రాజ్యాంగంలోని ఆర్టికల్ 338 కింద షెడ్యూల్డ్ కులాల జాతీయ కమిషన్‌కు ఇచ్చిన ఆదేశం ప్రకారం, షెడ్యూల్డ్ కులాల రాజ్యాంగపరమైన భద్రతలపై నివేదికను ప్రతి సంవత్సరం, ఇతర సమయాల్లో రాష్ట్రపతికి సమర్పించడం కమిషన్ విధి.
షెడ్యూల్డ్ కులాల ప్రజల రక్షణ, సంక్షేమం, సామాజిక-ఆర్థిక అభివృద్ధి కోసం అవసరమైన చర్యలను సమర్థవంతంగా అమలు చేయడానికి కేంద్ర & రాష్ట్ర ప్రభుత్వాలు తీసుకోవలసిన చర్యలకు సంబంధించిన సిఫార్సులు కూడా ఆ నివేదికల్లో ఉండవచ్చు.

షెడ్యూల్డ్ కులాల జాతీయ కమిషన్ అధ్యక్షుడు శ్రీ అరుణ్ హల్దార్, ఉపాధ్యక్షుడు శ్రీ సుభాష్ రామ్‌నాథ్ పార్ధి, సభ్యురాలు డా.అంజు బాల కలిసి కమిషన్‌ వార్షిక నివేదిక 2020-21 & 2021-22ను రాష్ట్రపతికి సమర్పించారు. 26.09.2023న రాష్ట్రపతి భవన్‌లో నివేదికను సమర్పించారు. షెడ్యూల్డ్‌ కులాల ప్రజలకు భారత రాజ్యాంగం కల్పించిన భద్రతలకు సంబంధించి కమిషన్‌కు అప్పగించిన అంశాలపై వివిధ సిఫార్సులు ఈ నివేదికల్లో ఉన్నాయి.

***