وزیر داخلہ اورامداد باہمی کے مرکزی وزیر جناب امت شاہ نے چندریان 3 کی کامیاب لینڈنگ پر تمام ہم وطنوں، انتھک محنت اور گہری منصوبہ بندی کرنے والی ٹیم چندریان کے سبھی  سائنسدانوں اور انجینئروں کو مبارکباد دی

وزیر داخلہ اور امداد باہمی کے مرکزی وزیر  جناب امت شاہ نے تمام ہم وطنوں اور ٹیم چندریان کے تمام سائنسدانوں اور انجینئروں کو ان کی انتھک محنت اور گہری منصوبہ بندی کے لیے چندریان-3 کی چاند پر مقررہ وقت اورمقررہ  جگہ پر کامیاب لینڈنگ کے لیے مبارکباد دی ہے۔ اپنے ویڈیو پیغام میں،مرکزی وزیر داخلہ نے بھارت کے خلائی مشن کے تصور کے لیے نئی خلائی پالیسی لانے کے لیے وزیر اعظم جناب نریندر مودی کا شکریہ ادا کیا۔

وزیر داخلہ نے کہا کہ آزادی کے سنہرے دور میں ہمارے ملک نے خلائی میدان میں بڑی کامیابیاں حاصل کی ہیں، یہ ہم سب کے لیے قابل فخر لمحہ ہے۔ انہوں نے کہا کہ ملک کے سائنسدانوں اور انجینئروں کی کوششوں نے دنیا میں ہندوستان کا نام روشن کیا ہے۔ جناب شاہ نے کہا کہ چندریان3 مشن کے ساتھ بھارت  چاند پر پہنچنے والا چوتھا اورجنوبی  قطب تک پہنچنے والا پہلا ملک بن گیا ہے۔ بھارت کا چندریان 3 مشن چاند کے جنوبی قطب میں چھپے رازوں سے پردہ اٹھائے گا۔ انہوں نے کہا کہ آنے والا امرت کال خلا کے میدان اور ہندوستان کے مستقبل کے لیے بہت اچھا ہے اور آج کا چندریان 3 مشن اس کی علامت ہے۔ انہوں نے کہا کہ آج کا دن تمام ہم وطنوں کے لیے قابل فخر دن ہے۔

جناب امت شاہ نے کہا کہ مودی حکومت کی نئی خلائی پالیسی کے تحت گزشتہ دہائی میں 55 خلائی جہاز اور 50 لانچ وہیکل مشن پر مبنی تجربے کئے گئے۔ اس کے ساتھ ہی بھارت نے ایک ساتھ 104 سیٹلائٹ لانچ کرنے کا ریکارڈ بنایا، بھارت پہلی ہی کوشش میں مریخ پر پہنچنے والا پہلا ملک بن گیا اور آج چندریان -3 مشن کو بھی کامیابی ملی ہے۔ انہوں نے کہا کہ مودی حکومت نے 2020 میں خلائی شعبے میں جو اصلاحات کی ہیں اس سے نجی اداروں کو موقع ملا ہے اور اس سے ہمارے مشن میں تیزی آئے گی۔

وزیر داخلہ نے کہا کہ ہندوستان کا خلائی شعبہ ملک کے عزائم کو نئی بلندیوں تک لے جانے والا ہے جسے دنیا خلائی منصوبوں کے لانچ پیڈ کے طور پر پہچانے گی۔ انہوں نے کہا کہ بھارتی  کمپنیوں کے لیے خلا کا داخلی دروازہ  کھلنے سے ہمارے نوجوانوں کے لیے روزگار کے بہت سے  مواقع پیدا ہوں گے۔

******

ش ح ۔ س ک ۔ ع ر

U. No.8748