గత సమీక్షా సమావేశంలో కమీషన్ ఫర్ ఎయిర్ క్వాలిటీ మేనేజ్‌మెంట్ (సిఏక్యూఎం) రాష్ట్రంలో వరిపొట్టు గుట్టలను కాల్చే పద్దతిని తొలగించడానికి రోజువారీ ప్రాతిపదికన హాట్‌స్పాట్ జిల్లాలపై ప్రత్యేక దృష్టి సారించింది. ఈ నేపథ్యంలో జిల్లా ప్రణాళికలు మరియు రాష్ట్ర కార్యాచరణ ప్రణాళికను సమర్థవంతంగా, తీవ్రతరం చేసి మరియు కఠినంగా అమలు చేయాలని సంబంధిత డీసీలతో సహా రాష్ట్ర ప్రభుత్వాన్ని ఆదేశించింది.

2022 డేటా ప్రకారం హర్యానాలోని 22 జిల్లాలకు గాను 09 జిల్లాల్లోని పొలాల్లో పొట్టు దహనం ఘటనలు శూన్యం లేదా చాలా తక్కువగా ఉన్నాయి. పల్వాల్, పానిపట్, రోహ్‌తక్ మరియు సోనిపట్ అనే 04 జిల్లాలకు సంబంధించి వ్యవసాయ దహనాలు గత సంవత్సరం 100 కంటే తక్కువకు తగ్గించబడ్డాయి. హాట్‌స్పాట్ జిల్లాలైన ఫతేహాబాద్, కైతాల్ మరియు జింద్‌లో 500 కంటే ఎక్కువ ఉన్నాయి. ఆందోళన కలిగించే ఇతర జిల్లాలు సిర్సా, కురుక్షేత్ర, కర్నాల్, అంబాలా, యమునా నగర్ మరియు హిసార్‌గా ఉన్నాయి.

రాష్ట్ర కార్యాచరణ ప్రణాళికను సమర్ధవంతంగా అమలు చేయడం ద్వారా హర్యానాలో  చెత్తను కాల్చే సంఘటనలను భారీగా తగ్గించాలని భావించిన కమిషన్, ఎన్‌సీఆర్ & పరిసర ప్రాంతాలలో ఎయిర్ క్వాలిటీ మేనేజ్‌మెంట్ కమిషన్ (సిఎక్యూఎం) ప్రస్తుత సంవత్సరం వరి కోత సీజన్‌లో హర్యానా ప్రభుత్వం యొక్క సన్నద్ధతను పరిశీలించింది.

సమావేశంలో వ్యవసాయ శాఖ మరియు పర్యావరణ శాఖ, హర్యానా రాష్ట్ర కాలుష్య నియంత్రణ మండలి (హెచ్‌ఎస్‌పిసిబి) మరియు సంబంధిత జిల్లా కలెక్టర్లు (డిసిలు) సహా సంబంధిత శాఖల రాష్ట్ర ప్రభుత్వ కార్యదర్శులు అవసరమైన అన్ని చర్యలు తీసుకుంటామని కమిషన్‌కు హామీ ఇచ్చారు. ప్రస్తుత వరి కోత సీజన్‌లో పొట్ట దగ్ధం కావడంలో తీవ్ర తగ్గింపును సాధించేందుకు రాష్ట్ర కార్యాచరణ ప్రణాళికను సమర్ధవంతంగా అమలు చేయడానికి సరైన శ్రద్ధ వహిస్తామని తెలిపారు.

రాష్ట్ర కార్యాచరణ ప్రణాళిక ప్రకారం మొత్తం వరి సాగు విస్తీర్ణం 14.82 లక్షల హెక్టార్లుగా అంచనా వేయబడింది మరియు బాస్మతియేతర వరి  గడ్డి ఉత్పత్తి 7.3 మిలియన్ టన్నుల కంటే ఎక్కువగా ఉంటుందని అంచనా.

ప్రస్తుత వరికోత సీజన్‌కు సంబంధించి రాష్ట్ర మరియు జిల్లా కార్యాచరణ ప్రణాళికల సంసిద్ధత మరియు అమలును సమీక్షించడానికి మరియు కార్యాచరణ ప్రణాళికను ఖరారు చేయడానికి సిఎక్యూఎం ఇప్పటికే నాలుగు (04) సమావేశాలను నిర్వహించింది. ఈ సంవత్సరం సిఎక్యూఎం రాష్ట్ర కార్యాచరణ ప్రణాళికతో పాటు జిల్లా వారీగా కార్యాచరణ ప్రణాళికలను కూడా కోరింది. సిఎక్యూఎం కూడా యాక్షన్ ప్లాన్  ఖచ్చితమైన అమలు కోసం చట్టబద్ధమైన ఆదేశాలను జారీ చేసింది.

తాజా సమీక్షా సమావేశంలో సంబంధిత జిల్లాల డీసీలు తమ జిల్లాల్లో గడ్డిని ఇన్‌సిటు మరియు ఎక్స్‌సిటూ మేనేజ్‌మెంట్ ద్వారా నిర్వహించేందుకు యంత్రాంగాలు సిద్ధంగా ఉన్నాయని హామీ ఇచ్చారు.

గడ్డిని మేతగా ఉపయోగించడం మరియు బయో-డికంపోజర్ అప్లికేషన్ ద్వారా గడ్డిని నిర్వహించడంతోపాటు, యంత్రాల లభ్యత స్థితిని కూడా చర్చించారు. హర్యానాలో ప్రస్తుతం 80,000 కంటే ఎక్కువ పంట అవశేషాల నిర్వహణ యంత్రాలు ఉన్నాయి. యంత్రాల మొత్తం లభ్యత మరియు కొత్త యంత్రాల సేకరణను కూడా సమీక్షించారు. డిమాండ్ మరియు సరఫరా మ్యాపింగ్ ద్వారా యంత్రాల యొక్క సరైన వినియోగాన్ని సమీక్షా సమావేశంలో పునరుద్ఘాటించారు.

ఖరీఫ్ సీజన్ 2022కి సంబంధించిన శాటిలైట్ డేటా ఆధారంగా, యాక్టివ్ ఫైర్ లొకేషన్ (ఏఎఫ్‌ఎల్) ఆధారంగా మైక్రో ప్లానింగ్‌లో భాగంగా ప్రస్తుత సంవత్సరానికి హాట్ స్పాట్ గ్రామాలు మరియు జిల్లాలు గుర్తించబడ్డాయి:

(Release ID: 1959843) Visitor Counter : 85