زراعت اور کسانوں کی بہبود کے مرکزی وزیر جناب نریندر سنگھ تومر نے آج لوک سبھا میں ایک سوال کے  تحریری جواب میں بتایا کہ  حکومت نے اپریل 2016 میں ایک بین وزارتی کمیٹی تشکیل دی تھی جو ’’کسانوں کی آمدنی کو دوگنا کرنے (ڈی ایف آئی)‘‘ سے متعلق مسائل کا جائزہ لے گی اور اس کے حصول کے لیے حکمت عملیوں کی سفارش کرے گی۔ کمیٹی نے ستمبر 2018 میں حکومت کو اپنی حتمی رپورٹ پیش کی جس میں مختلف پالیسیوں، اصلاحات اور پروگراموں کے ذریعے کسانوں کی آمدنی کو دوگنا کرنے کی سفارشات شامل تھیں۔ مقصد کے حصول کے لیے، کمیٹی نے آمدنی میں اضافے کے درج ذیل سات ذرائع کی نشاندہی کی: -

1. فصل کی پیداواری صلاحیت میں اضافہ
2. مویشیوں کی پیداواری صلاحیت میں اضافہ
3. وسائل کے استعمال کی کارکردگی - پیداواری لاگت میں کمی
4. فصل کی تعداد میں اضافہ
5. اعلیٰ قدر والی زراعت میں تنوع
6. کسانوں کی پیداوار پر منافع بخش قیمتیں۔
7. فاضل افرادی قوت کو فارم سے غیر زرعی پیشوں میں منتقل کرنا

حکومت نے کسانوں کے لیے بالواسطہ یا بلاواسطہ زیادہ آمدنی حاصل کرنے کے لیے متعدد پالیسیاں، اصلاحات، ترقیاتی پروگرام اور اسکیموں کو اپنایا اور نافذ کیا ہے۔ حکومت کی درج ذیل کوششوں کو آسان بنانے کے لیے بے مثال اضافہ شدہ بجٹ کے انتظامات کیے گئے ہیں۔

1. پی ایم کسان کے ذریعے کسانوں کی آمدنی میں مدد
2. پردھان منتری فصل بیما یوجنا (پی ایم ایف بی وائی)
3. زرعی شعبے کے لیے ادارہ جاتی قرض
4. پیداواری لاگت کے ڈیڑھ گنا پر کم از کم امدادی قیمت (ایم ایس پی) کا تعین
5. ملک میں نامیاتی کاشتکاری کو فروغ دینا
6. فی ڈراپ مزید فصل (پر ڈراپ مور کروپ)
7. مائیکرو اریگیشن فنڈ
8. فارمر پروڈیوسر آرگنائزیشنز ( ایف پی  اوز) کا فروغ
9. شہد کی مکھیوں کو پالنے کا  ایک قومی مشن ( این بی ایچ ایم)
10. زرعی میکانائزیشن
11. کسانوں کو سوائل ہیلتھ کارڈ فراہم کرنا
12. نیشنل ایگریکلچر مارکیٹ ( ای-نام) توسیعی پلیٹ فارم کا قیام
13. قومی مشن برائے خوردنی تیل - آئل پام کا آغاز
14. ایگری انفرااسٹرکچر فنڈ (اے آئی ایف )
15. زرعی پیداوار کی لاجسٹکس میں بہتری، کسان ریل کا تعارف۔
16. ایم آئی ڈی ایچ - کلسٹر ڈیولپمنٹ پروگرام
17. زراعت اور متعلقہ شعبے میں اسٹارٹ اپ ایکو سسٹم کی تشکیل
18. زرعی اشیا  ءاور اس سے منسلک زرعی اجناس کی برآمد میں کامیابی

ان اسکیموں کے نفاذ سے کسانوں کی آمدنی میں اضافہ کرنے کے لیے قابل ذکر نتائج برآمد ہوئے ہیں۔ ’آزادی کا امرت مہوتسو‘ کے ایک حصے کے طور پر، انڈین کونسل آف ایگریکلچرل ریسرچ (آئی سی اے آر) نے ایک کتاب جاری کی ہے، جس میں ان لاتعداد کامیاب کسانوں میں سے 75,000 کسانوں کی کامیابی کی کہانیاں شامل ہیں جنہوں نے اپنی آمدنی میں دو گنا سے زیادہ اضافہ کیا ہے۔

۔۔۔۔۔۔۔۔۔۔۔

ش ح۔  ش ت۔ ن ا۔

U- 8632

(Release ID: 1950843)