دفاع کے سکریٹری جناب گریدھر ارمانے نے 25 اگست ،  2023 ء کو گوا شپ یارڈ لمیٹڈ  ( جی ایس ایل )  میں ساحلی محافظوں کے لئے چار تیز رفتار گشتی جہازوں ( ایف پی ویز )  کی تعمیر کا آغاز کیا۔ اس موقع پر خطاب کرتے ہوئے،  دفاع کے سکریٹری نے اس سنگ میل  ، خاص طور پر  بھارتی صنعت کے ساتھ مل کر مقامی  طور پر بنانے پر  ،  گوا شپ یارڈ کی کوششوں کی ستائش کی ۔ انہوں نے ملک کی جہاز سازی کی صنعت کو  فروغ دینے اور ترقی دینے کی اہمیت پر زور دیا  ، جس کی  مالا مال وراثت رہی ہے۔ گوا شپ یارڈ کی اہم کامیابیوں  کو اجاگر کرتے ہوئے، انہوں نے اس بات پر زور دیا کہ صنعت تیزی سے مسابقتی ہوتی جا رہی ہے اور انہوں نے  جی ایس ایل  پر زور دیا کہ وہ کارکردگی اور مسابقت کے لحاظ سے آگے بڑھے تاکہ جدید ترین مقام کو برقرار رکھا جا سکے۔

جی ایس ایل کی طرف سے ڈیزائن کیا گیا ایف پی وی ایک درمیانے درجے کے ہتھیاروں سے لیس سطحی جہاز ہے  ، جس کی لمبائی 51.43 میٹر اور چوڑائی 8 میٹر  ہے۔ یہ جہاز  دو انجن سے چلتا ہے اور اس کی زیادہ سے زیادہ رفتار 27 ناٹس ہے۔  جہاز کا ڈسپلیسمنٹ تقریباً   320 ٹن ہے  اور  یہ  دشوار سمندری حالات میں کام کرنے کی صلاحیت رکھتا ہے۔

بھارتی ساحلی محافظوں کے لیے یہ جہاز جی ایس ایل کے اندرون خانہ ڈیزائن پر مبنی ہیں اور ان میں جدید ترین اور تکنیکی طور پر جدید مشینری اور کمپیوٹرائزڈ کنٹرول سسٹم لگائے جائیں گے، جس سے یہ  بھارتی  ساحلی محافظوں کا  تیز رفتار گشتی  جہاز بن جائے گا ۔

ڈی جی سی جی راکیش پال نے گوا شپ یارڈ لمیٹڈ کے چیئرمین اور منیجنگ ڈائریکٹر، افسران اور کارکنوں کو  ، ان کی  کوششوں کے لیے مبارکباد دی۔ ڈی جی سی جی نے کہا کہ جی ایس ایل آنے والے سالوں میں  مکمل اور اعلیٰ اہداف حاصل کرنے کی کوشش جاری رکھے گا۔

ڈیفنس سیکریٹری نے جی ایس ایل انٹیگریٹڈ اسٹورز کمپلیکس کا بھی افتتاح کیا۔ اس موقع پر  بھارتی ساحلی محافظوں کے ڈائریکٹر جنرل جناب پرکاش پال، جی ایس ایل کے چیئرمین اور منیجنگ ڈائریکٹر  جناب برجیش کمار اپادھیائے اور آئی سی جی کے دیگر افسران  بھی موجود تھے۔

۔۔۔۔۔۔۔۔۔۔۔

ش ح۔   ش ت ۔ ع ا

U.No. 8918

(Release ID: 1952944) Visitor Counter : 87