இந்திய தொலைத்தொடர்பு ஒழுங்குமுறை ஆணையம் (டிராய்) "குறைந்த சக்தி கொண்ட சிறிய அளவிலான எஃப்எம் ரேடியோ ஒலிபரப்பு தொடர்பான பிரச்சினைகள்" குறித்த பரிந்துரைகளை இன்று வெளியிட்டுள்ளது.

டிரைவ்-இன் திரையரங்குகள் போன்ற சேவைகளுக்கு புதிய சேவை வழங்குநரை அறிமுகப்படுத்த வேண்டியதன் அவசியம் மற்றும் நேரம் குறித்து டிராய் சட்டம், 1997 இன் பிரிவு 1 1 (1) (ஏ) (ஐ) இன் கீழ், தகவல் மற்றும் ஒலிபரப்பு அமைச்சகம்  07.03.2022 தேதியிட்ட குறிப்பில் ஆணையத்தின் பரிந்துரைகளை கோரியிருந்தது.

டிரைவ்-இன் தியேட்டர் அமைப்பிற்குள் திரைப்பட ஆடியோவை பார்வையாளர்களுக்கு அனுப்ப, குறைந்த சக்தி கொண்ட சிறிய அளவிலான எஃப்எம் ஒலிபரப்பு மிகவும் திறமையான நுட்பங்களில் ஒன்றாகப் பயன்படுத்தப்படுகிறது. டிரைவ்-இன் திரையரங்குகளுக்கு கூடுதலாக, குறிப்பிட்ட இடங்கள் மற்றும் வரவேற்பு பகுதிகளுக்கு சேவை செய்யக்கூடிய குறைந்த சக்தி கொண்ட சிறிய அளவிலான எஃப்.எம் ரேடியோ ஒலிபரப்பின் பல பயன்பாட்டு வழக்குகள் அடையாளம் காணப்படலாம். எடுத்துக்காட்டுகளில் மருத்துவமனை வானொலி சேவைகள், பொழுதுபோக்கு பூங்காக்கள், வணிக வளாகங்கள், குடியிருப்பு வளாகங்கள் போன்ற சமூகங்கள், சிறிய குடியிருப்புகள், விமான நிகழ்ச்சிகள் மற்றும் விளையாட்டு நிகழ்வுகள் போன்ற உள்ளூர் நிகழ்வுகளுக்கான வர்ணனை ஆகியவை அடங்கும்.

இது தொடர்பாக, குறைந்த சக்தி கொண்ட சிறிய அளவிலான எஃப்.எம் ரேடியோ ஒலிபரப்பு தொடர்பான பிரச்சினைகள் குறித்து பங்குதாரர்களின் கருத்துக்களைக் கேட்டு 17 ஏப்ரல் 2023 அன்று ஒரு ஆலோசனை அறிக்கை வெளியிடப்பட்டது. கருத்துக்களை சமர்ப்பிக்க கடைசி தேதி 22 மே 2023 மற்றும் எதிர்கருத்துக்கள் 5 ஜூன் 2023 ஆகும். பங்குதாரர்களிடமிருந்து 6 கருத்துக்களையும் 1 எதிர் கருத்தையும் டிராய் பெற்றது. பெறப்பட்ட கருத்துக்கள் அனைத்தும் டிராய் இணையதளத்தில் வெளியிடப்பட்டுள்ளன. அதைத் தொடர்ந்து,19 ஜூலை 2023 அன்று வீடியோ கான்பரன்சிங் முறையில் திறந்த சபை விவாதம் நடைபெற்றது.

கலந்துரையாடலின் போது பங்குதாரர்களிடமிருந்து பெறப்பட்ட அனைத்து கருத்துக்கள் / எதிர் கருத்துக்களையும் பரிசீலித்த பின்னர், அதிகாரசபை தனது பரிந்துரைகளை இறுதி செய்துள்ளது.

விரிவான விவரங்களுக்கு இந்த ஆங்கில செய்திக்குறிப்பை காணவும்; https://pib.gov.in/PressReleasePage.aspx?PRID=1959453 

***

ANU/AD/PKV/KRS

(Release ID: 1959485) Visitor Counter : 143