سی ایس آئی آر - نیشنل انسٹی ٹیوٹ آف سائنس کمیونیکیشن اینڈ پالیسی ریسرچ (سی ایس آئی آر-این آئی ایس سی پی آر ) نے حال ہی میں اپنا (ایک ہفتہ ایک لیب ۔او ڈبلیو اوایل) پروگرام مکمل کیا ہے۔ ایک ہفتہ طویل مدت کے دوران، این آئی ایس سی پی آر نے انسٹی ٹیوٹ کے مقاصد اور مینڈیٹ کے مختلف زاویوں پر توجہ مرکوز کرنے والے واقعات کا ایک سلسلہ منعقد کیا۔ اس پروگرام کو سائنس پالیسی ریسرچ اور سائنس کمیونیکیشن کے شعبوں میں انسٹی ٹیوٹ کی سرگرمیوں، نئے اقدامات اور کامیابیوں کو اجاگر کرنے اور دکھانے کے لیے ڈیزائن کیا گیا تھا۔ اس بات کو ذہن میں رکھتے ہوئے، سائنسدانوں، ماہرین تعلیم، سائنس کے سفارت کاروں، سائنسدانوں، سائنس کمیونیکیٹرز، سائنس پبلشرز، کاروباری افراد، صنعت کے ماہرین، کسانوں، اسٹارٹ اپس، طلباء اور دیگر اسٹیک ہولڈرز سمیت متعدد سامعین کو ہدف بنانے کے لیے 7 ایونٹس کا منصوبہ بنایا گیا۔ ان تقریبات میں اسٹارٹ اپ کے مختلف پہلوؤں کا احاطہ کیا گیا، دیہی علاقوں میں سی ایس آئی آر ٹیکنالوجیز، سائنس کی رسائی اور سائنس ڈپلومیسی اور عوامی مشغولیت کے ذریعے سائنس مواصلات کے ذریعے روزی روٹی پیدا کرنا شامل تھا۔

او ڈبلیو اوایل سائنس اور ٹیکنولوجی کے مرکزی وزیر ڈاکٹر جتیندر سنگھ کا ویژن ہے ،انہوں نے 6 جنوری 2023 کو انڈیا ہیبی ٹیٹ سنٹر، نئی دہلی میں اس اقدام کا آغاز کیا۔ اس او ڈبلیو اوایل مہم کا آغاز کرنے والی سی ایس آئی آر لیبز سینٹرل بلڈنگ ریسرچ انسٹی ٹیوٹ (سی بی آر آئی)، روڑکی تھیں۔ او ڈبلیو اوایل کے پیچھے نظریہ سائنس دانوں اور ان کی تحقیق کو معاشرے سے جوڑ رہا ہے۔ اس مقصد کے لیے، سی ایس آئی آر کی ہر لیب نے اپنے اسٹیک ہولڈرز کے ساتھ اپنی تحقیق اور ترقی کی  کامیابیوں کی نمائش کی۔

 

سی ایس آئی آر-این آئی ایس سی پی آر کے او ڈبلیو اوایل بروشر کو جاری کرتے ہوئے، نقاب کشائی کی  تقریب کے معززین

 

اس سلسلے میں، دہلی کی ایک سی ایس آئی آر لیب یعنی این آئی ایس سی پی آر  نے 11-16 ستمبر 2023 کے دوران اپنا او ڈبلیو اوایل پروگرام منعقد کیا۔ پروگرام کا آغاز 6 ستمبر 2023 کو پی ایچ ڈی چیمبر آف کامرس، نئی دہلی میں نقاب کشائی  کی تقریب کے ساتھ ہوا۔ سائنس اور ٹیکنالوجی کے مرکزی وزیر (آزادانہ چارج) ڈاکٹر جتیندر سنگھ نے پردہ اٹھانے کے موقع پر شرکت کی۔ جواہر لال نہرو یونیورسٹی کے نیشنل سائنس چیئر ڈاکٹر راکیش بھٹناگر اس موقع پر مہمان خصوصی تھے جنہوں نے اجتماع سے خطاب کیا۔ اس موقع پر این آئی ایس سی پی آر نے انسٹی ٹیوٹ کی سرگرمیوں پر ایک مختصر فلم کی نمائش کے ساتھ اپنا او ڈبلیو اوایل بروشر بھی جاری کیا۔ ڈائریکٹر، سی ایس آئی آر-این آئی ایس سی پی آر پروفیسر رنجنا اگروال نے او ڈبلیو اوایل اور این آئی ایس سی پی آر  کی سرگرمیوں کا ایک مختصر پس منظر فراہم کیا۔ ڈاکٹر یوگیش سمن، سینئر پرنسپل سائنسدان نے این آئی ایس سی پی آر  او ڈبلیو اوایل کے واقعات کا تعارف کرایا۔ اس موقع پر ایک پریس کانفرنس اور میڈیا بریفنگ کا اہتمام کیا گیا جس کو ڈاکٹر منیش موہن گور، سائنسدان اور کوآرڈینیٹر او ڈبلیو اوایل ، اور سی ایس آئی آر-این آئی ایس سی پی آر  نے ترتیب دیا۔

نقاب کشائی  کے بعد، افتتاحی تقریب 11 ستمبر 2023 کو سی ایس آئی آر-نیشنل فزیکل لیبارٹری، نئی دہلی کے آڈیٹوریم میں منعقد ہوئی۔ سائنس اور ٹیکنالوجی کے عزت مآب مرکزی وزیر ڈاکٹر جتیندر سنگھ مہمان خصوصی تھے اور ڈاکٹر این کلیسیلوی، سکریٹری، ڈی ایس آئی آر اور ڈی جی، سی ایس آئی آر مہمان خصوصی تھے، پروفیسر وینو گوپال اچانتا، ڈائرکٹر، سی ایس آئی آر –این پی ایل  بطور خاص مدعو تھے،انہوں  نے اس موقع پر اور اجتماع سے خطاب کیا۔ اس تقریب کو یوٹیوب اور فیس بک پر لائیوا سٹریم کیا گیا تاکہ وسیع تر نشر و اشاعت کی جا سکے۔

 

 این آئی ایس سی پی آر  او ڈبلیو او ایل  کے افتتاحی سیشن کے دوران حاضرین سے خطاب کرتے ہوئے مرکزی وزیر برائے سائنس و ٹیکنالوجی ڈاکٹر جتیندر سنگھ

 

اس موقع پر، عزت مآب وزیر ڈاکٹر سنگھ نے کہا کہ "اگرچہ سی ایس آئی آر - این آئی ایس سی پی آر  حجم میں چھوٹا ہے لیکن اس کا دائرہ  بہت بڑا ہے۔ یہ ادارہ سائنسی ترقی کو معاشرے میں پھیلانے کا ضروری کام انجام دیتا ہے۔ اس  دوران، انہوں نے مختلف سی ایس آئی آر لیبارٹریوں کی کوششوں کو مربوط کرنے کے لیے ’ایک ماہ کا ایک تھیم‘ پروگرام کا مشاہدہ کرنے کی تجویز پیش کی۔ عزت مآب وزیر نے سائنس میڈیا کمیونیکیشن سیل کا بھی افتتاح کیا اور این آئی ایس سی پی آر  کی دو اہم اشاعتیں ("وگیان پرگتی: 80 بہترین مضامین کا مجموعہ" 1-اور سی ایس آئی آر80 @ فوٹوجرنی  1942-2022") جاری کیں۔

ڈاکٹر این کلاسیلوی، ڈی جی، سی ایس آئی آر نے این آئی ایس سی پی آر  او ڈبلیو اوایل کے افتتاح کے دوران شانتی سوروپ بھٹناگر انعامات 2022 کا اعلان کیا

 

این آئی ایس سی پی آر  او ڈبلیو اوایل کے افتتاحی اجلاس میں، سی ایس آئی آر کے ڈائریکٹر جنرل ڈاکٹر این کلاسیلوی  نے اس ادارے کو سی ایس آئی آر کی ایک ناگزیر تجربہ گاہ کے طور پر حوالہ دیتے ہوئے این آئی ایس سی پی آر  کی اہمیت کو اجاگر کیا۔ انہوں نے مزید کہا کہ این آئی ایس سی پی آر  محققین اور معاشرے کے درمیان سب سے بڑا انٹرفیس ہے۔

تقریب کی اہم جھلکیوں میں سے ایک مرکزی سائنس اور ٹیکنولوجی  کے  وزیر کی موجودگی میں ڈائریکٹر جنرل، سی ایس آئی آر کے ذریعہ سال 2022 کے شانتی سوروپ بھٹناگر (ایس ایس بی ) انعام کے فاتحین کا اعلان تھا۔

پروفیسر رنجنا اگروال، ڈائریکٹر، سی ایس آئی آر - این آئی ایس سی پی آر  ، سائنس و ٹیکنولوجی کے وزیر ڈاکٹر جتیندر سنگھ کا خیرمقدم کرتے ہوئے

 

افتتاحی تقریب کے بعد مختلف تقریبات کا اہتمام کیا گیا۔ اس سلسلے میں پہلا واقعہ "انڈیا کا اسٹارٹ اپ انقلاب: ایک آئیڈیا سے مارکیٹ تک کا ایک دلچسپ سفر" تھا جس کا اہتمام 12 ستمبر 2023 کو سی ایس آئی آر –این پی ایل  آڈیٹوریم میں این آئی ایس سی پی آر ( ایک ہفتہ ایک لیب او ڈبلیو او ایل ) پروگرام کے دوسرے دن کیا گیا تھا۔ اس تقریب میں مختلف نامور شخصیات نے شرکت کی جن میں اسٹارٹ اپ اڈیشہ کے ایگزیکٹو چیئرمین ڈاکٹر اومکار رائے اور جناب پونیت کورا، چیئرمین، سی آئی آئی  دہلی اسٹیٹ کونسل اور منیجنگ ڈائریکٹر اور سی ای او سمتیل  ایوییونکس لیمیٹڈ-ٹی بی  سی ) جو کہ مہمان خصوصی تھے۔

 

تصویر :5: این آئی ایس سی پی آر  او ڈبلیو او ایل  کے انڈیا کے اسٹارٹ اپ ایونٹ کی جھلک

 

پروفیسر چن تسان وانگ ڈائریکٹر، سائنس اور ٹیکنالوجی ڈویژن، تائی پے اکنامک اینڈ کلچرل سینٹر، تائیوان ایمبیسی کے مہمان خصوصی اور ڈاکٹر سووک میتی، ڈائریکٹر، سی ایس آئی آر –آئی جی آئی بی  نے اس تقریب میں شرکت کی۔ اس ایونٹ میں 300 سے زیادہ شرکاء آف لائن اور 800 آن لائن شرکاء نے حصہ لیا۔ اسٹارٹ اپ ورکشاپ کے سب سے دلچسپ حصوں میں سے ایک نمائش تھی جس میں 30 سے زیادہ اسٹارٹ اپس شامل تھے جن میں اعلی ٹیکنالوجی سے لے کر ان لوگوں تک شامل تھے جو دیہی ترقی کو بڑے پیمانے پر متاثر کرنے کا وعدہ رکھتے ہیں۔ ہائیڈروجن سے چلنے والی کار پر توجہ مرکوز کرنے والے اسٹارٹ اپ، مصنوعی ذہانت کا استعمال کرنے والی کھلونا بنانے والی کمپنی اور سیڈ اسٹارٹ اپ اس نمائش کی کچھ جھلکیاں تھیں۔

  

ڈاکٹر شیکھر سی منڈے، سابق ڈی جی، سی ایس آئی آر (بائیں) اور پروفیسر وریندر کمار وجے، نیشنل کوآرڈینیٹر - اُنّت بھارت ابھیان (دائیں) گراس روٹ انوویشن ایونٹ میں حاضرین سے خطاب کرتے ہوئے

 

اسٹارٹ اپ ایونٹ کے بعد، 13 ستمبر 2023 کو سی ایس آئی آر –این پی ایل  میں پروگرام کے تیسرے دن ایک منفرد تقریب ’گراس روٹ انوویشنز اینڈ اسکل ڈیولپمنٹ کنکلیو فار رورل ڈیولپمنٹ‘ کا انعقاد کیا گیا۔ یہ تقریب بنیادی طور پر دیہی علاقوں کے اسٹیک ہولڈرز بشمول کسانوں، خواتین کے ایس ایچ جیز اور ایف پی اوز کے لیے وقف تھی۔ اس کا آغاز مہمان خصوصی ڈاکٹر شیکھر سی منڈے، سابق ڈی جی، سی ایس آئی آر کے ذریعہ سی ایس آئی آر دیہی ٹیکنالوجیز پر نمائش کے افتتاح کے ساتھ ہوا۔ مہمان اعزازی ڈاکٹر سنجے کمار، چیئرمین، زرعی سائنسدانوں کی بھرتی بورڈ (اے ایس آر بی )، اور خصوصی طورپر مدعو  جناب  پراوین رامداس، سکریٹری، وجنا بھارتی (وی آئی بی ایچ اے) بھی شامل تھیں۔

اس نمائش میں، 10 سے زیادہ سی ایس آئی آر لیبز، انت بھارت ابھیان  اور وجنائنا بھارتی  نے حصہ لیا اور اپنی ٹیکنالوجیز اور مصنوعات کی نمائش کی۔ اس میں 500 سے زیادہ شرکاء نے آف لائن اور آن لائن طریقوں سے شرکت کی۔ ایک تکنیکی سیشن کا اہتمام کیا گیا تھا جس میں سائنسدان-کاشتکار کی بات چیت تھی جہاں سی ایس آئی آر کے سائنسدانوں اور ماہرین نے اپنے تجربے کی بنیاد پر دیہی علاقوں میں ٹیکنالوجیز کو پھیلانے کے بارے میں بصیرت کا اشتراک کیا۔ کسان سبھا ایپ (سی ایس آئی آر اور صنعتی پارٹنر کے ذریعہ مشترکہ طور پر تیار کردہ) پر ایک تربیتی سیشن کا انعقاد کیا گیا تاکہ اسٹیک ہولڈرز کو اسمارٹ فارمنگ کے بارے میں آگاہی فراہم کی جاسکے۔ تیسرے تکنیکی سیشن میں، پروفیسر وریندر کمار وجے، نیشنل کوآرڈینیٹر – اُنّت بھارت ابھیان (یو بی اے)، بریگیڈیئر پی گنیشم، وی ایس ایم (ریٹائرڈ) بانی صدر، پالے سروجنا اور ڈاکٹر روہت کندکتلا نے بھی حاضرین سے خطاب کیا۔

13 ستمبر کو اسٹوڈنٹ سائنس کنیکٹ پروگرام بھی منعقد کیا گیا۔ اس پروگرام کو ڈاکٹر شیکھر سی منڈے، سابق ڈائریکٹر جنرل، سی ایس آئی آر ، اور ڈاکٹر سنجے کمار، چیئرمین، اے ایس آر بی  نے شرف بخشا۔ ڈاکٹر سنجے نے کہانی سنانے کے ذریعے طلباء کو متجسس رہنے اور سوالات کرنے کی ترغیب دی۔ اس میں دہلی کے مختلف اسکولوں کے 150 سے زائد طلباء نے شرکت کی۔ پروگرام کے دوران، طالب علموں کو جوار کی غذائی اہمیت کے بارے میں آگاہ کیا گیا۔ ڈاکٹر سمن رے، پرنسپل سائنسدان اور روایتی ترکیبیں اور سائنسی طور پر توثیق شدہ روایتی علم کو معاشرے تک پہنچانے کے بارے میں (ایس وی اے ایس ٹی آئی کے )، روایتی علم پر ایک دلچسپ کوئز مقابلہ ڈاکٹر چارو لتا، پرنسپل سائنسدان اور ڈاکٹر پرمانند برمن، سی ایس آئی آر - این آئی ایس سی پی آر  کے سائنسداں  کی مشترکہ صدارت میں منعقد کیا گیا ۔ اس موقع پر پپٹ شو کا بھی اہتمام کیا گیا جو طلباء کی توجہ کا مرکز رہا۔

 

این آئی ایس سی پی آر  او ڈبلیو او ایل کے اسٹوڈنٹ سائنس کنیکٹ ایونٹ کے دوران پپٹ شو کا اہتمام کیا گیا

 

اس کے متوازی سائنس کمیونیکیشن پر ایک ورکشاپ کا انعقاد کیا گیا جس میں 50 سے زائد اساتذہ شامل تھے جس میں ماہرین نے سائنس مواصلات کے مختلف پہلوؤں کا احاطہ کیا۔ مہمان خصوصی ،حیدرآباد یونیورسٹی میں پروفیسر شرمشتھا برجی  نے اس موقع پر موجود طلبہ کو بین الضابطہ سائنس سکھانے پر زور دیا۔ چیف سائنٹسٹ جناب حسن جاوید خان،  سی ایس آئی آر - این آئی ایس سی پی آر  کے سینئر سائنٹسٹ اور محترمہ سونالی ناگر،  نے سائنس کمیونیکیشن کے مختلف اہم پہلوؤں پر بات کی۔

چوتھے دن (14 ستمبر 2023 کو)، سائنس کمیونیکیشن: سائنس کے ساتھ پبلک انگیجمنٹ پر تقریب کا اہتمام کیا گیا۔ تقریب کے مہمان خصوصی ڈاکٹر سنتوش چوبے، چانسلر، رابندر ناتھ ٹیگور یونیورسٹی، بھوپال اور مہمان اعزازی، ڈاکٹر تسیرنگ تاشی، ڈپٹی پروجیکٹ ڈائریکٹر، نیویگیشن اسپیس کرافٹ، یو آر، راؤ سیٹلائٹ سینٹر، انڈین اسپیس ریسرچ آرگنائزیشن (اسرو)، بنگلورو نے اجتماع سے خطاب کیا۔ سی ایس آئی آر - این آئی ایس سی پی آر  کے ایک مشہور سائنس میگزین "وگیان پرگتی" کے 70 سال مکمل ہونے پر ایک پینل ڈسکشن کا اہتمام کیا گیا تھا جس میں اس میگزین کے 70 سال کے سفر کو دکھایا گیا تھا۔ سائنس کو معاشرے میں پھیلانے میں مصروف تنظیموں پر مرکوز ایک تکنیکی سیشن کا بھی اہتمام کیا گیا جس میں کمیشن برائے سائنسی اور تکنیکی اصطلاحات (ڈاکٹر اشوک این سیلویٹکر)، سی ایس آئی آر - این آئی ایس سی پی آر  (ڈاکٹر منیش موہن گور)، (ڈاکٹر انکیتا مشرا)، ہومی بھابھا سینٹر فار سائنس ایجوکیشن (ڈاکٹر کے کے مشرا)، وجنا بھارتی (ڈاکٹر راجیو سنگھ) اور لوک وگیان پریشد (ڈاکٹر او پی شرما) این  آر ڈی سی  کے ماہرین اور سائنسدانوں نے شرکت کی۔

 

این آئی ایس سی پی آر  او ڈبلیو او ایل کی سائنس کمیونیکیشن تقریب کے معززین

 

چوتھے دن کی تقریب کے دلکش حصوں میں سے ایک ‘وگیان کوی  سمیلن’ تھا جسے ہندی زبان کے قومی دن  (14 ستمبر) کی یاد میں شامل کیا گیا تھا۔ اس کوی  سمیلن  سی ایس آئی آر ہیڈکوارٹر انتظامیہ میں جوائنٹ سکریٹری کے مہمان خصوصی جناب  مہندر کمار گپتا تھے اور چیئرپرسن  مشہور سائنس شاعرہ اور سابق ڈائریکٹر، راشٹریہ بال بھون، نئی دہلی ، ڈاکٹر مدھو پنت تھے۔ اس کوی  سمیلن کے دوران مختلف نامور سائنس شاعروں (جناب  مہیش ورما، جناب  موہن ساگوریہ، ڈاکٹر انو سنگھ، ڈاکٹر وید مترا شکلا، جناب  یشپال سنگھ یش اور ڈاکٹر ایس دویدی نے اپنی سائنسی شاعری سنائی۔ کوی سمیلن کی میزبانی  محترمہ  رادھ گپتا نے کی۔

پانچویں دن (15 ستمبر 2023) کو سی ایس آئی آر - این آئی ایس سی پی آر  کے ایس وی  مارگ کیمپس  میں سائنس نالج کنونشن کا انعقاد کیا گیا۔ تقریب کا افتتاح مہمان خصوصی ایس ای آر بی میں سکریٹری  اور محکمہ سائنس اور ٹیکنالوجی (ڈی ایس ٹی) کے سینئر مشیر ڈاکٹر اکھلیش گپتا اور ، سی ایس آئی آر –سی جی سی آر آئی  ،کولکاتہ ، کی ڈائریکٹر اور مہمان اعزازی ڈاکٹر سمن کماری مشرا نے کیا۔ کنونشن کا مقصد سائنس اور ٹیکنولوجی کے عملے، محققین، طلباء اور این کے آر سی  نوڈل افسروں کے فائدے کے لیے مختلف ای وسائل، ڈیٹا بیس، معیارات اور مختلف علمی مصنوعات کی نمائش کرنا تھا تاکہ انہیں این کے آر سی  کنسورشیم کے بارے میں بات چیت اور نمائش کے لیے ایک پلیٹ فارم مہیا کیا جا سکے۔ اس تقریب میں سی ایس آئی آر اور ڈی ایس ٹی  اور سی ایس آئی آر اور ایم او ای ایس  کے درمیان این کے آر سی  کے حوالے سے مفاہمت ناموں پر دستخط بھی شامل تھے۔

اس موقع پر، ’ای وسائل پر ایک ماہ کا ایک لیکچر‘ اقدام کا آغاز بھی کیا گیا جس کے ساتھ ’این کے آر سی رپورٹ: 21 سال کا سفر اور خصوصی مسائل: آئی جے بی بی اور آئی جے ای ایم ایس‘ کا اجراء بھی کیا گیا۔ سائنس اور ٹکنالوجی کی معلومات اور علمی وسائل پر ایک پینل ڈسکشن کی صدارت ڈاکٹر منورنجن موہنتی، سربراہ، خود مختار اداروں ڈویژن، ڈی  ایس ٹی  نے کی۔ مسز نیلو سریواستو، چیف سائنٹسٹ، سی ایس آئی آر - این آئی ایس سی پی آر  شریک چیئر تھیں۔ شری مکیش پنڈ، چیف سائنٹسٹ اور ڈاکٹر تاراکانت جانا، سی ایس آئی آر - این آئی ایس سی پی آر  کے سینئر پرنسپل سائنٹسٹ نے اپنی گفتگو کی۔ مصنفین اور پبلشرز کی انٹرایکشن میٹ کا انعقاد کیا گیا، جس میں 'ای جرنلز: سائنٹفک رائٹنگ اینڈ پبلیکیشنز'، 'انڈیکسنگ ٹولز' اور 'ای ریسورسز فار ایس اینڈ ٹی ریسرچ اینڈ سٹینڈرڈز اینڈ ڈیٹا بیسز' کی اہمیت کو اجاگر کیا گیا۔ ڈاکٹر سمن ملک، سابق چیف سائنٹسٹ، سی ایس آئی آر چیئر تھے اور شری C.B سنگھ، سی ایس آئی آر - این آئی ایس سی پی آر  کے سینئر پرنسپل سائنٹسٹ سیشن کے شریک چیئر تھے۔ بحث کے لیے دو کھلے اجلاس منعقد کیے گئے۔

 

جرمن سفارتخانے میں ہندوستان اور بھوٹان میں جرمنی کے سفیر،  سائنس پالیسی اینڈ ڈپلومیسی تقریب کے مہمان خصوصی ڈاکٹر فلپ ایکرمین،تقریب کے دوران اپنے خیالات کا اظہار کرتے ہوئے

 

ہفتہ طویل پروگرام 16 ستمبر 2023 کو "پائیدار ترقی کے لئے سائنس ڈپلومیسی " کے پروگرام کے ساتھ اختتام پذیر ہوا جس میں یہ دریافت کیا گیا کہ سائنس ڈپلومیسی کس طرح پائیدار ترقی، خاص طور پر پائیدار صنعت کاری  کی ترقی میں اپنا حصہ ڈال سکتی ہے۔ مہمان خصوصی ڈاکٹر فلپ ایکرمین، ہندوستان اور بھوٹان میں جرمنی کے سفیر، جرمن سفارت خانہ، نئی دہلی اور مہمان اعزازی، ڈاکٹر بھاسکر بالاکرشنن، سابق سائنس ڈپلومیٹ نے اجتماع سے خطاب کیا۔ ڈاکٹر راما سوامی بنسل، سربراہ، بین الاقوامی سائنس اور ٹیکنولوجی  افیئرز ڈائریکٹوریٹ، سی ایس آئی آر ؛ پروفیسر مادھو گووند، چیئرمین، سینٹر فار اسٹڈیز ان سائنس پالیسی، جے این یو؛ جناب آر مادھو، ڈائریکٹر، انڈو-جرمن سائنس اور ٹیکنولوجی  سنٹر؛ ڈاکٹر پورنیما روپل، سابق ڈائریکٹر، سی ای ایف آئی پی آر اے  اور سربراہ، ایس سی ڈی ڈی ، سی ایس آئی آر اورڈاکٹر دھویا سنجڈرز، انوویشن کونسلر فار انڈیا، ایمبیسی آف کنگڈم آف ہالینڈ نے ماہر مقررین کے طور پر اس تقریب میں شرکت کی۔ ۔ ڈاکٹر یوگیش سمن، سینئر پرنسپل سائنسدان اور چیئرمین، این آئی ایس سی پی آر  ر  او ڈبلیو اوایل نے ر  او ڈبلیو اوایل واقعات کا خلاصہ پیش کیا اور ڈاکٹر منیش موہن گور، سائنسدان اور کوآرڈینیٹر، این آئی ایس سی پی آر  او ڈبلیو اوایل نے شکریہ کا اظہار کیا۔

سی ایس آئی آر - این آئی ایس سی پی آر  کے بارے میں

سی ایس آئی آر -نیشنل انسٹی ٹیوٹ آف سائنس کمیونیکیشن اینڈ پالیسی ریسرچ (سی ایس آئی آر - این آئی ایس سی پی آر  ) سائنس اور ٹیکنالوجی کی وزارت، حکومت ہند کے تحت سی ایس آئی آر کی جزوی تجربہ گاہوں میں سے ایک ہے۔ یہ سائنس مواصلات کے شعبوں میں مہارت رکھتا ہے؛ ایس ٹی آئی نے شواہد پر مبنی پالیسی ریسرچ اور مطالعہ پر توجہ مرکوز کی ۔ یہ سائنس اور ٹیکنالوجی سے متعلق مختلف جرائد، کتابیں، رسالے، نیوز لیٹر اور رپورٹس شائع کرتا ہے۔ یہ سائنس مواصلات، سائنس پالیسی، اختراعی نظام، سائنس-سوسائٹی انٹرفیس، اور سائنس ڈپلومیسی پر بھی تحقیق کرتا ہے۔

مزید معلومات کے لیے، براہ کرم https://niscpr.res.in/ پر جائیں یا ہمیں @ سی ایس آئی آر - این آئی ایس سی پی آر  پر فالو کریں۔

 

************

ش ح۔ا م۔

(U: 9781)

(Release ID: 1959472) Visitor Counter : 96