جیسا کہ انڈین انسٹی ٹیوٹ آف سائنس کی طرف سے مطلع کیا گیا ہے، انسٹی ٹیوٹ کے زیر اہتمام ویسٹرن گھاٹ اسپیشل ڈیسیژن سپورٹ سسٹم (ڈبلیو جی ایس ڈی ایس ایس) مغربی گھاٹوں میں جاری ماحولیاتی تحقیق کا ایک حصہ ہے جس میں مقامی انضمام کے ذریعے معلومات اور اوپن سورس ویب ٹیکنالوجیز میں حالیہ پیش رفت پر غور کیا گیا ہے۔ الگ الگ سطحوں پر انتساب کی معلومات کے ساتھ ڈبلیو جی ایس ڈی ایس ایس کے پاس جنگلات کی کٹائی کے تازہ واقعات کی باقاعدہ ٹریکنگ کا کوئی بندوبست نہیں ہے۔

فارسٹ سروے آف انڈیا 2021 کی انڈیا اسٹیٹ آف فاریسٹ رپورٹ (آئی ایس ایف آر ) کے مطابق، ملک کا کل جنگلات اور درختوں کا احاطہ 80.9 ملین ہیکٹر ہے، جو کہ ملک کے جغرافیائی رقبے کا 24.62% ہے۔ ملک کے کل جنگلات اور درختوں کے احاطہ میں 2019 کے تخمینہ کے مقابلے میں 2261 مربع کلومیٹر کا اضافہ ہوا ہے۔ اس میں سے جنگلات کے رقبے میں 1540 مربع کلومیٹر کا اضافہ دیکھا گیا ہے اور یہ کہ درختوں کے احاطہ میں 721 مربع کلومیٹر ہے۔ 2019 کے دوران چھ ریاستوں (گوا، گجرات، کرناٹک، کیرالہ مہاراشٹر اور تمل ناڈو) میں ریکارڈ کیا گیا جنگلات کا کل رقبہ 1,53,955 مربع کلومیٹر ہے۔ تاہم، سال 2021 کے دوران ان چھ ریاستوں میں جنگلات کا احاطہ  1,54,370 مربع کلومیٹر ریکارڈ کیا گیا، جو کہ جنگل کے احاطے میں 415 مربع کلومیٹر کا اضافہ ظاہر کرتا ہے۔

یہ معلومات ماحولیات، جنگلات اور موسمیاتی تبدیلی کے مرکزی وزیر مملکت جناب اشونی کمار چوبے نے آج لوک سبھا میں ایک تحریری جواب میں دی۔

*********

 

 

U-9033

(ش ح۔ ا م۔)

(Release ID: 1953761)