دور دراز کے علاقوں کی ترقی کے تئیں قومی قیادت کے وژن کے سلسلے میں بھارتی بحریہ نے بھارت کی شمال مشرقی ریاستوں کے ساتھ رابطے کو مستحکم کرنے کے لیے رسائی کا ایک کثیر جہتی پروگرام شروع کیا ہے۔ مہاراشٹر کے لونا والا میں آئی این ایس شیواجی سے سکم تک ایک موٹرکار مہم ‘خمیر مو سکم’ (ہیلو سکم) کا  24 ستمبر سے 15 اکتوبر 2023 تک اہتمام کیا جارہا ہے۔ یہ کار ریلی 6ہزار 500 کلو میٹر کا فاصلہ طے کرتے ہوئے بہت سی ریاستوں سے گزرے گی۔خاتون افسران اور این ڈبلیو ڈبلیو اے ارکان سمیت بحریہ کے عملے پر مشتمل ٹیم، ناری شکتی کو بھی نمایاں کرے گی۔کار ریلی کا مقصد سکم کے نوجوانوں کے، دفاعی خدمات میں حصہ لینے کی حوصلہ افزائی کرنا ہے اور خطے میں بحریہ سے متعلق  بیداری پیدا کرنا ہے اور قوم کی تعمیر کو تقویت دینا ہے۔

اس کار ریلی کو کوموڈور موہت گوئل، این ایم، کمانڈنگ افسر، آئی این ایس شیواجی سے 24ستمبر 2023 کو ، لونا والاسے جھنڈی دکھاکر روانہ کریں گے۔ اس ریلی کا انعقاد تین مرحلوں میں کیا جائے گا۔ پہلے مرحلے میں یہ ریلی ماؤ، جھانسی، لکھنؤ، وارانسی اور باگ ڈوگرا سے ہوکر گزرے گی۔دوسرے مرحلے میں یہ ریلی سکم کے اندرونی علاقوں سے گزرے گی۔ اس کا سفر گینگ ٹوک سے شروع ہوگا۔ تیسرے مرحلے میں یہ ریلی کولکاتہ، بھونیشور، وشاکھا پٹنم، حیدرآباد اور پونے جائے گی۔کار ریلی کے دوران اس کے شرکاء مختلف اسکولوں کے طلبہ ، آزمودہ کار شخصیتوں کے ساتھ بات چیت کریں گے اور رسائی پروگراموں کا انعقاد کریں گے نیز بیداری سے متعلق مہم چلائیں گے۔ یہ مہم 22 روزہ ہوگی۔ یہ مہم میسرز ماروتی سوزکی انڈیا لمیٹڈ اور انڈین آئل کارپوریشن ( اینڈھن کے شراکت دار) لمیٹڈ کے ساتھ شراکت داری میں منعقد کی جائے گی۔

******

ش ح ۔ ا س ج ا

U. No.9917