"বিশ্বব্যাপী যোগান শৃংখলাবোৰ পুনৰ ব্যৱস্থিত হৈছে। কেঁচা সামগ্ৰী, কম শ্ৰমিক ব্যয়, বৰ্ধিত উৎপাদন জ্ঞান আৰু উদ্যোগী সামৰ্থ্যৰ পৰিপ্ৰেক্ষিতত ভাৰত এক বৈকল্পিক যোগান উৎস হিচাপে উদীয়মান হৈছে", আজি এক অনুষ্ঠানত পেট্ৰ'লিয়াম আৰু প্ৰাকৃতিক গেছ, গৃহ নিৰ্মাণ আৰু নগৰ পৰিক্ৰমা মন্ত্ৰী শ্ৰী হৰদীপ সিং পুৰীয়ে এইদৰে কয়। তেওঁ পিএইছডি চেম্বাৰ অফ কমাৰ্চ এণ্ড ইণ্ডাষ্ট্ৰী (পিএইছডিচিচিআই)ৰ ১১৮ তম বাৰ্ষিক সন্মিলনত ভাষণ প্ৰসংগত তেওঁ এইদৰে উল্লেখ কৰে।

ভাৰতৰ উৎপাদন আকাংক্ষাৰ বিষয়ে উল্লেখ কৰি শ্ৰী হৰদীপ সিং পুৰীয়ে কয় যে উৎপাদন খণ্ডত বৰ্তমান দেশৰ জিডিপিৰ ১৭% আৰু ২৭.৩ নিযুতৰো অধিক শ্ৰমিক নিয়োজিত আছে। তেওঁ কয় যে এই বছৰ বিশ্ব অৰ্থনৈতিক মঞ্চত প্ৰধানমন্ত্ৰীয়ে 'মেক ইন ইণ্ডিয়া, মেক ফৰ দা ৱৰ্ল্ড'ৰ আহ্বান জনোৱাটো তাৰেই ইংগিত আছিল যে ২০২৫ চনৰ ভিতৰত ভাৰত উৎপাদনৰ অংশ ২৫% লৈ বৃদ্ধি কৰিবলৈ সাজু আৰু আগ্ৰহী।

মন্ত্ৰীগৰাকীয়ে কয় যে জিএছটি, আইবিচি, সম্পদ মুদ্ৰাকৰণ, শ্ৰম আইনৰ সংস্কাৰ, পিএলআই, ৰাষ্ট্ৰীয় আন্তঃগাঁথনি পাইপলাইন আৰু বহুমুখী সংযোগৰ বাবে গতি শক্তি মিছনৰ দৰে অৰ্থনৈতিক সংস্কাৰ আৰু নীতিয়ে বহুতো গাঁথনিগত অভাৱসমূহ দূৰ কৰিছে।

ভাৰতৰ শক্তিশালী ঔদ্যোগিক আধাৰৰ কথা উল্লেখ কৰি কেন্দ্ৰীয় মন্ত্ৰীগৰাকীয়ে উল্লেখ কৰে যে ভাৰত হৈছে ইস্পাতৰ দ্বিতীয় সৰ্ববৃহৎ উৎপাদক; চিমেণ্টৰ দ্বিতীয় সৰ্ববৃহৎ উৎপাদক; আৰু কয়লাৰ দ্বিতীয় সৰ্ববৃহৎ উৎপাদক। আন্তঃগাঁথনিৰ বিষয়ে ক'বলৈ গ'লে, দেশখনত নিৰ্মাণ পৰিৱেশৰ দ্বিতীয় সৰ্ববৃহৎ পৰিৱেশ আছে; লগতে আছে চতুৰ্থ সৰ্ববৃহৎ ৰেলৱে নেটৱৰ্ক; আৰু দ্বিতীয় সৰ্ববৃহৎ পথ নেটৱৰ্ক।  অটোমোবাইল উদ্যোগৰ বিষয়ে উল্লেখ কৰি মন্ত্ৰীগৰাকীয়ে কয় যে ভাৰত হৈছে দুচকীয়া বাহনৰ সৰ্ববৃহৎ উৎপাদক আৰু চাৰিচকীয়া বাহনৰ চতুৰ্থ সৰ্ববৃহৎ উৎপাদক।

শ্ৰী হৰদীপ সিং পুৰীয়ে কয় যে প্ৰদৰ্শন-সংযোজিত ইনচেণ্টিভ (পিএলআই) আঁচনিয়ে ১৪ টা কৌশলগত খণ্ডৰ উৎপাদনত বিপ্লৱ আনিছে। তেওঁ কয় যে পিএলআই আঁচনিৰ ফলত উৎপাদন খণ্ডত এফডিআইৰ হাৰ ৭৬% বৃদ্ধি পাইছে। পৰৱৰ্তী পাঁচ বছৰত, পিএলআই আঁচনিবোৰে ৬০ লাখ অতিৰিক্ত চাকৰি সৃষ্টি কৰিব বুলিও আশা কৰা হৈছে।

পিএলআইৰ পৰিৱৰ্তনশীল প্ৰভাৱ সন্দৰ্ভত ভাষণ প্ৰদান কৰি মন্ত্ৰীগৰাকীয়ে কয় যে ৩ বছৰৰ ভিতৰত মোবাইল নিৰ্মাণত ২০% মূল্য সংযোজন হৈছে আৰু স্মাৰ্টফোনৰ ৰপ্তানি ১৩৯% লৈ বৃদ্ধি হৈছে।

অনুষ্ঠানটোত মন্ত্ৰীগৰাকীয়ে শেহতীয়া বছৰবোৰত শক্তি খণ্ডৰ দ্বাৰা প্ৰত্যক্ষ কৰা পৰিৱৰ্তনৰ বিষয়েও কয়। তেওঁ কয় যে ভাৰতে একেসময়তে পৰম্পৰাগত ইন্ধন অন্বেষণ আৰু শক্তি পৰিৱৰ্তন দুয়োটা কামেই কৰি আছে।

মন্ত্ৰীগৰাকীয়ে কয় যে ভাৰতে ২০২৫ চনৰ ভিতৰত অন্বেষণৰ ক্ষেত্ৰত ইয়াৰ মুঠ ভৌগোলিক এলেকা ৮% (০.২৫ নিযুত বৰ্গ কিলোমিটাৰ)ৰ পৰা ১৫% (০.৫ নিযুত বৰ্গ কিলোমিটাৰ)লৈ বৃদ্ধি কৰাৰ লক্ষ্য ৰাখিছে।

ভাৰত হৈছে পেট্ৰ'লিয়াম সামগ্ৰীৰ এক বিশ্বব্যাপী ৰপ্তানিকৰ্তা আৰু বিশ্বব্যাপী চতুৰ্থ সৰ্ববৃহৎ শোধন ক্ষমতাৰ অধিকাৰী হোৱাৰ গৌৰৱ কৰে, তেওঁ কয়।

জৈৱ ইন্ধন বিপ্লৱত অৰ্জন কৰা গুৰুত্বপূৰ্ণ মাইলৰ খুঁটিৰ কথা উল্লেখ কৰি তেখেতে ব্যক্ত কৰে যে ২০১৩-১৪ বৰ্ষৰ ১.৫৩% ৰ পৰা ২০২৩ চনলৈ ১১% ইথানল মিশ্ৰণ বৃদ্ধি পাইছে ।

তেওঁ কয় যে ভাৰতে সেউজ হাইড্ৰজেন পৰিস্থিতিতন্ত্ৰ বিকশিত কৰাৰ বাবে ১৯,৭৪৪ কোটি টকা আৱণ্টন কৰি ৰাষ্ট্ৰীয় সেউজ হাইড্ৰজেন মিছনো আৰম্ভ কৰিছে।

সেউজ শক্তি পৰিৱৰ্তনৰ দিশত ভাৰতৰ যাত্ৰাৰ বিষয়ে উল্লেখ কৰি তেওঁ কয় যে ভাৰতে পিএলআইৰ জৰিয়তে বৈদ্যুতিক বাহনসমূহক সমৰ্থন কৰি আছে আৰু ২০২৪ চনৰ মে’ মাহৰ ভিতৰত ২২,০০০ খুচুৰা বিপনীত বৈকল্পিক ইন্ধন কেন্দ্ৰসমূহ স্থাপন কৰা হ'ব।

 

 

(Release ID: 1962307) Visitor Counter : 84