صنعت و تجارت ، امور صارفین، خوراک اور عوامی تقسیم اور ٹیکسٹائل کے مرکزی وزیر جناب پیوش گوئل نے آج دبئی میں متحدہ عرب امارات کی سرکردہ کمپنیوں ایمار، شرف اور ڈی پی ورلڈ کے سی ای او سے ملاقات کی اور ہندوستان میں ان کی سرمایہ کاری کے منصوبوں پر تبادلہ خیال کیا۔ انہوں نے انہیں ہندوستان میں متحدہ عرب امارات کی سرمایہ کاری کو آسان بنانے کے لئے حکومت ہند کے عزم کا یقین دلایا۔

جناب گوئل  گزشتہ دو سالوں میں  صنعت و تجارت کے وزیر کے طور پرمتحدہ عرب امارات کے اپنے تیسرے دورے پر ہیں۔ یہ اس اہمیت کو اجاگر کرتا ہے جو ہندوستان اور متحدہ عرب امارات کے ساتھ اپنی اقتصادی اور تجارتی شراکت داری کو دیتا ہے۔

آج، جناب گوئل نے خلیج تعاون کونسل (جی سی سی) خطے اور مصر میں فوڈ سیکٹر کی سرکردہ کمپنیوں کے ساتھ بات چیت کی۔ خطے میں فوڈ سیکورٹی پارٹنر کے طور پر ہندوستان کے نمایاں کردار کو دیکھتے ہوئے، میٹنگ نے ہندوستان اور جی سی سی ممالک کے درمیان خوراک کے شعبے میں زیادہ سے زیادہ تجارت اور سرمایہ کاری کو فروغ دینے کے طریقوں پر توجہ مرکوز کی۔ جناب گوئل کی بات چیت نے صنعت کے نمائندوں کو ہندوستان اور خطے کے درمیان فوڈ سیکٹر میں مضبوط تعاون کی تعمیر پر اپنی بصیرت اور نقطہ نظر کا اشتراک کرنے کا ایک پلیٹ فارم بھی فراہم کیا۔

وزیر موصوف نے متحدہ عرب امارات میں مقیم معروف ہندوستانی چارٹرڈ اکاؤنٹنٹ (سی اے)سے بھی ملاقات کی۔ بات چیت میں ہندوستان-یو اے ای تعلقات کو بڑھانے پر توجہ مرکوز کی گئی۔ وزیر موصوف نے سی اے کمیونٹی کی حوصلہ افزائی کی کہ وہ ہندوستان کے ’امرت کال‘ میں اپنی خدمات پیش کریں ۔

وزیرموصوف نے ایکس پر پوسٹ کیا:

Held a meeting with major food importers from the Gulf countries.

Discussed opportunities that India’s robust agricultural & food processing sectors present to further boost our trade in food & agri products.

📍Dubai, UAE pic.twitter.com/AXON5kvsax

— Piyush Goyal (@PiyushGoyal) October 6, 2023

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ت ع(

10485

(Release ID: 1965247) Visitor Counter : 79