سماجی انصاف اور  تفویض اختیارات کی وزارت بزرگ شہریوں کے لیے مربوط پروگرام (آئی پی ایس آر سی) کو نافذ کر رہی ہے، جو اٹل وایو ابھیودے یوجنا (اے وی وائی اے) کا ایک جزو ہے جس کے تحت عمل درآمد کرنے والی ایجنسیوں جیسے غیر سرکاری/رضاکارانہ تنظیموں کو بزرگ شہریوں کے گھروں (اولڈ ایج ہوم) کی دیکھ بھال اور چلانے کے لیے نقد امداد  فراہم کی جاتی ہے۔

آئی پی  ایس آر سی کے تحت بزرگ شہریوں کے گھروں کی کام کی کارکردگی کو بڑھانے کے لیے، درج ذیل اقدامات کیے گئے ہیں:-

1. وزارت نے اسکیم کے تحت پروجیکٹوں کی نگرانی کے لیے ایک پروجیکٹ مانیٹرنگ یونٹ (پی ایم یو) قائم کیا ہے۔
2. ان گھروں کو 2020-21 سے احاطے میں کلوز سرکٹ ٹیلی ویژن (سی سی ٹی وی) کیمرے نصب کرنے کی ضرورت ہے۔
3. لاگو کرنے والی تنظیموں کو گھروں کے بارے میں معلومات اور سی سی ٹی وی کیمروں کی لائیو فیڈ کی نمائش کے لیے ویب سائٹس کو برقرار رکھنے کی بھی ضرورت ہے۔
4. وزارت خزانہ نے پبلک فنانس مینجمنٹ سسٹم (پی ایف ایم ایس) کا ایکسپینڈیچر ایڈوانسڈ ٹرانسفر (ای اے ٹی) ماڈیول متعارف کرایا ہے جس کے تحت عمل درآمد کرنے والی ایجنسیوں کو اس بات کی عکاسی کرنے کی ضرورت ہے کہ وہ نقد امداد  آخر میں کہاں خرچ کر رہے ہیں۔

نقد امداد  کے اجراء کا نظام ای-انودان پورٹل پر ضروری معاون دستاویزات کے ساتھ تجاویز کی وصولی کی بنیاد پر ایک مسلسل عمل ہے، جو کہ جنرل مالیاتی قواعد، 2017 میں دی گئی شرائط کے تابع ہے۔

یہ معلومات سماجی انصاف اور تفویض اختیارات  کی وزارت کی وزیر مملکت محترمہ  پرتیما بھومک نے آج راجیہ سبھا میں ایک تحریری جواب میں دی۔

 

*************

( ش ح ۔ ا ک  ۔ رب (

U. No.9831

(Release ID: 1959704)