15 ستمبر 2023 سے 2 اکتوبر 2023 تک جاری سوچھتا ہی سیوا سوچھتا پکھواڈا کے ایک حصے کے طور پر، ہندوستانی ریلوے بہت ساری سرگرمیوں کے ذریعے ایک صاف ستھرے، زیادہ صفائی والے ریلوے نظام کی سمت میں کام کر رہی ہے جس کا مقصد کثیر جہتی تبدیلی لانا ہے۔ اس سال کے ایڈیشن میں، اسٹیشنوں پر ریلوے ٹریکس کی صفائی، بڑے اسٹیشنوں تک پہنچنے اور ریلوے احاطے سے پلاسٹک کے فضلے کے خاتمے پر خصوصی زور دیا گیا ہے۔ اس بات کو یقینی بنانے کے لیے یہ ایک کثیر جہتی طریقہ ہے کہ ریلوے نیٹ ورک کا ہر حصہ صفائی اور پائیداری کے اصولوں پر عمل پیرا ہے۔ اس مہم میں سوچھ سمواد (کلین ڈائیلاگ)، سوچھ ریل گاڑی (صاف ٹرینیں)، سوچھ اسٹیشن (کلین اسٹیشن)، سوچھ پریسر (صاف احاطے)، سوچھ آہار (صاف کھانا)، اور سوچھ پرسادھان (صاف پینٹری) وغیرہ  شامل ہیں۔

سوچھتا ہی سیوا مہم کے پہلے نو دنوں میں، 15 سے 24 ستمبر 2023 تک، 1.5 لاکھ سے زیادہ افراد نے جوش و خروش  کے ساتھ  حصہ لیا، اور اس مہم کے لیے اجتماعی طور پر ڈیڑھ لاکھ سے زیادہ لوگوں نے 498,265  افرادی گھنٹے وقف کیے۔یہ سراسر تعداد ذمہ داری اور ملکیت کے گہرے احساس کی عکاسی کرتی ہے جسے شہریوں نے ریلوے کو صاف ستھرا اور زیادہ حفظان صحت بنانے کے لیے اٹھایا ہے۔ ریلوے نے مسافروں میں بیداری پیدا کرنے کے لیے ایک جامع انداز اپنایا ہے۔ ریلوے کی سرکاری ویب سائٹ پر سوچتا ہی سیوا کا لوگو اور بینرز نمایاں طور پر آویزاں  کئے گئے ہیں۔ ٹرینوں اور اسٹیشنوں پر کچرے کو مناسب طریقے سے ٹھکانے لگانے کے بارے میں مسافروں کو آگاہ کرنے کے لیے اعلانات کیے جاتے ہیں۔ مہم کے بارے میں بیداری پیدا کرنے کے لیے ‘‘سوچھ ریل، سوچھ بھارت’’ کے نعرے کے تحت پربھات پھیری، صبح کے جلوسوں کا انعقاد کیا جاتا ہے۔

بنگلورو اسٹیشن پر بنائی گئی  تصویر میں  پلاسٹک کے فضلے کی گرفت اور دباؤ میں زمین کو دکھایا گیا مجسمہ

مہم کا آغاز ایک اچھی شروعات کے ساتھ کیا گیا جب ریلوے بورڈ کے چیئرمین اور سی ای او نے ریل بھون سے ویڈیو کانفرنسنگ کے ذریعے ریلوے حکام سے  سوچھتا کا عہد لیا ۔ یہ علامتی اشارہ ریلوے کے اس مقصد کے لیے غیر متزلزل عزم کی نشاندہی کرتا ہے۔

ہندوستانی ریلوے آرٹ اور ثقافت کو بھی تبدیلی کے لیے گاڑیوں کے طور پر استعمال کر رہی ہے۔ این جی اوز، مذہبی اداروں اور ریلوے اسٹیشنوں پر اسکول کے بچوں کے تعاون سے نکڑ ناٹک، اسٹریٹ ڈرامے منعقد کیے جاتے ہیں۔ یہ رنگین اور معلوماتی پرفارمنس مسافروں کو صفائی اور صفائی کی اہمیت کے بارے میں آگاہ کرنے کے لیے پرکشش پلیٹ فارم کے طور پر کام کرتی ہیں۔

مہم کے بنیادی مقاصد میں سے ایک ریلوے اسٹیشنوں کے قریب والے علاقوں، پٹریوں،  یارڈوں یا ڈپو کے احاطے میں کھلے عام رفع حاجت کی حوصلہ شکنی کرنا ہے۔انفارمیشن، ایجوکیشن، اینڈ کمیونیکیشن (آئی ای سی) کی مہمات اس پیغام کو مؤثر طریقے سے پھیلانے میں اہم کردار ادا کرتی ہیں۔ ماحول دوستی اور پائیداری کو فروغ دینے کی کوشش میں، بائیو ٹوائلٹس کے استعمال پر توجہ مرکوز کرنے والی صفائی سے متعلق آگاہی مہم زوروں پر ہے۔ مسافروں کو ان کی شہری ذمہ داریاں یاد دلانے کے لیے اینٹی لیٹرنگ نوٹسز اور کیا کریں/  کیا نہ کریں کے پوسٹرز نمایاں طور پر آویزاں کیے گئے ہیں۔

ویگن ریپیئر ڈپو، اے ڈی آر اے نے کچرا پھینکنے کے علاقے کو نباتات اور حیوانات کے ساتھ ایک  باغ میں تبدیل کر دیا ۔

یہ مہم ‘‘ہارا گیلا سوکھا نیلا’’ پہل کے ساتھ بھی مطابقت رکھتی ہے، جس میں خشک اور گیلے کچرے کو وقف شدہ ڈبوں کے ساتھ الگ کرنے پر زور دیا جاتا ہے۔ صفائی کے تمام اثاثے، جیسے کہ کوڑے کے ڈبے، عوامی بیت الخلاء، ڈھلاوس (فضلہ جمع کرنے کے مقامات)، فضلے کی نقل و حمل کی گاڑیاں، اور میٹریل ریکوری فیسیلٹیز (ایم آر ایفس)، اسٹیشن کے علاقوں میں مرمت، پینٹنگ، صفائی، اور برانڈنگ سے گزر رہے ہیں۔ یہ اصلاحات نہ صرف صفائی کو بڑھاتی ہیں بلکہ ریلوے اسٹیشنوں کی خوبصورتی  میں بھی اہم کردار ادا کرتی ہیں۔

مزید یہ کہ ‘ہر پٹری صاف ستھری’ (ہر ٹریک صاف ستھرا) کے بینر تلے ریلوے ٹریکس کی صفائی ستھرائی کی جا رہی ہے۔ رہائشی احاطے بشمول ریلوے کالونیاں، ریٹائرنگ/ویٹنگ روم، رننگ روم، ریسٹ ہاؤس، ڈارمیٹری، کینٹین، اور اسٹیشن کے احاطے میں اور اس کے آس پاس کھانے کے اسٹال بھی صفائی مہم کا حصہ ہیں۔ ‘‘ویسٹ ٹو سیلفی’’ پوائنٹس کی تخلیق مہم میں تخلیقی صلاحیتوں کا اضافہ کرتی ہے، جس سے مسافروں کی حوصلہ افزائی ہوتی ہے کہ وہ صاف ستھرے ماحول میں اپنا حصہ ڈالنے میں فخر محسوس کریں۔

سوچھتا ہی سیوا سوچھتا پکھواڑا مہم میں ہندوستانی ریلوے کی شرکت صفائی، پائیداری، اور سوچھ بھارت ابھیان کے وژن کو عملی جامہ پہنانے کے لیے تنظیم کے غیر متزلزل عزم کی عکاسی کرتی ہے۔ ریلوے صرف نقل و حمل کا ایک ذریعہ نہیں ہے بلکہ صاف اور صحت مند مستقبل کے لیے قوم کی امنگوں کا عکاس بھی ہے۔ وزیر اعظم کی قیادت میں اور ان گنت ریلوے اہلکاروں اور شہریوں کی لگن سے، ہندوستانی ریلوے صفائی اور ماحول دوستی کی نئی بلندیوں کو حاصل کرنے کے راستے پر گامزن ہے۔ یہ مہم سوچھ بھارت (کلین انڈیا) اور سوچھ ریل (کلین ریل) کے لیے امید کی کرن کے طور پر کام کرتی ہے۔

بوریولی اسٹیشن ، ٹریک سے چیتھڑے چننے سے پہلے اور بعد کا منظر

ممبئی سینٹرل پر  پٹریوں کے اطراف سے پہلے اور صفائی کے بعد کا منظر

*************

ش ح۔ ج ق۔ رض

U. No.9980

(Release ID: 1960931) Visitor Counter : 117