شہری ہوا بازی اور اسٹیل کے وزیر جناب جیوترادتیہ ایم سندھیا نے آج نئی دہلی کے اے اے آئی ہوائی اڈوں پر مختلف ٹرمینل عمارتوں کے روایتی اور مقامی فن تعمیر پر ایک کافی ٹیبل بک جاری کی۔ مذکورہ  کتاب میں  19 ہوائی اڈوں پر ٹرمینل عمارتوں کے اگلے حصے کو نمایاں کیا گیا ہے۔ یہ اشاعت ایک قابل ذکر کوشش ہے جو آئندہ کی ہوائی اڈہ  ٹرمینل کی عمارتوں کو روایتی اقدار کی روشنی میں شبیہ کو پیش کرتی ہے۔

مستقبل کے ٹرمینلز بھارتی آرکیٹیکچرل مہارت کا  عملی طور پر امتزاج ہوگا، جو مؤثر طریقے سے ہمارے ورثے کے جوہر کو بیان کریں گی۔

ہوائی اڈے کے ٹرمینل کی عمارت ہوائی جہاز اور زمینی نقل و حمل کے درمیان  بلا رکاوٹ منتقلی کا اہتمام کرتی ہے، جو ہوائی سفر سے وابستہ  مختلف خدمات کے لیے ایک وسیلے  کا کام کرتی ہے۔ ایک ٹرمینل ایک گیٹ وے بن جاتا ہے جو کسی شہر کا دورہ کرنے والے کے ابتدائی تاثرات کو شکل دیتا ہے۔ وہ اب صرف سہولت کے سادہ ڈھانچے نہیں ہیں اور انہیں شہر کے بے مثال نشانات کے طور پر دیکھا جانا چاہئے،  جو شہر میں آنے والوں کا  خیرمقدم کرتے ہیں اور مسافروں میں  حیرانی اور متحیر کئے جانے کا احساس پیدا کرتے ہیں۔

وزیر اعظم جناب نریندر مودی کے پاس  بھارت کے بھرپور سماجی اور ثقافتی تنوع کے ورثے کو ظاہر کرنے کا وژن ہے اور انہوں نے بھارت کے ثقافتی ورثے کو فروغ دینے اور اسے عالمی نقشے پر لانے میں اپنی پرجوش کوششوں کے ذریعے ایک اہم کردار ادا کیا ہے۔ ان کے نقش قدم پر چلتے ہوئے، شہری ہوابازی کے وزیر، جناب جیوترادتیہ ایم سندھیا نے ہر مسافر یا راہگیر تک  بھارتی ثقافتی ورثے کے جوہر کو پہنچانے کے لیے موجودہ اور آنے والی ٹرمینل عمارتوں میں کام کاج میں سہولت کے ساتھ بھارتی فن تعمیر کی خوبی کو یکجا کرنے کا تصور  پیش کیا ہے۔ یہ ٹرمینل عمارتیں ورثے کے احساس سے لبریز  ہیں، جو انہیں نہ صرف یادگاری  ڈھانچے بلکہ قوم کی شناخت کا علامتی اظہار بھی بناتی ہیں۔

اُن کی رہنمائی میں،  بھارت کی ائیرپورٹس اتھارٹی نے ائیرپورٹ پر ایسے  ٹرمینلز بنانے کی کوشش کی ہے تاکہ  انہیں یادگار کے طور پر اور شہر  کے منظر میں ایک شاندار اضافہ کے طور پر یاد رکھا جائے۔ یہ ٹرمینل  عمارتیں نہ صرف جسمانی ڈھانچوں کے طور پر کھڑی ہیں بلکہ ایک ایسے خیال کے مجسمے کے طور پر کھڑی ہیں جو بھارت  کی ثقافت، روایت اور فن کی عکاسی کرتی ہے۔ یہ ٹرمینلز مقامی کمیونٹیز کے  شان اور قومی ترغیب کا ذریعہ بننے کے لیے تیار ہیں۔

اس تقریب میں دیگر افراد کے ساتھ ساتھ  شہری ہوا بازی کی وزارت میں  سکریٹری جناب راجیو بنسل، شہری ہوا بازی کی وزارت میں او ایس ڈی جناب چنچل کمار، بی سی اے ایس کے  ڈی جی جناب ذوالفقار حسن،  ڈی جی سی اے کے جناب  وکرم دیو دت اور اے اے آئی کے   چیئرمین جناب سنجیو کمار بھی  موجود تھے۔

۔۔۔۔۔۔۔۔۔۔۔

ش ح۔ش م۔ ن ا۔

U- 8814