وزیر اعظم جناب نریندر مودی جی کی سووچھ بھارت کی کال سے متاثر ہو کر، زندگی کے تمام شعبوں سے تعلق رکھنے والے شہریوں نے سووچھ بھارت پہل کو جوش و خروش سے قبول کیا۔ اس ملک گیر مہم کے سلسلے میں، شمال مشرقی خطہ کی ترقی کی وزارت(ایم ڈی او این ای آر) اور اس کی تمام تنظیموں نے  ‘ایک تاریخ ایک گھنٹہ’ کے تحت اپنے متعلقہ دفاتر، اسکولوں، اسپتالوں، پولیس چوکیوں، قریبی ندی نالوں وغیرہ میں سوچھتا کے لیے شرم دان کیا۔ یکم اکتوبر 2023 کو جن بھاگیداری کے جذبے کے ساتھ  640 افراد نے مجموعی طور پر 7  پروگراموں  میں حصہ لیا اور 2000 مربع میٹر سے زیادہ علاقے کی صفائی کی۔ سیکریٹری، ایم ڈی او این ای آر اور این ای سی، ایم ڈی او این ای آر کے سینئر افسران، ڈاکٹرز، اساتذہ اور دیہات کے سربراہان اور سینئر ضلعی افسران اہم شرکاء میں شامل تھے جنہوں نے سینکڑوں عملے اور افراد کو پورے جوش و جذبے کے ساتھ تقریبات میں شرکت کرنے اور صفائی کو زندگی کا ایک طریقہ اپنانے کی ترغیب دی۔

مہم کے دوران، جناب چنچل کمار، سکریٹری،  ایم ،ی او این ای آر نے سرگرمیوں کی باقاعدگی سے نگرانی کی اور تمام شرکاء کاحوصلہ بڑھایا۔ انہوں نے اس بات پر زور دیا کہ سووچھتا کے لئے شرم دان صرف ایک دن کا معاملہ نہیں ہونا چاہئے اور تمام افسران اور عملہ کو مشورہ دیا کہ وہ اسے ایک  روزمرہ کی زندگی کا معمول بنائیں اور مختلف مقامات پر مہینے میں کم از کم ایک بار شرمدان کریں۔ جناب  کمار نے ہاؤس کیپنگ عملے کی خصوصی کوششوں کا بھی اعتراف کیا جنہوں نے اپنی فدا کارانہ کوششوں کے ذریعے مہم میں اہم کردار ادا کیا۔

سوچھتا پکھواڑا کے دوران 15.09.2023 سے 2.10.2023 تک، ایم ،ی او این ای آر اور اس کی تنظیموں کے ذریعہ مختلف شناخت شدہ مقامات پر صفائی کی سرگرمیاں چلائی گئیں۔ ان تنظیموں میں  این ای سی، این ای ڈی ایف آئی ، این ای ایچ ڈی سی، این ای آر اے ایم اے سی، اور این ای سی بی  ڈی سی شامل ہیں ۔ اس مدت کے دوران فالتو/ اسکریپ آئٹمز کی شناخت موجودہ قواعد کے تحت تلف کرنے کے لیے کی گئی۔

ماحول دوست طریقوں کو اپنانے کے لیے بیداری پیدا کی گئی جیسے کہ ایک بار استعمال ہونے والے پلاسٹک کے استعمال پر مکمل پابندی، بہتر طریقے سے ضائع کرنے کے لیے کچرے کو اصل مقام پر الگ کرنا، گیلے اور خشک کچرے کے لیے الگ الگ ڈبوں کا استعمال۔ صفائی کے تئیں عوامی بیداری پیدا کرنے کے لیے، ایف پی اوز وغیرہ میں بڑے پیمانے پر شرمدان کی سرگرمیاں انجام دی گئیں۔

کام کا جائزہ لیا گیا، اور صفائی اور کچرے کے بندوبست  کو بڑھانے کے لیے متعلقہ اداروں کو کام کاج میں بہتری لانے کے لیے تجاویز فراہم کی گئیں۔ 2046 افراد نے 41 صفائی اور بیداری کی سرگرمیوں میں حصہ لیا، سووچھتا پکھواڑا کے دوران سووچھتا ہی سیوا پروگرام کے تحت 6275 افرادی گھنٹے  صفائی ستھرائی کا کام کیا۔

*************

ش ح۔ س ب۔ رض

U. No.10279