سی آرپی ایف کے زیر اہتمام خواتین افسران کی ایک موٹر سائیکل ریلی کو ترواننت پورم کے پلی پورم میں سی آرپی ایف  گروپ سینٹر میں استقبالیہ دیا گیا۔ سابق ڈی جی پی، بی سندھیا، ترواننت پورم رینج کے ڈی آئی جی، آر نشانتھینی، سی آر پی ایف پلی پورم گروپ سینٹر، ڈی آئی جی ونود کارتک، گروپ سینٹر کمانڈنٹ راجیش یادو نےخواتین بائک  سواروں کا استقبال کیا۔ سی آر پی ایف کی ڈپٹی کمانڈنٹ سندھو کی قیادت میں 50 رکنی ٹیم 25 بائک پرسوارہوکر کنیا کماری سے پلی پورم پہنچی۔ اس ریلی کا مقصد ملک کے عوام میں قومی یکجہتی کو فروغ دینا ہے۔ انہوں نے 97 کلومیٹر کا فاصلہ 3 گھنٹے میں طے کیا۔ گروپ کے آٹھ ارکان کا تعلق  ریاست کیرالہ سے ہے۔ سماجی انصاف اور تفویض اختیارات کے مرکزی وزیر مملکت جناب اے نارائن  سوامی نے صبح کنیا کماری سے اس  ریلی کو جھنڈی دکھا کر روانہ کیا۔

اس تقریب کے مہمان خصوصی ،سابق ڈی جی پی بی سندھیا نے کہا کہ سی آر پی ایف خواتین افسران کی بائک ریلی، جو ناری شکتی کو اجاگر کر رہی ہیں، نوجوان نسل کے لیے ایک تحریک ہے۔ بائک ریلی میں شرکت کرنے والی ملک بھر کی خاتون  افسران منی انڈیا ہیں۔ اولمپیئن محترمہ اُمانہ کماری 07 اکتوبر (سنیچر) 2023 کو صبح 06:30 بجے سی آر پی ایف گروپ سینٹر، پلی پورم سے مدورئی کے لیے روانہ ہونے والی بائک  ریلی کو جھنڈی دکھائیں گی۔سی آر پی ایف کی خواتین افسروں کی موٹرسائیکل   ریلی کا اہتمام اس طرح کیا جا رہا ہے کہ وہ راشٹریہ ایکتا دیوس کے حصے کے طورپر 05 سے 31 اکتوبر تک ملک کے مختلف حصوں کا دورہ کریں گی۔

**********

 

(ش ح۔   م ع۔ع آ)

U-10442

(Release ID: 1964912) Visitor Counter : 88