नवी दिल्लीत रेलभवन येथे आज  रेल्वे, दळणवळण, इलेक्ट्रॉनिक्स आणि माहिती तंत्रज्ञान मंत्री अश्विनी वैष्णव यांनी  पूर्व रेल्वेच्या  वरिष्ठ क्रीडा अधिकारी आणि  19व्या आशियाई क्रीडा स्पर्धेत   भारतीय दलाच्या  डेप्युटी शेफ डी मिशन डोला बॅनर्जी आणि  पूर्वकिनारा  रेल्वेचे सहाय्यक क्रीडा अधिकारी आणि सुवर्णपदक विजेता भारतीय पुरुष हॉकी संघाचे सदस्य अमित रोहिदास यांची भेट घेतली.

चीनमधील हांगझू  येथे झालेल्या 19व्या आशियाई क्रीडा स्पर्धा, 2022 मध्ये भारतीय चमूने  केलेल्या अतुलनीय कामगिरीबद्दल मंत्र्यांनी त्यांचे अभिनंदन केले.आशियाई क्रीडा स्पर्धेत सहभागी  भारतीय चमूमध्ये भारतीय रेल्वे चे एकूण 98 सदस्य, ज्यात 90 खेळाडू, 07 प्रशिक्षक आणि डेप्युटी शेफ डी मिशन म्हणून  डोला बॅनर्जी यांचा समावेश होता. या आशियाई क्रीडा स्पर्धेत भारताच्या 107 पदकांमध्ये भारतीय रेल्वेच्या   खेळाडूंनी 22 पदकांचे  योगदान दिले आहे.

18व्या आशियाई क्रीडा स्पर्धा 2018 ,मध्ये भारतीय रेल्वेच्या खेळाडूंनी 69 पदकांपैकी 09 पदकांसाठी योगदान दिले होते या तुलनेत 19व्या आशियाई  क्रीडा स्पर्धेत  भारताने जिंकलेल्या 107 पदकांपैकी रेल्वे खेळाडूंचे 22 पदकांचे योगदान आहे. त्यामुळे भारतीय पदकतालिकेत भारतीय रेल्वेच्या खेळाडूंचे योगदान 58% ने वाढले आहे.

***

N.Chitale/S.Chavan/P.Kor

*** 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 1966434) Visitor Counter : 218