مرکزی حکومت نے سوچھتا پکھواڑہ-سوچھتا ہی سیوا 2023 مہم شروع کی تاکہ عوامی مقامات پر صفائی مہم چلانے، صفائی ستھرائی کرنے  اور سوچھ بھارت کے تحت ملک کے صاف ستھرے خواب کو آگے بڑھانے کے لیے  15 روزہ مہم میں بڑے پیمانے پر عوامی شرکت اور متحرک ہونے کی دعوت دی جائے۔ وزیر اعظم نریندر مودی نے اپنے من کی بات پروگرام کے 105ویں ایپی سوڈ میں بھی ہم وطنوں سے یکم اکتوبر 2023 کو صبح 10 بجے ‘‘ایک تاریخ، ایک گھنٹہ، ایک ساتھ’’ صفائی مہم میں شامل ہونے کی اپیل کی ہے۔  دریں اثناء حکومت کی کوششوں پر مثبت رد عمل ظاہر کیا ہے  اور بڑی تعداد میں سوچھتا کی تحریک کو تیز کر دیا ہے۔ اب تک 7 کروڑ سے زیادہ شہری سوچھتا ہی سیوا مہم میں شامل ہو چکے ہیں۔

لوگ اپنے محلّوں اور دیگر عوامی مقامات کو صاف ستھرا رکھنے کی اہمیت کو بخوبی سمجھتے ہیں اور اس سمت میں کوششیں کر رہے ہیں، لیکن ہمارے دریاؤں کو صاف رکھنا اتنا ہی ضروری ہے۔ دریا تازہ پانی کا بنیادی ذریعہ ہیں اور اس طرح انسانی زندگی کو برقرار رکھنے کے لیے ضروری ہیں۔ لہذا، ہمیں زمین کے باشندوں کے طور پر زندہ رہنے کے لیے ہر قسم کے آبی ذخائر خصوصاً دریاؤں کی حفاظت کرنے کی ضرورت ہے۔ حقیقت سے ایک اشارہ لیتے ہوئے، اتراکھنڈ میں شہری بلدیاتی اداروں نے ایس ایچ ایس مہم کے تحت 24 ستمبر کو عالمی دریا دن کے موقع پر ’’صاف دریا: بہتر کل کا موقع‘‘ دریا کی صفائی مہم کا اہتمام کیا۔ مہم کے تحت، ریاست بھر سے شہری رضاکاروں نے کارکنان کے ساتھ  شمولیت اختیار کی اور شام 7 بجے تک ندی کے گھاٹوں اور کناروں، امرت سرووروں، نالوں، جھیلوں اور پانی کے دیگر ذرائع پر صفائی اور بیداری مہم چلائی۔ اس وقت کے دوران، لوگوں نے بھاگیرتھی، الکنندا، ننداکینی، رام گنگا اور سریو ندیوں سمیت 22 ندیوں اور مقامی اور قومی اہمیت کے آبی ذخائر سے کچرا صاف کیا۔

صفائی مہم ایک اجتماعی کامیابی تھی جس کے نتیجے میں 100 سے زیادہ کوڑے کے خطرے سے دوچار پوائنٹس (جی وی پیز) کی صفائی، ندیوں میں گرنے والے 60 سے زیادہ نالوں میں جال لگانا/ تبدیل کرنا، 375 مقامات پر جڑواں ڈبوں کی تنصیب، 2000 کلو گرام سے زیادہ گیلا فضلہ اور6,200 کلو گرام  سے زیادہ خشک فضلہ جمع کیا جا رہا ہے اور  10,000 سے زیادہ شہری رضاکار  اس پہل میں حصہ لے رہے ہیں۔  اس موقع پر دہرادون اور باگیشور میں سائیکل ریلیاں نکالی گئیں، جن میں نوجوانوں اور دیگر شہریوں نے بڑی تعداد میں اس مہم میں حصہ لیا۔

اس مہم کا بنیادی مقصد نوجوانوں اور شہریوں کو دریاؤں کی اہمیت سے آگاہ کرنا، دریاؤں کو کچرے سے پاک کرنا اور دریاؤں کی صفائی اور ان کے بہاؤ کو بلا تعطل جاری رکھنا تھا۔ لہٰذا ان صاف دریاؤں کے ذریعے نئی نسل کے لیے ایک بہتر کل کو یقینی بنایا جا سکتا ہے۔ چونکہ زیادہ تر دریا اتراکھنڈ سے نکلتے ہیں، اس لیے یہاں کے شہریوں کی ذمہ داری کہیں زیادہ ہے کہ وہ اپنے دریاؤں کو اپنے منبع سے صاف اور بلاتعطل رکھنے میں مکمل تعاون کریں۔

*************

ش ح ۔ ا ک ۔ ر ب

U. No.10037

(Release ID: 1961372) Visitor Counter : 104