அரசாங்க மின் சந்தையில் (ஜி.இ.எம்) பங்கேற்கும் மொத்தம் 56 அமைச்சகங்கள் / துறைகளில் பாதுகாப்பு அமைச்சகம் முன்னணி வகிக்கிறது. இது ஆர்டர் மதிப்பு மற்றும் ஆர்டர் அளவு இரண்டிலும் முதலிடம் வகிக்கிறது. தொடங்கப்பட்டதிலிருந்து, அமைச்சகம் ஜி.இ.எம் இன் மொத்த வர்த்தக மதிப்பில் (ஜி.எம்.வி) கணிசமான பங்களிப்பை வழங்கியுள்ளது, இது  செப்டம்பர் 12 நிலவரப்படி ரூ.73,225.30 கோடியை எட்டியுள்ளது.

நடப்பு நிதியாண்டில்,  செப்டம்பர் 12 நிலவரப்படி, ஜிஇஎம் மூலம் கொள்முதல் ரூ.18,790.60 கோடியை எட்டியுள்ளது. 2022-23 நிதியாண்டில் அமைச்சகத்தின் ஆர்டர் மதிப்பு ரூ.28,732.90 கோடியாகவும், 2021-22 நிதியாண்டில் ரூ.15,091.30 கோடியாகவும் இருந்தது. 2022-23 நிதியாண்டில் பாதுகாப்பு பொதுத்துறை நிறுவனங்கள் ரூ.2,642.66 கோடி மதிப்பிலான பொருட்கள் மற்றும் சேவைகளை ஜி.இ.எம்-இல் விற்பனை செய்துள்ளன.

நடப்பு நிதியாண்டில் நாடு முழுவதும் 19,800-க்கும் மேற்பட்ட வாங்குவோரின் தீவிர பங்கேற்பு, ஒட்டுமொத்தமாக 3 லட்சத்துக்கும் மேற்பட்ட ஆர்டர்களை வழங்கியதன் விளைவாக இந்த குறிப்பிடத்தக்க சாதனை ஏற்பட்டுள்ளது.

ஜி.இ.எம் இல் பாதுகாப்பு அமைச்சகத்தின் பங்களிப்பு தொடர்ந்து வலுவாக உள்ளது, இது தொடங்கப்பட்டதிலிருந்து சுமார் 15% ஆகவும், நடப்பு நிதியாண்டில் 16% ஆகவும் அதிகரித்துள்ளது. மேலும், தொடங்கப்பட்டதிலிருந்து, ஜி.இ.எம்மில் வழங்கப்பட்ட 17,026,945 ஆர்டர்களில், அமைச்சகம் ஒரு குறிப்பிடத்தக்க பங்கைக் கொண்டுள்ளது, இது மொத்தம் 4,761,585 ஆர்டர்களில் கிட்டத்தட்ட 28% ஆகும்.

பழைய டெண்டர் செயல்முறையை மறுசீரமைக்கவும், டிஜிட்டல் மயமாக்கல் மூலம் அரசாங்க கொள்முதலில் அதிக நேர்மையையும் வெளிப்படைத்தன்மையையும் கொண்டு வரவும் ஜி.இ.எம் ஆகஸ்ட் 2016 இல் தொடங்கப்பட்டது. தொடங்கப்பட்டதிலிருந்து கடந்த ஏழு ஆண்டுகளில், டிஜிட்டல் இயக்கத்தை நோக்கி அமைச்சகம் செயல்பட்டு வருகிறது.

*******  

AD/PKV/KRS

(Release ID: 1957515) Visitor Counter : 130