ప్రాంతీయ సముద్ర భద్రతా సంఘం మారిటైమ్ ఇన్ఫర్మేషన్ షేరింగ్ వర్క్‌షాప్ 2023 సమావేశానికి గురుగ్రామ్ వేదిక కానుంది. ఇన్ఫర్మేషన్ ఫ్యూజన్ సెంటర్ - ఇండియన్ ఓషన్ రీజియన్ ఆతిథ్యం ఇవ్వనుంది. ఈ వర్క్‌షాప్, సెప్టెంబర్ 14 నుండి 16, 2023 వరకు జరిగే హిందూ మహాసముద్ర రిమ్ అసోసియేషన్ (ఐ ఓ ఆర్ ఏ) మరియు జిబౌటీ కోడ్ ఆఫ్ కండక్ట్/ జెడ్డా సవరణ (డి సీ ఓ సి/ జే ఏ )కి చెందిన 31 దేశాలను ఒకచోట చేర్చనుంది. 

 

మహాసముద్రం యొక్క కీలక పాత్రను తెలుసు కోవడం: - మహాసముద్రాలు మానవాళికి జీవనాధారం మరియు సముద్ర వాణిజ్యం ప్రపంచ వాణిజ్యానికి మూలస్తంభం. హిందూ మహాసముద్ర ప్రాంతం  యొక్క ప్రాముఖ్యత దాని భౌగోళిక సరిహద్దులను మించి విస్తరించింది; ఇది ఆర్థిక కార్యకలాపాల కేంద్రంగా, ఖండాల మధ్య వారధిగా మరియు భౌగోళిక రాజకీయ గమనానికి  వేదికగా పనిచేస్తుంది. సముద్ర భద్రత అనేది ఆర్థిక స్థిరత్వానికి మాత్రమే కాకుండా భౌగోళిక రాజకీయ సమతౌల్యానికి కూడా కీలకం. సమకాలీన సవాళ్లు సముద్ర భద్రత మరియు సురక్షతకు ప్రపంచ మరియు ప్రాంతీయ వాటాదారుల మధ్య ఏకీకృత నిబద్ధత, సహకార వ్యూహాలు మరియు నిరంతర సమాచార మార్పిడి అవసరం. ఈ క్లిష్టమైన అవసరాన్ని గుర్తిస్తూ, ఈ ప్రాంతంలో సముద్ర భద్రత మరియు సురక్షతను పెంపొందించే లక్ష్యంతో ఇన్ఫర్మేషన్ ఫ్యూజన్ సెంటర్ - హిందూ ఓషన్ రీజియన్ ను డిసెంబర్ 22, 2018న గురుగ్రామ్ లో ప్రారంభించబడింది. ఐ ఎఫ్ సి - ఐ ఒ ఆర్  కెప్టెన్ రోహిత్ బాజ్‌పాయ్ నేతృత్వంలోని ఒక ప్రత్యేకమైన కేంద్రం, ఇందులో భాగస్వామ్య దేశాల నుండి అంతర్జాతీయ అనుసంధాన అధికారులు (ఐ ఎల్ ఓ లు) సముద్ర భద్రత మరియు సురక్షతకు ఎదురయ్యే సవాళ్లను ఎదుర్కోవడానికి సహకరిస్తారు. ప్రస్తుతం, ఆస్ట్రేలియా, ఫ్రాన్స్, ఇటలీ, జపాన్, మాల్దీవులు, మారిషస్, మయన్మార్, సీషెల్స్, సింగపూర్, శ్రీలంక, యూ కే మరియు యూ ఎస్ ఏ వంటి పన్నెండు దేశాల నుండి ఐ ఎల్ ఓ లు ఈ కేంద్రంలో నియమితులయ్యారు. ఐ ఎఫ్ సి - ఐ ఒ ఆర్ శాంతియుత, సుస్థిరమైన మరియు సంపన్నమైన ఐ ఒ ఆర్ని నిర్ధారించడానికి 42 ఇతర సముద్ర భద్రతా నిర్మాణాలు మరియు మరో 25 భాగస్వామ్య దేశాలతో చురుకుగా సహకరిస్తుంది.

 

ఎం ఐ ఎస్ డబ్ల్యూ తో ప్రయాణం

 

భారతదేశ ‘సెక్యూరిటీ అండ్ గ్రోత్ ఫర్ ఆల్ ఇన్ ది రీజియన్ (సాగర్),’ ఐ ఎఫ్ సి - ఐ ఒ ఆర్ వరుస వర్క్‌షాప్‌లు మరియు శిక్షణా కార్యక్రమాలను నిర్వహిస్తుంది, వీటిలో మారిటైమ్ ఇన్ఫర్మేషన్ షేరింగ్ వర్క్‌షాప్ (ఎం ఐ ఎస్ డబ్ల్యూ) ప్రధాన ఈవెంట్. ఎం ఐ ఎస్ డబ్ల్యూ  తొలి ఎడిషన్ 2019లో నిర్వహించబడింది. ఎం ఐ ఎస్ డబ్ల్యూ  ప్రపంచవ్యాప్తంగా సముద్ర భద్రత రంగం లో నిపుణుల మధ్య అత్యుత్తమ అభ్యాసాల మార్పిడికి ఒక చురుకైన వేదిక. సముద్ర భద్రత మరియు సురక్షతకు ముప్పులు కలిగించే బహుముఖ సవాళ్లకు భాగస్వామ్య మరియు సమన్వయ ప్రతిస్పందన కోసం నిపుణులను ఏకం చేయడం, స్నేహపూర్వక వారదులు నిర్మించడానికి ఇది ఉత్ప్రేరకంగా పనిచేస్తుంది. సముద్రంలో దోపిడి మరియు సాయుధ దోపిడీ నుండి అక్రమ రవాణా, సక్రమంగా మరియు అక్రమ మానవ వలసలతో పాటు ఇతర సముద్ర సంఘటనలు బెదిరింపులు నేడు అంతర్జాతీయ స్వభావం కలిగి  ప్రపంచ సముద్ర వాణిజ్యాన్ని పెద్ద ఎత్తున ప్రభావితం చేస్తాయి.

 

ఎం ఐ ఎస్ డబ్ల్యూ 23 కోసం కోర్సు రూపకల్పన 

 

ఎం ఐ ఎస్ డబ్ల్యూ 23, 14 నుండి 16 సెప్టెంబర్ 2023 వరకు షెడ్యూల్ చేయబడింది. ఇది భాగస్వామి దేశాలు మరియు ప్రాంతీయ నిర్మాణాలతో బంధాలను పెంపొందించడంలో గణనీయమైన పురోగతిని సూచిస్తుంది. వర్క్‌షాప్ యొక్క థీమ్, "సుస్థిర భవిష్యత్తు కోసం సముద్ర భద్రతను అభివృద్ధి చేయడం", పాల్గొనే దేశాల యొక్క భాగస్వామ్య దృష్టిని సంగ్రహిస్తుంది. ఈ ఎడిషన్ 31 దేశాలు మరియు ఇంటర్నేషనల్ మారిటైమ్ ఆర్గనైజేషన్ నుండి ప్రతినిధులను స్వాగతించింది. సురక్షితమైన, శాంతియుత మరియు సంపన్నమైన హిందూ మహాసముద్ర ప్రాంతం కోసం భాగస్వామ్య దేశాల మధ్య సహకారం, సమన్వయం మరియు సమాచార భాగస్వామ్యాన్ని పెంపొందించడం లక్ష్యంగా పెట్టుకుంది. భారత నావికాదళానికి చెందిన డిప్యూటీ చీఫ్ ఆఫ్ నేవల్ స్టాఫ్ వీ అడ్మ  సంజయ్ మహింద్రు ఈ కార్యక్రమాన్ని ప్రారంభిస్తారు. మూడు రోజుల లోతైన చర్చలు మరియు విజ్ఞాన మార్పిడికి వేదికను ఏర్పాటు చేస్తారు. ఈ వర్క్‌షాప్ ఎడిషన్ హిందూ మహాసముద్ర రిమ్ అసోసియేషన్ ( ఐ ఒ ఆర్ ఎ) మరియు జిబౌటి ప్రవర్తనా నియమావళి/ జెడ్డా సవరణ (డి సీ ఓ సి/ జే ఏ) దేశాల సభ్యుల కోసం ప్రత్యేకంగా ప్రణాళిక చేయబడింది.

 

వర్క్‌షాప్  అంశాల అన్వేషణ 

 

వర్క్‌షాప్ సందర్భంగా, ప్రముఖ వక్తలు ఐ ఒ ఆర్లో సమకాలీన బహుళజాతి సముద్ర భద్రత సవాళ్లు, అంతర్జాతీయ సహకారం యొక్క ఆవశ్యకత మరియు ప్రబలంగా ఉన్న సముద్ర ముప్పు తీవ్రత, సాంకేతికత యొక్క ప్రాముఖ్యత మరియు సముద్రంలో ఆవిష్కరణల యొక్క ప్రాముఖ్యత భద్రత (ఎం ఎ ఆర్ ఎస్ ఈ సీ ) మరియు ఒక సుదృఢమైన మారిటైమ్ సెక్యూరిటీ ఆర్కిటెక్చర్ వైపు జాతీయ ప్రయత్నాలను సమలేఖనం చేయడం వంటి అంశాలతో మొదటి రోజున నేపథ్య శిక్షణా సెషన్‌లలో పాల్గొంటారు.  రెండవ రోజు దృష్టాంత-ఆధారిత సముద్ర భద్రతా వ్యాయామానికి అంకితం చేయబడుతుంది, ఇది పాల్గొనేవారికి సహకారం మరియు సమాచార భాగస్వామ్యం యొక్క ప్రాధాన్యత ను హైలైట్ చేస్తుంది మరియు సముద్ర భద్రత మరియు బెదిరింపులను ఎదుర్కోవడానికి ఆకస్మిక ప్రణాళికల సృజనను ప్రోత్సహిస్తుంది. మూడవ రోజు, డి సీ ఓ సి/ జే ఏ దేశాలకు వారి స్వంత సమాచార భాగస్వామ్య నెట్‌వర్క్ (ఐ ఎస్ ఎన్) కోసం స్టాండర్డ్ ఆపరేటింగ్ ప్రొసీజర్స్ (ఎస్ ఓ పీలు)ను మెరుగుపరచడం కోసం ప్రత్యేకంగా ఒక ప్రత్యేక వర్క్‌షాప్ నిర్వహించబడుతుంది.

 

***

(Release ID: 1956845) Visitor Counter : 103