum ka jingiadei kaba kongsan ka ban trei na ka bynta ka bha ka miat jong ar billion ki briew jong ka Africa bad India na ka bynta ka roi ka par kaba kynthup ia baroh bad kaba iaineh.

U Goyal u la ong ba ki artylli ki ri ki iasam ia ka histori kaba riewspah bad ka jingiadei jong jong ngi ka dei kaba la don da ki phew snem da kaba kdew ba u Mahatma Gandhi u la ioh ia ka jinghikai ba nyngkong jong u ha Africa, u Goyal u la ong ba ki don shibun ki jingiasyriem ha ka jingiakhun ban ioh ia ka jinglaitluid, ngi la iatreilang kum ki ri ki bym iashah iano iano bad ngi la lah ban jop ia ki nongshun jong ngi. U la ong ba mynta ngi don ki kam kiba kongsan iwei ia iwei bad ngi dang trei naduh ka jingbei tyngka ia ki startup, naduh ki kam ai jingsumar haduh ki kam khaii pateng. U la bynrap ba ka don ka kabu kaba khraw lyngba kito kiba trei ha ki kam khaii pateng bad kane kan wanrah burom ia baroh ar tylli ki ri lyngba ka jingtrei shitom jong ki ban kyntiew shuh shuh ia kane ka jingiadei, ban pyniar bad plie ki lad ioh kam bad ia ki nongseng kam lajong jong baroh artylli ki ri.

Ka India kan iatreilang bad ka Tanzania ha ki kam bapher bapher kum ka pule puthi, ka jingkyntiew ia ki sap treikam, ka jingai jinghikai pyntbit, ka deiriti, ka bording, ki sienjam ba iadei bad ka suin bneng, ka kam khaii pateng ha ki pisa jong ki ar tylli ki ri bad ha ka teknoloji, la ong u Goyal. U la ong ba ka India ka la tyrwa ka jingai ram ban pynthikna ka jingkyntiew ia ki jingdon jingem bad ka jingtei ia ki jingdon jingem ha Tanzania.

Ka Tanzania kadei ka jaka kaba ka India ka khlain bha ka jingshalan mar ha Africa bad ngi phakhmat ban pynlong ia kane sa kawei ka khana jong ka jingkiew sted, la ong u Goyal da kaba bynrap ba ngi lah ban iatreilang ban pynthikna ka jingshngain ka jingdon bam, bad ha ka kam shna dawai bad ka kam haw haw kaba dang thymmai bad ba dang kiew.

**********