وزارت کوئلہ نے اگست 2023 کے مہینے کے دوران کوئلے کی مجموعی پیداوار میں خاطر خواہ اضافہ حاصل کیا ہے ، جو 67.65 میٹرک ٹن (ایم ٹی) تک پہنچ گئی ہے ، یہ پچھلے سال کے اسی مہینے کے 59.95 میٹرک ٹن کے مقدار سے زیادہ ہے ، جو 12.85 فیصد اضافے کی نمائندگی کرتا ہے۔ کول انڈیا لمیٹڈ (سی آئی ایل) کی پیداوار اگست 23کے مہینے میں بڑھ کر 52.27میٹرک ٹن ہوگئی ہے جبکہ اگست 22میں 13.21فیصد اضافے کے ساتھ 46.17میٹرک ٹن تھی۔ کوئلے کی مجموعی پیداوار (اگست 2023 تک) مالی سال 23-24میں بڑھ کر 349.01میٹرک ٹن (عارضی) ہوگئی ہے جبکہ مالی سال22-23کی اسی مدت کے دوران 10.35فیصد اضافے کے ساتھ 316.27میٹرک ٹن تھی۔

مزید برآں، اگست 2023 میں کوئلے کی ترسیل میں نمایاں اضافہ دیکھنے میں آیا، جو 74.45 میٹرک ٹن تک پہنچ گیا، جو اگست 64 میں ریکارڈ کردہ 83.2022 میٹرک ٹن کے مقابلے میں قابل ذکر پیش رفت کو ظاہر کرتا ہے، جس کی شرح نمو 14.83 فیصد ہے۔ اس کے ساتھ ہی کول انڈیا لمیٹڈ (سی آئی ایل) نے شاندار کارکردگی کا مظاہرہ کرتے ہوئے اگست 23میں 74.45میٹرک ٹن پیداوار کی، جبکہ اگست 22میں یہ 64.83میٹرک ٹن تھی، جو 14.83فیصد مو کی نمائندگی کرتی ہے۔ مالی سال 23-24میں کوئلے کی ترسیل (اگست 23تک) 378.29میٹرک ٹن (عارضی) تک نمایاں اضافہ دیکھا گیا ہے جبکہ مالی سال 22-23کی اسی مدت کے دوران 9.10فیصد اضافے کے ساتھ 346.72میٹرک ٹن تھا۔

کوئلے کے شعبے میں غیر معمولی اضافہ دیکھنے میں آیا ہے، کوئلے کی پیداوار، ترسیل اور اسٹاک کی سطح قابل ذکر بلندیوں تک پہنچ گئی ہے۔ یہ غیر معمولی ترقی کوئلہ پی ایس یو کی غیر متزلزل لگن کی وجہ سے ہے ، جس نے اس غیر معمولی ترقی کو آگے بڑھانے میں اہم کردار ادا کیا ہے۔ یہ کوئلے کی سپلائی چین کی قابل ذکر کارکردگی کی نشاندہی کرتا ہے ، جو ملک بھر میں کوئلے کی بلا تعطل تقسیم کاری کو یقینی بناتا ہے۔

کوئلے کی وزارت کوئلے کی مسلسل پیداوار اور ترسیل کو برقرار رکھنے، پائیدار طریقوں کے ساتھ قابل اعتماد اور لچکدار توانائی کے شعبے کے لیے بلا تعطل فراہمی کو یقینی بنانے کے اپنے عزم پر قائم ہے۔

***

(ش ح – ع ا – ع ر)

U. No. 9107

(Release ID: 1954260) Visitor Counter : 128