সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সোন্নেল, পব্লিক গ্রাইবেন্স, পেন্সন, স্পেস অমসুং এতোমিক ইনর্জী, দাঃ জিতেন্দ্র সিংহনা ভারতনা ইং 2070 ফাওবদা, প্রধান মন্ত্রী শ্রী নরেন্দ্র মোদীনা লাউথোকখিবগুম্না, নেত জিরো ইমিসনগী পান্দম ফংনবা খোঙফম চেৎলি হায়খ্রে।

“ঐখোয়না ইন্তর্নেস্নেল কোলাবোরেসন অমসুং পার্ত্নরশিপ কয়াগী খুত্থাংদা রিসর্চ অমসুং ইন্নোভেসন পাংথোক্তুনা য়ুনাইতেদ নেসন্সকী সস্তেনেবল দিভেলপমেন্ত গোল (SDG) ফংনবা তেংবাংনবগীদমক্তা খোঙফম চেৎলি”, মহাক্না নই দিল্লীদা ঙসি পাংথোকখিবা ‘গ্রীন রিব্বন চেম্পিয়ন্স প্রোগ্রাম’দা শরুক য়াবদা হায়খি।

ইং 2030 ফাওবগী মনুংদা 500 GWগী নন-ফোসিল ফুএল ইনর্জী কেপাসিতী য়ৌবা; ইং 2030 ফাওবগী মনুংদা মখোয়গী ইনর্জীগী তঙাই ফদবগী য়ামদ্রবদা তংখায়গী চাংদি রিন্যুএবল ইনর্জী শিজিন্নদুনা ফংবা; ইং 2030 ফাওবগী মনুংদা CO2 ইমিসনবু বিলিয়ন তন 1দা হন্থহনবা; ইং 2030 ফাওবগী মনুংদা কার্বন ইন্তেন্সিতীবু চাদা 45কী মখাদা থম্বা; অমসুং ইং 2070 ফাওবদা নেত জিরো ইমিসনগী পান্দম ফংনবা লম্বী য়াৎপগুম্বা পাঞ্চঅমৃত এক্সন প্লানগী মখাদা লৈবা অশাংবা অমসুং অতেনবা মতমগী পান্দমশিং ফংনবা শেম শাদুনা লৈরে হায়না দাঃ জিতেন্দ্র সিংহ্না হায়খ্রে।

নবেম্বর 2021দা য়ুনাইতেদ কিংদমগী গ্লাসগোদা পাংথোকপা য়ুনাইতেদ নেসন্স ফ্রেমৱর্ক কনভেন্সন ওন ক্লাইমেত চেঞ্জ (UNFCC)কী কনফরেন্স ওফ পার্তীজ (COP26)তা পি.এম. মোদীনা মালেমগী মাঙদা ভারতকী ক্লাইমেত এক্সন প্লানগী অমৃতগী মচল মঙা (পাঞ্চঅমৃত) লান্থোক্তুনা ভারতকী ক্লাইমেত এক্সন প্লান (CAP) অসিবু হেন্না খুমাং চাউশিলহনগনি হায়না লাউথোকখি। মহাক্না হায়খি, ভারতকী মশা মঙা লোঙবা পান্দম অমসুং ইং 2070 ফাওবগী মনুংদা নেত-জিরো ইমিসন ফংনবা খোঙফম চেৎলিবা অসিগী মথক্তা, সস্তেনেবল ওইবা পুন্সি মহিং অমা হিংবগী তঙাই ফদবা লৈ অমসুং গ্লোবেল ক্লীন ইনর্জী ফ্রেতর্নিতীনা অকনবা খোঙথাং থাংদুনা ‘লাইফস্তাইল ফোর ইনভাইরনমেন্ত’ (LiFE) অসিবু মালেমগী মিসন ওইহনগদবনি।

য়ুনাইতেদ নেসন্সনা ইং 2015দা COP21গী মনুংদা পি.এম. মোদীগী মফমদা ‘চেম্পিয়ন্স ওফ অর্থ এৱার্দ 2018’ পীখিবা মতমদা মহাক্না লুচিংদুনা মিসন ইন্নোভেসন (MI) অমসুং ইন্তর্নেস্নেল সোলর এল্লাইএন্স অসি লাউথোকখি হায়না দাঃ জিতেন্দ্র সিংহনা হায়খি।

‘মিসন ইন্নোভেসন’ হায়বা ৱাহৈ অসি পি.এম. মোদীনা শেমখিবনি। মিসন ইন্নোভেসন (MI) হায়বসি ক্লীন ইনর্জী রিভোল্যুসনগী খোঙজেল য়াঙখৎহন্নবা অমসুং পেরিস এগ্রীমেন্ত গোলশিং খুমাং চাউশিলহন্নবা অমসুং নেত জিরোগী লম্বী য়াৎনবা লৈবাক 23 অমসুং য়ুরোপিয়ন কম্মিসনগী (য়ুরোপিয়ন য়ুনিয়নগী মহুৎ শিন্দুনা) খোঙথাং অমনি।

মিসন ইন্নোভেসন (MI)গী অহানবা ফেজ (2015-2020) অসি নবেম্বর 30, 2015দা COP21দা লাউথোকখি। মসিগী অহানবা ফেজ অসিদা ভারতনা স্মার্ত গ্রিদ, ওফ গ্রিদ এক্সেস তু ইলেক্ত্রিসিতী অমসুং সস্তেনেবল বাইও-ফুএলগুম্বা MI ইন্নোভেসন চেলেঞ্জ অহুম লুচিংখি অমসুং অতোপ্পা ৱর্কশোপ কয়া অমগী য়ুম্বুসু ওইখি।

মিসন ইন্নোভেসন 2.0গী পান্দমগী মখা পোন্না ভারত সরকারনা পব্লিক-প্রাইভেত পার্ত্নরশিপকী খুত্থাংদা ক্লীন ইনর্জী ইন্নোভেসনগী ফন্দিং শোইদনা লৈহল্লি হায়না দাঃ জিতেন্দ্র সিংহনা হায়খি। ক্লীন ইনর্জী মিনিস্তরিএল (CEM) সেতঅপ অসিনা ভারতনা লৈবাক অমসুং মালেমগী থাক্তা ক্লীন ইনর্জী দিভেলপমেন্ত লৈহন্নবা তেংবাংলিবশিংবু উৎপগী তোপ-তোপ্পা খুদোংচাবা অমা পীবা ঙম্লি হায়না মহাক্না হায়খিবগা লোয়ননা CEMগী গ্লোবেল লাইতিং চেলেঞ্জ (GLC) কেম্পেন, স্ট্রিট লাইতিং নেস্নেল প্রোগ্রাম, উন্নত জ্যোতী বাই এফোর্দেবল LED ফোর ওল (UJALA) প্রোগ্রাম অমসুং প্রধান মন্ত্রীনা সোলর ইনর্জীগী চাউরবা মতিক শিজিন্ননবা হৌদোকখিবা ‘ৱান সন – ৱান ৱর্ল্দ – ৱান গ্রিদ’ খোঙথাং য়াওবা CEMগী মরু ওইবা থবক খরগী মমিং পনখি।

হন্দক্কী থাগী অঙনবদা পাংথোকখিবা G20 সম্মিতকী খুদম পীরদুনা, দাঃ জিতেন্দ্র সিংহনা নই দিল্লী দিক্লারেসন্না ভারতনা হৌদোকপা ‘লাইফস্তাইল ফোর ইনভাইরনমেন্ত মিসন’ (LiFE) অসিগী থবকশিং পাংথোক্কনি হায়না খোঙফম চেৎপগা লোয়ননা UN SDG ফংবগী মাইকৈদা আর্তিফিসিএল ইন্তেল্লিজেন্স শিজিন্নবগী থৌওংবুসু হেন্না খুমাং চাউশিলহন্নবা ফিরেপ লৌখি হায়না ফোংদোকখি। ‘গ্রীন দিভেলপমেন্ত পেক্ত’কী কাঙলোন ইন্দুনা, G-20না সস্তেনেবল অমসুং গ্রীন গ্রোথকীদমক্তা লেপ্লিবা অসিবু নৌহৌননা ফোংদোকখি।

দাঃ জিতেন্দ্র সিংহনা ফিশরী, মেরিন রিসর্চ। কোস্তেল তুরিজম অমসুং রিন্যুএবল ইনর্জী পুথোকপদা শিজিন্নরিবা সস্তেনেবল ওইবা থৌওংশিংগী মতাংদা ৱাফম থমখি। মহাক্না হায়খি, ব্লু ইকোনোমীগী পাঙ্গলশিং শিজিন্নদুনা, ঐখোয়না ঐখোয়গী সমুদ্রশিংবু নীংথিজনা থম্বা য়াই অমসুং সস্তেনেবল অমসুং থৌদাং খঙবা মওংদা শেন্মিৎলোন চাউখৎহন্নবা হোৎনবসু য়াগনি। ঐখোয়গী সমুদ্রশিংদা প্লাস্তিক অমসুং মাইক্রোপ্লাস্তিক হেনগৎলক্লিবা অসিগী মতাংদা ঐখোয়না অরুবা মিৎয়েং চঙলি, মসিগী মরমদি, হায়রিবা পোৎলমশিং অসিনা ঐখোয়গী ফুদ চেন্দা চঙখিবদগী সমুদ্রগী জিব কয়ানা মখোয়বু চাশিনবগী থৌওং তোয়না থোকপগীনি অমসুং মসিমক ঐখোয়না মিৎয়েং চঙফম থোকপা অরুবা হীরম অমা ওইরক্লি।

মমাংগী মোন্সুন সেসন্দা পার্লিয়ামেন্তনা অয়াবা পীখ্রবা নেস্নেল রিসর্চ ফাউন্দেসন (NRF) বিল, 2023 অসিনা চহি মঙাগী মনুংদা ভারতকী য়ুনিভর্সিতী, কোলেজ, রিসর্চ ইন্সতিত্যুসন অমসুং R&D লেবোরেতরীশিংদা চাউরাক্না পানরিবা লুপা করোর 50,000গী শেনফম থাদদুনা রিসর্চ অমসুং ইন্নোভেসন পাংথোকপগী চৎনবীবু খুমাং চাউশিলহনগনি অমসুং মসিনা ভারত্তা পাংথোকপা ক্লীন ইনর্জী রিসর্চ অমসুং মিসন ইন্নোভেসন্দা মখা তাবা শাফু পীগনি হায়না দাঃ জিতেন্দ্র সিংহনা হায়খি। মসিগী ফন্দিং অসিগী অয়াম্বা 70%দি নন-গবর্নমেন্তেল সোর্স্তগী লাক্কনি হায়না মহাক্না মখা তানা হায়খি।

গ্রীনহাউস গ্যাস থাদোকপা য়েংশিন্নবা অমসুং হন্থহন্নবা লৈবাক অসিনা কয়া য়াম্না হোৎনরবসু, মালেমগী চাংচৎকী ওইবা অইং অশানা ইং 2100তা প্রি-ইন্দস্ত্রীএল লেভেলগী মথক্তগী চাউরাক্না 2.1°C হেনগৎপা য়াই হায়বগী থাজবা লৈ হায়না দাঃ জিতেন্দ্র সিংহনা হায়খি। মসিদি ঐখোয়না পেরিস এগ্রীমেন্তকী মখাদা থম্লিবা পান্দমদগী তাবনি হায়না মন্ত্রীনা মখা তাখি। পেরিস এগ্রীমেন্তকী মতুং ইন্না, চহি-চা অসিগী অরোইবদা মালেমগী চাংচৎকী অইং-অশা অসি প্রি-ইন্দস্ত্রীএল লেভেলগী মথক্তগী চাউরাক্না 1.5°C ফাওবগী অকক্নবা থম্নবা হায়রিবনি।

প্রিসিসন ইরিগেসন, ইন্নোভেতিব ক্লীন ৱাতর তেক্নোলোজী, খুদম ওইনা হায়রবদা, ৱাতর প্যুরিফিকেসন সীস্তেম, দিসেলিনেসন তেক্নিক অমসুং ৱেস্তৱাতর ত্রিতমেন্ত তেক্নোলোজীশিং অসি মখা তানা ফগৎহন্দুনা থবক ওইনা শিজিন্নগদবনি হায়না দাঃ জিতেন্দ্র সিংহনা হায়খি।

***