اسمارٹ سٹیز مشن 25 جون ، 2015 ء کو شروع کیا گیا، جس کا مقصد 'اسمارٹ سلوشنز' کے اطلاق کے ذریعے اپنے شہریوں کو بنیادی ڈھانچہ ، صاف اور پائیدار ماحول اور زندگی کا ایک مہذب معیار فراہم کرنا ہے۔  یہ ایک یکسر تبدیلی لانے والا مشن ہے ، جس کا مقصد ملک  کی شہری ترقی کے عمل میں ایک بڑی تبدیلی لانا ہے ۔ ایس سی ایم  کے تحت کل مجوزہ پروجیکٹوں میں سے 1,10,635 کروڑ  روپئے کی مالیت کے 6,041 ( 76 فی صد )  پروجیکٹ مکمل ہوچکے ہیں اور  60,095 کروڑ روپئے کے بقیہ 1,894 پروجیکٹ 30 جون  ، 2024 ء تک مکمل ہو جائیں گے۔

مشن میں حاصل کیا گیا سب سے قابل ذکر سنگ میل انٹیگریٹڈ کمانڈ اینڈ کنٹرول سینٹرز ( آئی سی سی سی )  ہے ، جو تمام 100 اسمارٹ شہروں میں کام کر رہا ہے۔ یہ آئی سی سی سیز  شہری انتظام کے لیے ٹیکنالوجی کا استعمال کرتے ہوئے شہر کے آپریشنز کے لیے دماغ اور اعصابی نظام کے طور پر کام کرتے ہیں۔ مختلف شعبوں میں شہری خدمات میں نمایاں بہتری آئی ہے ، جیسے جرائم سے باخبر رہنے، شہریوں کی حفاظت اور تحفظ، ٹرانسپورٹ مینجمنٹ، سالڈ ویسٹ مینجمنٹ، پانی کی فراہمی، ڈیزاسٹر مینجمنٹ وغیرہ۔

100 اسمارٹ شہروں نے نقل و حرکت، توانائی، پانی، صفائی ستھرائی، سالڈ ویسٹ مینجمنٹ، متحرک عوامی مقامات، سماجی  بنیادی ڈھانچے ، اسمارٹ گورننس وغیرہ سے متعلق مختلف شعبوں میں منصوبے شروع کیے ہیں۔ مثال کے طور پر، اسمارٹ موبلٹی میں 1,174 منصوبے مکمل کیے گئے ہیں ، جن کی مالیت  24,047 کروڑ روپئے ہے  اور  15,940 کروڑ روپئے  کے دیگر 434 پروجیکٹوں پر کام جاری  ہے ۔ اسمارٹ انرجی میں 573 منصوبے مکمل ہو چکے ہیں اور 94 پر کام جاری ہے۔ واٹر سپلائی، سینی ٹیشن اینڈ ہائجین ( ڈبلیو اے ایس ایچ )  میں 34,751 کروڑ روپئے کے 1,162 سے زیادہ پروجیکٹ مکمل کیے گئے ہیں اور  18,716 کروڑ  روپئے کے 333 پروجیکٹوں پر کام جاری ہیں۔ 100 اسمارٹ شہروں نے پہلے ہی 6,403 کروڑ روپئے کی 1,063 سے زیادہ عوامی جگہیں تیار کی ہیں اور 5,470 کروڑ روپئے کے 260 منصوبے جاری ہیں۔  اس کے علاوہ ، 8,228 کروڑ روپئے  مالیت کے 180 پبلک پرائیویٹ پارٹنرشپ  ( پی پی پی )  منصوبے مکمل ہو چکے ہیں اور مزید 27 جاری ہیں۔ اقتصادی بنیادی ڈھانچے جیسے کہ مارکیٹ ری ڈیولپمنٹ اور اسٹارٹ اپ انکیوبیشن سینٹرز سے متعلق 652 منصوبے مکمل ہو چکے ہیں اور مزید 267 پروجیکٹس جاری ہیں۔ سماجی  بنیادی ڈھانچے  کے شعبے (صحت، تعلیم، ہاؤسنگ وغیرہ) میں 679 منصوبے مکمل ہو چکے ہیں اور 153 جاری ہیں۔

انڈیا اسمارٹ سٹیز ایوارڈ کنٹیسٹ (آئی ایس اےسی )  حکومت ہند کی  ہاؤسنگ اور شہری امور کی وزارت کے اسمارٹ سٹیز مشن تحت منعقد کیا جاتا ہے۔ یہ مشن کے تحت شروع کی گئی اہم سرگرمیوں میں سے ایک ہے، جہاں شہر کی اہم حکمت عملیوں، منصوبوں اور خیالات کی مثالی کارکردگی  ، سیکھنے کے عمل اور بہترین طور طریقوں کو پھیلانے کے کاموں کو تسلیم کیا جاتا ہے ۔  آئی ایس اے سی ، ان شہروں، منصوبوں اور اختراعی آئیڈیاز کا اعتراف کرتا ہے اور انعام دیتا ہے  ، جو 100 اسمارٹ شہروں میں پائیدار ترقی کو فروغ دے رہے ہیں نیز جامع، مساوی، محفوظ، صحت مند اور باہمی تعاون پر مبنی شہروں کی حوصلہ افزائی کر رہے ہیں اور  اس طرح سب کے لیے معیار زندگی کو بڑھا رہے ہیں۔

ماضی میں، آئی ایس اے سی  نے 2018ء ، 2019  ء اور 2020  ء میں تین ایڈیشن دیکھے ہیں۔ آئی ایس اے سی  کے چوتھے ایڈیشن کا آغاز اپریل 2022 ء میں سورت میں 'اسمارٹ سٹیز-اسمارٹ اربنائزیشن' ایونٹ کے دوران کیا گیا تھا۔ آئی ایس اے سی 2022  ایوارڈ  کے لیے اینٹریز  جمع کرانے کا عمل  دو مرحلوں پر مشتمل  تھا  ، جس میں 'کوالیفائنگ اسٹیج' شامل تھا، جس میں شہر کی کارکردگی کا مجموعی جائزہ شامل تھا اور 'پروپوزل اسٹیج' جس میں اسمارٹ شہروں کو چھ ایوارڈ کیٹیگریز کے لیے اپنی نامزدگی جمع کرنے کی ضرورت تھی ۔

• پروجیکٹ ایوارڈز: 10 مختلف تھیمز،
• انوویشن ایوارڈز: 2 مختلف تھیمز،
• نیشنل/زونل سٹی ایوارڈز،
• ریاستی ایوارڈز،
• یو ٹی  ایوارڈ، اور
• پارٹنرز ایوارڈز، 3 مختلف تھیمز

80 کوالیفائنگ اسمارٹ شہروں سے آئی ایس اے سی 2022  کے لیے کل 845 نامزدگیاں موصول ہوئیں۔ ان اندراجات کا 5 مراحل میں جائزہ لیا گیا۔ پہلے مرحلے میں 845 تجاویز کی پری اسکریننگ کی گئی۔  50 فی صد  (423 تجاویز) اگلے مرحلے میں چلے گئے۔ دوسرے مرحلے میں، ہر ایوارڈ کے زمرے کے لیے نیشنل انسٹی ٹیوٹ آف اربن افیئرز ( این آئی یو اے )  کی جیوری کے ذریعے ٹاپ 12 تجاویز کی نشاندہی کی گئی۔ تیسرے مرحلے میں، ہر تجویز پیش کرنے والے نے موضوع کے ماہرین کے پینل کے سامنے ایک پریزنٹیشن دی ، جس کے نتیجے میں ٹاپ 6 تجاویز کا انتخاب ہوا۔ آخر میں، چوتھے مرحلے میں، سب سے اوپر 6 تجاویز نے  ایم او ایچ یو اے  کے ڈائریکٹرز کی سربراہی میں اور موضوع کے ماہرین پر مشتمل ایک جیوری کے سامنے ایک وسیع پریزنٹیشن دی۔ اس چوتھے مرحلے کے بعد، اسمارٹ سٹیز مشن کی اعلیٰ کمیٹی کے ذریعے ہر ایوارڈ کے زمرے کے لیے سرفہرست 3 تجاویز کی نشاندہی کی گئی ہے۔   پانچ ایوارڈز کیٹیگریز کے تحت موصول ہونے والی کل 845 درخواستوں میں سے، 66 - پروجیکٹ ایوارڈ میں 35، انوویشن ایوارڈ میں، 13 نیشنل/زونل سٹی ایوارڈ، 5 اسٹیٹ/ یو ٹی  ایوارڈ اور 7 پارٹنر ایوارڈ کے زمرے میں ، فائنل جیتنے والوں کی شناخت کی گئی ہے ۔ 66 فاتحین کی حتمی فہرست ضمیمہ 1 میں دستیاب ہے۔

بھارت کی معزز صدر  جمہوریہ 27 ستمبر  ، 2023 ء کو   مدھیہ پردیش  کے اندور میں آئی ایس اے سی 2022  ایوارڈز کے فاتحین کو اعزاز دیں گی۔

 

ضمیمہ I  : آئی ایس اے سی 2022 کے تحت فاتح اسمارٹ سٹیز  کی فہرست

 

*************

 

ش ح۔ م م ۔ ع ا

U. No.8833

(Release ID: 1952182) Visitor Counter : 100