পুম্নমকপু গুদ মোর্নিং!

ঙসি ঐখোয়গী মরক্তা শক্নাইরবা ওজা অনি লৈবসি ঐখোয়গী লাইবক ফবনি। শ্রী রাথী অমসুং শ্রী দ্বিবেদী ঙসি ঐখোয়গী মরক্তা য়াওরি। ঐবু থাজবীয়ু, মখোয় অসি য়াম্না চেকশিল্লি। শ্রী দ্বিবেদীনা কোরিদোরদা চৎপদা পুম্নমক্না মহাকপু কিনরিবনি। শ্রী রাথীসু দিকেদ কয়াদগী মহাক্কী মওং-মতৌ হোংদ্রি, মহাক্তি ফিরোল শেৎপা চাবা য়াম্না হৈবনি। মহাক অসি হৌজিক্কানগী অঙাং অয়া হেক্তগী রোল মোদেল ওইবা য়াগনি।

কয়াদা চাউনা অহোংবা লাক্লিবনো? কয়াদা নুংঙাইরিবনো, সাইনিক স্কুলগী মনুংদা এজুকেসনগী খুদোংচাবা অমা ফংগনি হায়বসি কৈদৌনুংদা খল্লুবা নত্তে।

ঐহাক্না নোংচুপ বেঙ্গলগী রাজ্যপাল ওইরিঙৈদা, ঐহাক্না পুরুলিয়াগী সাইনিক স্কুলদা চৎখি, ঐহাক্কী কন্থোক্নীংঙাই ওইবা অচৌবা মরম অমা লৈ, মসিগী মরমদি, অতোপ্পা সাইনিক স্কুল অমদা চৎপা অমসুং ঐহাক্না ওফিসিএল ওইনা তম্লকপা মফম নত্তবা অমদা চৎপা হায়বসি য়াম্না লায়না ঙাকপীবা য়াবা নত্তে। সাইনিক স্কুলনা গ্রহ অসিগী খ্বাইদগী মশক নাইবা হ্যুমেন রিসোর্স, নুপীমচাশিংগীদমক্তা থোঙ হাংদোক্লে হায়বসি ঐহাক্না মফমসিদগী খঙখিবনি। মখোয়গী মশিং অসি চাউরাক্না কুন্থ্রা শুই হায়না ঐহাক্কী ইফমদা পাউদম্লকখি। মসিদি অচৌবা অহোংবা অমনি, অফবা অহোংবা অমা অমসুং মসিনা তুংগী মতমদা অকনবা শাফু পীগনি। ঐহাক্না মফমসিগী ইচানুপীশিংদা য়াইফ পাউজেল পীজরি, অদোম্না ঐখোয়বু মতম পুম্বদা চাউথোকহল্লি।

ঐহাক্না শ্রী দ্বিবেদী অমসুং শ্রী রাথীগা পাউ ফাওনরি, ঐহাক্না খ্বাইদগী নুংঙাইজবদি জেনেরেল মন্দত্তাগী থৌওংদুনি। ঐহাক্না ৱাশক লৌবা মতমদা মীপুম খুদিংনা শরুক য়াবীখি। জেনেরেলসু থৌরমদুদা শরুক য়াখি, মরুপ কয়াসু য়াওখি। শ্রী রাথীসু য়াওখি, সাইনিক স্কুলগী নুপামচা অমসুং নুপীমচাশিংসু য়াওখি। মদুনা ঐহাক্কী অখন্নবা পুংফম অমা ওইখি।

ঐহাক্না উপ-রাস্ত্রপতি ওইবদগী কেরলাদা চৎপগী তাঞ্জা ফংখি। ঐহাক্না নীংশিংবা ৱাফম অমা লৈরি। ঐহাক্না নোংচুপ বেঙ্গলগী রাজ্যপাল ওফিসকী ৱাশক লৌবা মতমদা, কেরলাদগী ফোন অমা লাকখিবনি, কোল অদু য়াম্না তোয়না তৎলি। ঐহাক্না রাজ সিংহদা কোল তৌদুনা শুকুমারী রত্না নাইরগী নম্বর হংখি। মহাক্কী নম্বর ফংলবা মতুংদা কোল লাক্লিবদু মহাক্কী নম্বরনি খঙখি। ঐহাক্না অমুক্কা হন্না কোল তৌখি, অদুগা ঐহাক্কী কেরলাগী অহানবা খোঙচত্তা মহাক্না রাজ ভবন্দা লাকপা পাম্মি হায়রকখি, ঐহাক্না য়ারোই মেদাম, অদোমগী মহৈরোইগী অপাম্বা অমুক্তদি তাবীয়ু হায়খি। ঐহাক্না অদোমগী কন্নুরগী য়ুমদা লাক্কনি হায়খি, ঐহাক চৎখি অমসুং মতম লেনমিন্নখি।

ঐহাক্কী নহা ওইরিবা মরুপশিং, ঐহাক্না ৱারী অসি মরম অমা লৈবগী লিরিবনি। মেদাম প্রিন্সিপালনা ঐহাক অসি মে ১৮, ১৯৫১দা পোকই হায়খি। মদু ঐহাক তসেংনা পোকখিবা নুমিৎনি, ঐনা অমুক্কা হন্না পোকপা অসিদি চিত্তোরগরগী সাইনিক স্কুলদনি। ঐহাক্না ঙসি ওইরিবা খুদিংমক, সাইনিক স্কুল অমসুং ওজাশিংগী মরমদগীনি। ঐহাক্না লৈহাও অসিবু সলাম কৎচরি।

মীয়াম্না ঐবু রত্তুনি, রত্তানি হায়খিবা নুমিৎপু ঐহাক্না নীংশিংলি। ঐনা ওজাশিংগা ৱারী শাবা খুদিংদা, অমুল বত্তর লৈরমদে, মতমদুদা পোলসন লৈরম্মি। মনিংদগী পোলসন, পোলসন লাওরক্লিবনি।

চিত্তোরগরদা ঈশিং চাউখিবা ঐহাক নীংশিংলি, ঐখোয়না মদুগী মতাংদা এসে ইখি, বরা খানা অমসু শিনখি, মদুগী মতাংদসু ঐহাক অমসুং ঐহাক্কী মরুপ্না এসে ইখি। ঐখোয়গী ইংলিশ ওজানা য়াম্না তৌনদবা মওংদা ফ্রেক্সন্দা মার্ক পীরম্মি, ওজানা ঐগী মরুপকী এসেবু চুমথোকপীখি অদুদগী ঐনা শিনখি। ওজানা মদুবু অমুক্কা হন্না চুম্থোকপীখি।

ঐসু স্কুলদা অখন্নবা থবক অমা তৌফম থোকই হায়না ঐহাক খনখি, ঐখোয়না বরা খানা চাবা খুদিংদা মীপুম খুদিংনা য়াম্না হাওই হায়নৈ, ঐনা তোঙানবা অমা তৌফম থোকই খনখি। অদুনা, ঐনা লাইব্রেরীদা চৎখিবনি, ৱাহৈ মান্নবশিংগী দিক্সনরী অমা ঐনা লৌথোক্লগা অখন্নবা ৱাহৈ অমা খন্দোকখি। ঐহাক্না খানা অদু য়াম্না ...... হায়খি, ওজানা পাখি অমসুং মসি কনানা ইবনো হংলকখি। ঐ হৌগৎখি, অদুদগী ওজানা ঐগী পেতী লৌথোকও হায়রকখি, ঐসু ইনখি, অদুদগী ইখঙ খঙহৌদনা, ওজাদুনা ঐসি লাইরিক ফবা মহৈরোইনি খঙবদগী, মসিগুম্বা ক্রেজী ওইবা ৱাখল্লোন অসি কদাইদগী লাকপনো হংলকখি। ঐনা কোলিন্স বুক ওফ দিক্সনরীদগীনি হায়খি। লাইরিক অদুদি কদাইদা লৈরে হংলকখি। হোস্তেলদা লৈহৌই হায়না ঐনা খুমখি, ঐঙোন্দা পুরকউ হায়রকখি। তাঞ্জাদুদা পেরিয়দ লোইবা মতম থোক্লে, অদুবু অঙাংশা, ঐহাক্না শিজিন্নখিবা ৱাহৈ অদুদি ভোলুপচুৱস হায়বদুনি। ঐগী অশোইবা নত্তে। লাইরিক্কীনি।

ঐদি খুঙ্গংদগী লাকপনি, ক্লাস 5 ফাওবদা ABCD তাক্ত্রি অদুগা ঐবু সাইনিক স্কুলদা থাবীরে। ঐখোয়গী প্রিন্সিপালদি স্কুলদা শগোল থৌরগা লাকই, অফনবা তুপী (হেত) অমসু উপ্পি। মসিগী খুঙ্গংগী নুপামচা অসিদি মসিগুম্বা মতৌ অমত্তা মপুন্সিদা উরক্ত্রিবনি, মহাক্কী মফমদদি পুরা ৱান্দর্লেন্দনি। দাওনা য়ারিবসু, ঐগী ক্লাস মমাংদা মহাক্না শগোলদগী কুমথৈ অদুগা কা মনুংদা চঙলকই। এতোম অসি খ্বাইদগী পীকপা পোৎশক্নি হায়না ক্লাসরুমদা ইবনি। বোর্দতা ইরিবদু ঐ করিনো খঙদে, চিনফাদি পুখি। প্রিন্সিপালনা ঐঙোন্দা য়েংলগা এতোম হায়বসি করিনো হায়বা তাকউ হায়রকখি। য়াম্না হৈ-শিংবা মীওই অমগুম্না ঐহাক্না এতোম হায়বসি খ্বাইদগী পীকপা পোৎশক্নি খুমখি। মদুদগী মহাক্না মথংগী ৱাহং অমুক হংলকখি, মহাক্না হংলিবদু করিনো হায়বা ঐহাক খঙদে। ঐদি ইংলিশসু হৈতনা। মহানা অহুমশুবা ৱাহং অমুক হংলকখি, গ্যান মাঙখি ঐদি, করি হায়রিবনো, করি হংলিবনো করিমত্তা খঙদ্রে ঐদি। ঐদি শুপ্নগী চিনফা ফাখিবনি। অদুদগী ৱারী অমা থোক্লে, মসিগুম্বা অশোইবা অসিগীদমক্তা ঐ ব্লেকলিস্ত তৌরনি হায়রে। প্রিন্সিপালগী ময়ুমদা লাকউ হায়বা পাউজেল অমা ঐনা ফংখি। মহাক্কী মমিং চৎপী মচানুপী অহুম অমসুং চংখোনবী নুপী অমা লৈ। ঐ চৎখি, চা থকপা মতম্নি। ঐহাক্তি খুঙ্গংদগী লাকপনিনা পোৎলমশিংদু অমুক ফাওবা উজদ্রি। ঐদি পুরা ঙকখ্রে। চা পুথোরক্লে, মহাক্তি লিচৎ শাজৎ য়াম্না ইনবা মীওইনি। ফোরেন্দ তম্লকপনি। “ঐ অসি অশিংবা অঙাংনি, অদুবু ঐদি ইংলিশ হৈতে” হায়বগী থৌনা পুথোক্তুনা ঐনা হায়খি। মহাক জেন্তলমেন অদুনা ঐহাক্কী পুন্সিদা অওনবা পুরকখি। ঐনা চহি অনিগী মনুংদা ইক্সাইক্লোপেদিয়াগী লৌশিং খঙখি। পিকাসো কনানো, ঐ খঙখ্রে। মহাক্না মসিগী সাইনিক স্কুল অসিদা ঐহাকপু লমজিং লমতাকপীখি, মরম অদুনা, ঐহাক অসি সাইনিক স্কুলদা নৌনা অমুক পোকখিবনি হায়রিবনি।

খুঙ্গংগী ৱারী অমুক হৌজিক্তারসি, ঐখোয়গী ইচিল ইনাও নুপা অহুম্নি, ঐদি লাইরিক হৈবনিনা স্কুল অমদা হেক্তা তম্লসু অদুমক হৈগনি হায়না ঐগী ইমা ইপানা খনখি। অদুদগী ইয়াম্বা অনিবু পিল্লানীদা থাখ্রে। ঐগী অশাওবা ফোংদোক্নীংবনি অদুবু ফোংদোকপদি ঙমখিদে। সাইনিক স্কুলগী এন্ত্রান্স একজাম তৌদৌরে হায়বা ঐনা মতমদুদা খঙখি। ঐনা 100% স্কোলারশিপ অমসু থা অমদা লুপা ২৫০ ফংখি। শেল লোয়না শিজিন্নথোকই করিগীনো, য়ুমদা তংখায় অমা থাদোক্লক্ত্রিবা করিগীনো হায়না খুঙ্গংগী মীয়াম্না হংই। নহাক্না লুপা ২৫০ অদু করিগীদমক্তা চাদিং তৌরিবনো হায়না খুঙ্গংগী অহলশিংনা ঐঙোন্দা হংই। মদুগী ৫০% নয়াম্বশিগদা থাদ্রিবা করিগীনো? ঐগী ইয়াম্বসু সাইনিক স্কুলদা তম্মি, ঐখোয় য়াম্না নুংশিনৈ, মহানা ক্লাস 6তা অদুগা ঐনা ক্লাস 5তা তম্মি। ঐখোয়গী খুঙ্গংদা সাইনিক স্কুলদগী চিথী লাকই। অদোমগী অঙাংদো উৎ থৌবগী চৈরাক্কী এৱার্দ পীরে, ইয়াম্বগীনিকো, ঐহাক্কী নত্তে। মনাক নকপা খুঙ্গংগী মীওই অমত্তা ইংলিশ পাবা হৈনদে। কিশোরপুরাগী ওজা অমদি পাবা হৈবজাৎনি। ঐগী পাবুংদগী চিথী অমা ফংখি, নহাক অসি শিংবদি শিংই অদুবু এৱার্দতি নয়াম্বনা ফংলে হায়রকই। মতমদু নোক্নিংদরা, ঐনা পাবুংদা করিনো তাকপসু ঙমখিদে।

ঐগী ইমাদি ঐগীদমক্তা কা হেন্না ৱাজৈ, অদুনা ঐদি নুংতিগী পোস্তকার্দ মঙোন্দা থাই। নুংশিরবা ইমাবু নোল্লুকচরি, ঐ মফমসিদা নুংঙাইরি, অদুবু চিথী লোইনমক মান্নগনি খনবদগী খরদি শেমদোক্তবা য়াদে। ইমানা পোস্তকার্দশিংদু খোমজিন্দুনা থম্মি, য়ুমদা চৎপা মতমদা অমুক্কা পীরক্কনি। সাইনিক স্কুলগী মহৈরোই ওইনা, ঐখোয়না ভোপাল সাগরদা পিক্নিক চৎলি। মসিদি পর্সোনেলিতী শেম্বনি হায়না ঐনা উই। মতমদুদা মায়ো কোলেজগী প্রিন্সিপাল অসি মিস্তর গিবসন্না ওইরম্মি। মহাক অসি ইলাইতনি হায়না খন্নৈ, অদুবু সাইনিক স্কুলদগী হেন্না ইলাইত ওইবদি কনাসু লৈতে। ঐখোয় অসি লৈবাক্কী খ্বাইদগী অফবা অমসুং মপাঙ্গল লৈবা ইন্সতিত্যুসন্নি। অদুবু, মায়ো কোলেজকী তীম্না ঐখোয়বু ফুতবোলদা অয়াম্বা মতমদা মায়থীবা পীরম্মি। অদুবু, সাইনিক স্কুলগী নুপামচাশিংগী, হৌজিক্তি নুপীমচাসু লৈরে, মথক কাবগী মতৌদি মমাংদা অমুক্তা থোকখিদ্রিবা মতৌনি, মশক নাইবা থৌওংনি হায়বা তপ্না তপ্না খঙলকখি। মসিগুম্বা মতৌ অমত্তা ঐনা উখিদ্রি। মীওইবা অমগী পুন্সিগী হীরম খুদিংদা সাইনিক স্কুলগী মহৈরোইনা ময়ামদগী লীদর্শিপ ক্বালিতীগী মতাংদা তোঙান তানা চোংথোক্কনি।

মফমসিদগী মসিগুম্বা মিংচৎ, থৌনা অমসুং হৌন-লোনচৎ খংবগী অৱাংবা থাক্কা লোয়ননা থোক্লক্লবা মতুংদা উকিল ওইরে। পুন্সিরোলগী চৎনবী অহানবা ওইনা খঙলকই। ঐহাক্না মসি হায়রিবসি, অদোমদি ভারতনা মমাংদা অমুক্তা তৌখিদ্রিবা মওংদা নোংম-নোংমগী থাক ৱাংখৎলকপা মতমদা হিংলিব ওইবনা অদোমদি লাইবক ফবশিংগী মরক্তা চনবগীনি। লৈবাক অসিনা চাউখৎলিবা মওংসিদি থিংবা ঙম্লোই। স্তেতিস্তিক্স খরা ঐখোয়না খন্নরুবা মতমদা, ইং ২০২২গী অপুনবা দিজিতেল ত্রান্সফরনা মালেমগী ত্রাঞ্জেক্সনগী চাদা ৪৬ ওইরিবনি, মসিনা অমেরিকা, ইংলেন্দ, ফ্রান্স অমসুং জর্মনীদগীসু হেল্লিবনি। অদোমদি মসিগুম্বা মতমদা হিংলিবনি। ভারতকী ইন্তর্নেত শিজিন্নবগী পর কেপিতানা অমেরিকা অমসুং চাইনাগী অপুনবদগী হেনবা মতমদনি অদোম্না হিংলিবসি। অদুবু ঐখোয়গী মতমদদি, লাইব্রীরী অফবা অমা লৈবা হায়বসি মঙলান ওইনরিবনি। হরিয়ানাগী ভিৱানি জিলাদা লাইব্রেরী অমা য়োল্লি হায়বা ঐনা তাখি। মদুগী লুপা ৬০০০ কদাইদগী লৌগনি? বেঙ্ক মেনেজর অমনা ঐঙোন্দা লুপা ৬০০০ পীরকখিবদু ঐহাক ঙসি ফাওবা নীংশিংলি। মদুনা ঐগী পুন্সিবু ওলহনখিবনি।

 

IMFকী মখা পোন্না, মালেমগী খ্বাইদগী পাম্নবা খুদোংচাবা অমসুং ইনভেস্তমেন্তকী পন্থুংফম ওইরিবা লৈবাক্তা অদোম্না লৈরিবনি হায়বসিদা অদোম অসি কয়াদা লাইবক ফখ্রবনো হায়না ঐনা খল্লি। অদোমগী ৱাখল্লোন অমখক লৈবগী মথৌ তাই, মখা তাবা থবক্তি মথন্নতা লাক্কনি। মসি ঐহাক্কী পাউতাক্নি, ঐহাক ইশামকসু মসিগী অৱাবা নংখ্রবনি। ঐনা ক্লাস্তা খ্বাইদগী মকোক ওইদ্রবদি, ঐগী পুন্সি করি ওইগনি হায়না ঐনা য়াম্না তোয়না খল্লি। মসিগী অকিবসিগা লোয়না ঐহাক হিংলক্লবনি। মসিগী ৱাখল অসিনা ঐহাকপু স্কুলগী মতমদা অদুম ৱাহন্দুনা লাকখি। মতম অমদদি, লাইহৌ তৌবদগী পেপর অমা থাবা ঙমহৌদে, মদু ফাওবদসু ঐহাক্না মকোক ওইখি। মসিগী অকিবা অসিনা মরম ওইরগা ঐনা কয়া য়াম্না মাঙজবা ফংখ্রে হায়বা য়াম্না থেংলবা মতুংদা খঙলকখি। অতিয়া অসি কৈদৌনুংদা তারক্লোই, তাসু তাখিদ্রি পুৱারীদা। চাংয়েংনবগী হীরমদা কৈদৌনুংদা ঙাওগনু। নম্বর ১গী মহুত্তা নম্বর ২ তারম্লবদি কয়াদা নুংঙাইরমগনি, শান্নবগী মতম খরা হেন্না ফংলমগনি, এক্সত্রা করিকুলার এক্রিবিতী খরসু তৌহৌগনি, য়াম্না তৌহৌরম্বা য়াইদা। তেন্সন লৈতনা, মতমগী ইচেলদা চৎপা, ইশাগী অপাম্বগী মখা পোন্না চৎপা হায়বসি মপুং ওইনা চাউখৎপদা য়াম্না মথৌ তাই। চেদা কেনেল শাবা য়াম্না লাই, থবক ওইনা পাংথোকপসু লাই, অদুবু তুরেলগী মতৌ অসিসু য়াম্না অখন্নবনি। মসিগী শাফুনা খ্বাইদগী চাওই। তুরেলনা থেক্না খোয়না চেল্লিবা অসিদি মহৌশানা ঐখোয়দা পীবা খ্বাইদগী অথোইবা খুদোলনি। মসিগী শাফু অসি চাউরবা মফম ফাওবদা য়ৌই। অদুনা তুরেলদৌনা থেক্না খোয়না চেল্লু, অপাম্বা লম্বীদু খল্লি। অতোপ্পনা ইশাগী পুন্সি লেপহনগনু।

ঐখোয়গী খুন্নাইগী চৎনবীসে, অঙাং পোক্ত্রিঙৈদা মহাক্কী পুন্সি করি ওইগনি হান্ননা লেপথোক্লে। অদুবু, অঙাংশা, মতম অসি য়াম্না হোংলবনি, নখোয় লাইবক য়াম্না ফরবনি। ঙসিদি, অদোমগী হোৎনজমনগী মতুং ইন্না নশাগী মতিক ফুদোকপা ঙমহন্নবা ইকোসীস্তেম অমা হৌজিক লৈরবনি। ইশানবু হোৎনরবদি, অপাম্বা খুদিংমক ফংবগী ইকোসীস্তেম অমা লৈরবনি।

ঐখোয়গী লৈবাক অসিদা লৈরিবা স্তার্তঅপ অমসুং য়ুনিকোর্ন মশিং অসি মালেমগী অতোপ্পা লৈবাকশিংদা চাংদম্নিংঙাই লৈত্রবনি। মালেমগী থাক্তা লৈরিবা ভারতকী শক্তাক অসিদি ঐহাক্না মমাংদা অমুক্তা থেংনখিদ্রি হায়না ঐ য়াম্না চাউনা হায়গে। ঐহাক্কী মালেমগী খোঙচৎ অহুমদা মালেমগী লুচিংবা কয়াগা উন্নখি, মখোয়গী মরক্তা অমেরিকাগী রাস্ত্রপতি জো বাইদেনসু য়াওরি। অদুগা, ঙসিগী মতমসিদা ভারতকী উপ-রাস্ত্রপতি ওইবা হায়বসি য়াম্না চাউথোকচনীংঙাই ওইরে, মরমদি ভারত অসি মীপুম খুদিংগী ৱারীদা য়াওরবনি। ১৯৮৯দা ঐহাক্কী পুন্সিদা অচৌবা অহোংবা অমা লাকখি। রাজনীতিদা কৈদৌনুংদা খোঙদারোই হায়রম্বা মীওই ঐহাক অসি ঙসিদি রাজনীতিদা থুরে, ঙাওরে। ১৯৮৯দা লোক সভাদা মায় পাক্তুনা মন্ত্রী ওইখি, মতমদুদা ঐহাক ফোরেন মন্ত্রী ওইখি। মতমদুদা, লৈবাক্কী শেন্মিৎলোনগী ফিভম ফগৎহন্নবা, মালেম্না বেংক্রপনি হায়খিদনবা এরোপ্লেন্দা সনা থাদোকপা তারম্লিবনি। ঐখোয়গী ফোরেন রিজর্বসু য়ু.এস. দোল্লর বিলিয়ন অমা অনিদং ঙাইরম্লবনি। ঙসিদি বিলিয়ন ৬০০ ওইরে। মতমদুগা হৌজিক্কা ওইরিবা ফিভমসিগী মতাংদা খল্লুবদা য়াম্না ঙকপসু ফাওই। থা অমদা বিলিয়ন ৬তা চোংলিবনি ঐখোয়না। মসি ভারতকী মপাঙ্গলনি।

সেপ্তেম্বর ২০২২ অসি ঐখোয় পুম্নমক্কী য়াম্না চাউথোকচীংঙাই ওইবা পুংফম্নি হায়না ঐনা অদোমগী মফমদা থম্নিংই। সেপ্তেম্বর ২০২২দা ভারতনা মালেমগী খ্বাইদগী মঙাশুবা চাউবা শেন্মিৎলোন ওইখি অমসুং মসিগী থৌওং অসিদা ঐখোয়বু মতম অমদা মীখা পোলহন্দুনা লৈঙাক্লম্বা UKদগী হেনগৎখি। অদুগা হন্দক্কী দিকেদকী লোইশিল্লকপদা, ঐখোয়না মালেমগী খ্বাইদগী অহুমশুবা চাউবা শেন্মিৎলোন ওইরগনি।

মসিদা ঐহাক্না হায়নীংলিবদি ৱাফম অমনি। মমাংদা ফম্লিবা ঐখোয়শিংগী মরক্তগী মীওই খরদি ভারতনা ইং ২০৪৭দা নিংতম্বগী চহি ১০০ মপুং ফারকপগী মতমদা লৈররোই। অদুবু, অদোমদি Bharat@2047গী ফুত সোলজরনি। অদোম্না মরম ওইরগা ভারতনা মালেমগী মকোক ওইগদৌরিবনি, মসিদি ইদুনা থম্লবা ৱাফম্নি।

অনিশুবা, ঐখোয়না থবক ওইনা পাংথোক্তুনা উৎখ্রে। মীওই করোর ১৩০বু কোবিদ-১৯না ৱাহনখিবা মতমদা, ঐখোয়না লৈবাক ১০০গী মতেং পাংখি, মসিমক ঐখোয়গী সংস্কৃতীগী মপুং ওইবা মন্ত্রনি। ইরাং মতমদা ঐখোয়না মালেম্বু ইমুং অমা ওইনা খন্দুনা লমজিংদুনা চৎপা হায়বসি ঐখোয়গী সিভিলাইজেসনগী ইথোসনি।

ঙসিগী নুমিৎ অসিদা খুদোংচাবা য়াম্না হোংলে। কারবার তৌগে হায়রবদি, অচৌবা শাগৈ নাতৌগী ওইদবা য়ারমদে। ঙসিদি ফিভম অসি হোংলে। নহা ওইরিবা নুপামচা নুপীমচা কয়া মাঙ থানা থোক্লক্লে, মশাগী স্তার্তঅপ হৌদোক্লে, অদুগা বিলিনিয়র কয়াসু ওইনরে। মখোয়না মেক্সিমম য়ুনিকোর্ন শেম্লে।

ঐহাক্না পুম্নমকপু য়াইফ পাউজেল পীজরি। অদুগা অরোইবদা ৱাফম অমা থমজনীংই। মায়থীবা কিগনু। মায়থীবা কিবা হায়বসিনা খ্বাইদগী লুবা লাইনানি, মসিনা মীওইবা খুন্নাইবু মাঙহনবা ঙমগনি। কনাগুম্বা অমত্তনা অহানবা তৌবদা মায় পাকখিবা নত্তে। নিল আর্মস্ত্রোংনা জুলাই ২০, ১৯৬৯দা থাদা খোঙদাবা অদুগী মমাংদগী হান্ননা হোৎনবা হৌখ্রবনি। হৌজিক চন্দ্রয়ান-৩ থাদা চৎলি, ঐখোয়ন পুম্নমক্না হয়েং ঙাইনদোইনি। চন্দ্রয়ান-২না চৎখিবা মতমদদি নুমিদাংদা ওইখিবনি। মতমদুদা, ঐহাক্না নুপামচা অমসুং নুপীমচা ৫০০গা পুন্না ঙাইমিন্নবনি। অদুবু সোফ লেন্দিং তৌবা ঙমখিদবদা মীয়াম পুম্নমক তুমিন্না লৈনখি। ঐহাক্না চিয়র অপ হায়খিবনি! 95% মায় পাক্লে, শুপ্নগী 5% খক ফংদবগী ৱানি।

ইস্রোগী দাইরেক্তর অদুবু প্রধান মন্ত্রীনা কোনখিবা নুমিত্তু অদোম পুম্নমক্না নীংশিংলমগনি অদুগা অসুম্না হায়খিবনি, “ঐখোয়না মথংদা শোইদনা পাংথোক্কনি”, কৈদৌনুংদা থাজবা মাঙগনি, থৌনা হলহনগনু, ইশাগী ৱারেপ্তা থাজবা থম্মু, অফবা ৱাখল্লোন অমত্তা খামদুনা থমগনু, অনৌবা পাংথোক্নবা হোৎনৌ, মশা মথন্নতা মওং অদুম শেমজরক্কনি। পুম্নমকপু থাগৎচরি।

 

 

*****

(Release ID: 1951193)