রাস্ত্রপতি শ্রীমতি দ্রৌপদি মুর্মুনা “রিসর্চতগী থবক ওইনা পাংথোকপা ফাওবাঃ  কাঙলোন চুম্বা অমসুং নীংহন্নবা লৈতবা এগ্রি-ফুদ সীস্তেম অমগী মাইকৈদা” হায়বা হীরমদা পাংথোকপা মালেমগী রিসর্চ কনফরেন্স অমা হৌদোকখ্রে। থৌরম অসি ইন্দিয়ন কাউন্সিল ওফ এগ্রিকলচরেল রিসর্চ (ICAR) অমসুং CGIAR GENDER ইম্পেক্ত প্লেতফোর্ম্না ঙসি নই-দিল্লীদা য়ুম্বু ওইদুনা শিনবনি। লৌউ-শিংউ অমসুং লৌমীশিংগী য়াইফ য়ুম্বালগী কেন্দ্র মন্ত্রী, শ্রী নরেন্দ্র সিংহ তোমার; লৌউ-শিংউ অমসুং লৌমীশিংগী য়াইফ য়ুম্বালগী কেন্দ্রগী রাজ্য মন্ত্রী, শ্রী কৈলাশ চৌধুরী অমসুং শুশ্রী সোভা করন্দজলে; লৌউ-শিংউ অমসুং লৌমীশিংগী য়াইফ য়ুম্বাল বিভাগকী সেক্রেতরী, শ্রী মনোজ অহুজা; এগ্রিকলচরেল রিসর্চ অমসুং এজুকেসন বিভাগকী সেক্রেতরী অমসুং ইন্দিয়ন কাউন্সিল ফোর এগ্রিকলচরেল রিসর্চকী দাইরেক্তর জেনেরেল, দাঃ হিমানশু পাথক; CGIARগী একজেক্যুতিব মেনেজিং দাইরেক্তর, প্রোফেসর এন্দ্র্যু কেম্পবেল; CGIAR GENDER ইম্পেক্ত প্লেতফোর্মগী দাইরেক্তর, দাঃ নিকোলিন দে হান; CGIARগী সাউথ এসিয়া রিজনেল দাইরেক্তর, তেমিনা ললানী শরিফসু ঙসিগী হৌদোকপগী থৌরমদা শরুক য়াখি।

শ্রীমতি দ্রৌপদি মুর্মুনা মহাক্কী ৱারোলদা নুপীনা লুচিংদুনা চাউখৎপা পুরকপগী পান্দম্বু হেন্না খুমাং চাউশিলহন্নবগীদমক্তা লৌউ-শিংউগা মরী লৈনবা নুপীশিংবু মপাঙ্গল হাপ্পগী মরু ওইবশিংদা মিৎয়েং চঙখি। লবুক্তগী থোক্লকপা চেং হৱাই মরুশিংনা ঐখোয়গী পুকখমদা চিঞ্জাক ওইনা তারিবসিদা মখোয়গী চাউরবা থৌদাং কয়া য়াওরি হায়না মহাক্না হায়খি। “ইকোলোজিকেল ওইনা সস্তেনেবল, ইথিক্সকী মখা পোন্না অপাম্বা ফাওবা, শেন্মিৎলোনগী মখা পোন্না মমল হোঙবা অমসুং খুন্নাইগী মখা পোন্না পুথোকপগীদমক্তা, মসিগুম্বা পান্দমশিং ফংনবগীদমক্তা তঙাই ফদবা ফিভম শেম্বা ঙম্বা রিসর্চকী তঙাই ফদবা লৈ”, মহাক্না হায়খি। “এগ্রি-ফুদ সীস্তেম্বু মতৌ করম্না শেমদোক্কদগে হায়বা পথাপ নাইবা ৱাফম খঙবগী মথৌ তাই। কনফরেন্স অমসুং কম্ম্যুনিতী অসিনা হায়রিবা মশক নাইবা পান্দমশিং ফংনবা তঙাই ফদবা থৌরাং খুদিংমক য়াৎকনি হায়বগী ঐহাক্না থাজবা থম্মি”, মহাক্না মখা তাখি।

মালেম অসিনা মোদর্ন য়ুগতা খোঙদারবসু, মালেম অসিনা কাঙলোন চুম্বা অমসুং নীংহন্নবা নাইদবা এগ্রি-ফুদ সীস্তেম অমা ফংনবগীদমক্তা ঙসিসু ৱানা হোৎনরি হায়না শ্রীমতি মুর্মুনা হায়খি। “মালেম পুম্বদা নুপীশিংবু হৌজিক ফাওবা ফাজিন পুনশিন্দুনা থম্লি, খুন্নাইদা লৈরিবা হন্থনা য়েংবগী কাঙলোন, লৌশিংগী মরক্তা পন খায়বা, মপু ওইবা, এসেত, রিসোর্স অমসুং সোসিএল নেতৱর্কশিংনা মখোয়বু হৌজিক ফাওবা থিংদুনা থম্লি। মখোয়গী থৌদাংবু শকখঙবীদে, মখোয়গী থৌদাংবু অকক্ননা থম্বীরি অমসুং মখোয়গী এজেন্সীবু এগ্রি-ফুদ সীস্তেমগী মপুং ওইবা চেন অসিনা নাথৈবীরি”, মহাক্না মখা তাখি।

ঙসি তিল্লিবা রিসর্চ তৌবা মীওইশিংবু মহাক্না থাগৎলদুনা, রাস্ত্রপতিনা অসুম্না মখা তাখি, “CGIAR GENDER ইম্পেক্ত প্লেতফোর্ম্না মান্নবা মিৎয়েং য়েংবা অমসুং ইনক্লুজনগী থৌওংবু এগ্রি-ফুদ সীস্তেম রিসর্চকী ময়োলদা থম্লিবা, নুপীশিংবু অহোংবা পুরকপগী পোৎলম ওইনা য়েংবগী মহুত্তা অহোংবা পুরকপদা শাফু পীগদবা এজেন্ত ওইনা উদুনা মিৎয়েং চঙলিবা অসিবু ঐহাক্না থাগৎচনীংই”।

শ্রী নরেন্দ্র সিংহ তোমারনা হায়খি, “নুপীশিংনা ভারতকী লৌউ-শিংউদা অচৌবা থৌদাং য়ারি অমসুং নুপাশিংনা থাদরিবা মতমগা চপ মান্ননা মখোয়সু মশাগী মতম থাদরি। অহেনবা ওইনা, মখোয়না শেল ফংদবা কেয়র ৱর্ক কয়াদা চয়োল অমদা চাউরাকপা পুং 30দি কাইথোক্লি। এগ্রি-ফুদ সীস্তেমদা মান্নবা মিৎয়েং য়েংবগী থৌওং লৈবনা লাইরবা হন্থহনবতা নত্তনা নুপীশিংগী মফমদা হেন্না ফবা ন্যুত্রিসন অমসুং হেল্থ এক্সেস পীগনি হায়বা ঐহাক্না চেৎনা থাজৈ। নুপীশিংগী ফুদ সেক্যুরিতী, ন্যুত্রিসন অমসুং হকশেলদা অখন্নবা মিৎয়েং চঙবা অমসুং খুন্নাইগী মপুং ওইবা শাহৌ লৌবদা নুপীশিংগী মরু ওইবা থৌদাংবু মশক খঙলিবা G20 দিক্লারেসন য়েংলুরগদি ৱাফম অসি হেন্না চুনবা অমা ওইরি। ভারতকী প্রসিদেন্সী মখাদা মায় পাক্না পাংথোকখিবা G20 সম্মিতকী ৱাফম কয়াবু কনফরেন্স অসিনা তুং ইনবনা মরম ওইরগা কনফরেন্স অসিগী মশক থোকপা হীরম কয়া লৈরি। নি দিল্লী লীদর্স দিক্লারেসনগী G20গী লুচিংবশিংনা মালেম্না নুপীশিংনা লুচিংদুনা চাউখৎপা পুরকপগী ৱাফম্বু তরাম্না ওকখিবনি। হীরম অসিগা মরী লৈননা, চুম্লে তাক্লবা ইন্নোভেসন অমসুং প্রাইওরিতীশিংনা  ইনক্লুসিব ওইবা দিভেলপমেন্তকী লম্বী য়াৎপদা রিসর্চনা চঙদবা য়াদ্রবা মচল অমা ওইরিবনি”।

নীংথিজনা পাংথোকপা রিসর্চ, দিভেলপমেন্ত অমসুং ইন্নোভেসনগী লমদা ইভেস্তমেন্ত অমসুং মায় পাকপগী শাংলবা ৱারি কয়া ঐখোয়গী লৈরি হায়না শ্রী তোমারনা হায়খি। লৈবাক অসিদা অপীকপা অমসুং ময়াই ওইরপ্না চাউনা লৌউবা লৌমী চাদা 86 লৈ, মখোয়না শিংনবা কয়া মাইয়োক্নরবসু, লৈবাক অসিগী অৱাৎপা মেনবদা লেপ্তনা থৌদাং য়াদুনা লাক্লি, লোয়ননা, অতোপ্পা লৈবাক কয়াদা ফুদ সপ্লাই তৌবসু ঙমহল্লি হায়না কেন্দ্র মন্ত্রীনা হায়খি। শিংনবা কয়া লৈজরবসু, অপীকপা লৌমীশিংগী য়াইফ য়ুম্বালগীদমক্তা অনৌবা থবক কয়া পায়খৎলি, পুম্নমক অসি প্রধান মন্ত্রী, শ্রী নরেন্দ্র মোদীগী লুচিং মখাদা পাংথোক্লিবনি অমসুং পোলিসী ইন্নোভেসন কয়াসু মায় পাক্না পাংথোক্লি হায়না মহাক্না মখা তাখি। ICARনা পুথোকপা ক্লাইমেত ফ্রেনলী ভেরাইতীশিংগা লোয়ননা এগ্রিকলচরেল ইন্নোভেসন অমসুং এক্সতেন্সিব রিসর্চকী খুত্থাংদা ভারতনা লৌশিংগী খোঙলোই, অমসুং রোল মোদেল ওইরক্লি হায়না মন্ত্রীনা ফোংদোকখি। শ্রী তোমারনা হায়খি, “ক্লাইমেত চেঞ্জ অমসুং ফুদ সীস্তেমগী অতোপ্পা খুদোংচাদবা কয়া পুন্না মাইয়োক্নমিন্নবগা লোয়ননা হকশেল ফবা অমসুং ফংবদা লায়বা চিঞ্জাক হেন্না পুথোক্নবগীদমক্তা রিসর্চ অমসুং ইন্নোভেসন্দা লেপ্তনা ইনভেস্তমেন্ত তৌবগী মথৌ তাই। জেন্দর ইক্বেলিতী মপাঙ্গল হেন্না কনখৎহন্নবা অমসুং পোলিসীশিংদা সোসিএল ইনক্লুজন হেন্না খুমাং চাউশিলহন্নবা ফুদ সীস্তেম্বু গ্লোবেল গোলগী শরুক অমা ওইহনবা অমসুং প্রদক্তিবিতী হেনগৎহন্নবা ইন্নোভেসনগী মথৌ তাই”।

কনফরেন্স অসিনা মকোক থোংবা রিসর্চর, থোৎ লীদরমসুং প্রেক্তিস্নর কয়াবু অমত্তা ওইনা পুরক্লি, অমসুং নীংহন্নবা লৈতবা, পুম্নমক্না মান্ননা কান্নবা ফংবা অমসুং কাঙলোন চুম্বা ফুদ সীস্তেম অমগী মাইকৈদা মতৌ করম্না খোঙজেল য়াঙনা খুমাং চাউশিলহনগনি অমসুং মপাঙ্গল হেন্না লৈহনগনি হায়বগী মতাংদা মখোয়না মশাগী ৱাখল্লোন ফোংদোক্নগনি হায়না দাঃ হিমানশু পাথক্না হায়খি। হেন্না ফবা অমসুং নীংহন্নবা লৈতবা ফুদ সীস্তেম অমগীদমক্তা রিসর্চ, পোলিসী অমসুং ইনভেস্তমেন্তকী থৌওংদা লমজিংবদা CGIAR অমসুং ICARনা মরু ওইবা থৌদাং য়ারি হায়না মহাক্না মখা তাখি। “তেক্নিকেল ওইবা লৌশিং অমসুং রিসোর্স হেন্না শিজিন্নবা ফংহন্দুনা নুপীশিংবু লৌউ-শিংউবদা কাঙলোন চুম্না শরুক য়াহনবনা শেন্মিৎলোনগী চাউখৎ থৌরাংদা অহোংবা অমা পুরকপা ঙমগনি”, দাঃ পাথক্না মখা তাখি।

CGIARগী রিসর্চনা নুপীশিংনা লৌশিং, রিসোর্স অমসুং ৱারেপ লৌবগী থৌওংদা মান্নবা থৌদাং য়ারকপা মতমদা খুন্নাই অপুনবনা কান্নবা ফংগনি, অমসুং ফুদ অমসুং ন্যুত্রিসন সেক্যুরিতীসু পুম্নক্কী ওইনা ফগৎলক্কনি, লোয়ননা, ফুদ সীস্তেম্বু নীংহন্নবা লৈতবা অমসুং তুং কোইনা চৎনবা পথাপ অমদা শেমদোকপা ঙমগনি হায়না প্রোফেসর কেম্পবেলনা হায়খি। ইনক্লুসিব ওইবা এগ্রিকলচরেল ত্রান্সফোর্মেসন পুরকপদা জেন্দরগী মরু ওইবা থৌদাং লৈ হায়না মহাক্না মখা তাখি।

লৈখিদ্রবা শক্নাইরবা প্রোফেসর স্বামিনাথন্না এগ্রিকলচর রিসর্চকী লমজিংবা ওইনা মতৌ করম্না খোঙফম চেৎনা লেপ্লম্বগে অমসুং মীওইনা খুন্নাইনা খ্বাইদগী অরুবা ইরাং মাইয়োক্নরিঙৈ মতমদা গ্রীন রিভোল্যুসনবু মতৌ করম্না লুচিংবগে হায়বগী মতাংদা পাউদম্লদুনা, নুপীশিংবু ফুদ সীস্তেমগী ময়োলদা পুবা ঙমগদবা অমসুং রিসর্চনা মপুং ওইনা তেংবাংবা ইন্নোভেসনগী অনৌবা থৌওং পরেং অমা ঐখোয়না মথৌ কয়া য়াম্না তাবগে হায়বগী মতাংদা দাঃ দে হান্না মীয়ামগী পুক্নিং চীংশিনখি। নুপীশিংবু শরুক অমা ওইহনবা অমসুং মখোয়না থৌদাং য়াবা, কান্নবা ফংবা অমসুং লুচিংবা ঙম্বগী খুদোংচাবা পীবা মথংগী ইহৌগীদমক্তা রিসর্চ শিজিন্নবা য়াবরা হায়বা ঐখোয় য়েংলসি হায়না মহাক্না হায়খি। মসিদা লৌমী, ফুদ সীস্তেম অমসুং লৈবাক্না ফংগদৌরিবা কান্নবা অসিদি অদুক্কী মতিক চাউগনি, মরম অদুনা, ঐখোয়না থৌওং অসি হৌজিকমক হৌগদবনি হায়না মহাক্না হায়খি।

থৌরম হৌদোক্লবা মতুংদা, ভারতকী G20 শের্পা, শ্রী অমিতাব কান্তনা মরু ওইবা ৱারোল থমখি অমসুং এগ্রি ফুদ সীস্তেমগী হীরমদা জেন্দর ইক্বেলিতীগী করি থৌদাং লৈবগে হায়বগী মতাংদা মহাক্কী ৱাখল্লোন ফোংদোকখি। মহাক্না হায়খি, “CGIAR অমসুং ICARগা লোয়নবা মখোয়গী খোঙলোইশিংগী রিসর্চনা ফুদ সেক্যুরিতী অমসুং ন্যুরিসন, ক্লাইমেত স্মার্ত এপ্রোচ, ইনক্লুসিব এগ্রিকলচরেল ভেল্যু চেন অমসুং জেন্দর ইনক্লুসিব এগ্রিকলচরেল ত্রান্সফোর্মেসন পুরক্নবগীদমক্তা দিজিতাইজেসন তৌবগুম্বা হীরমশিংদা মিৎয়েং চঙবগী মরু ওইবশিং তাক্লি”।

নুমিৎ মরিনি (ওক্তোবর 9-12) চত্থগদবা কনফরেন্স অসিনা ফুদ সীস্তেমগী মনুংদা জেন্দর অমসুং ইনক্লুজন লৈবগী মতাংদা কত্তিং এজ নোলেজ শেয়র তৌনবগীদমক্তা লৈবাক 68গী জেন্দর রিসর্চরশিংবু তরাম্না ওক্লি। থৌরম অসি তোঙান-তোঙানবা লুপ মখল কয়াদগী লাকপা রিসর্চরশিংগী মরক্তা সাইন্তিফিক এক্সচেঞ্জ অমসুং দাইলোগ হেনগৎহন্নবা মওংদা শেম-শাবনি, অমসুং মসিনা পোলিসী শেম্বাম প্রেক্তিস্নর, প্রাইভেত সেক্তরগী মীওই অমসুং ইকুইতেবল ফুদ সীস্তেম ত্রান্সফোর্মেসনগী মাইকৈদা থবক তৌরিবা অতোপ্পা মীওইশিংগা ৱারি ৱাতাই শাবগী খুদোংচাবসু লৈহনগনি। মসিগী পান্দমদি রিসর্চ অমসুং প্রেক্তিসকী মরক্তা লৈরিবা অহাঙবা মেনশিনবা অমসুং জেন্দর ইক্বেল অমসুং সোসিএল্লী ইনক্লুসিব, রেজিলিএন্ত ফুদ সীস্তেম অমা পুরকপা ঙমহনবনি।

 

***

(Release ID: 1966123) Visitor Counter : 94