سڑک نقل و حمل اور شاہراہوں کے مرکزی وزیر جناب نتن گڈکری نے آج مہاراشٹر کے بلڈھانہ ضلع کے ملکاپور میں 800 کروڑ روپے کی مالیت کے قومی شاہراہ 53 پر 45 کلومیٹر لمبائی کے نندورا  سے چکھلی سیکشن  کو چار لین منصوبے کا افتتاح کیا۔ اس موقع پر بلڈھانہ کے ممبر پارلیمنٹ (ایم پی) جناب  پرتاپ راؤ جادھو، رکن اسمبلی جناب  رکشاتائی کھڈسے کے ساتھ ایم ایل ایز اور عہدیدار بھی موجود تھے۔

قومی شاہرا ہ 53 پر 45 کلومیٹر طویل چار لین منصوبے کا افتتاح بلڈھانہ کے لوگوں کی ترقی اور خوشحالی کو فروغ دے گا۔

بھارت مالا یوجنا کے تحت قومی شاہراہ 53 پر امراوتی-چکھلی سیکشن پیکیج-4 چار لین کی تعمیر مکمل ہو چکی ہے۔ اس پروجیکٹ میں 6 کلومیٹر طویل نندورا گرین فیلڈ بائی پاس، ملکاپور آر او بی، 4 بڑے پل، 18 چھوٹے پل، 11 کلورٹس، 3 سرکلر انڈر پاسز، 4 پیدل چلنے والے انڈر پاسز، 11.53 کلومیٹر طویل ڈبل لین سروس روڈ، 20 بس شیڈ اور 1-1 ٹرک لے بائے شامل ہیں۔

یہ منصوبہ چار ریاستوں یعنی گجرات، مہاراشٹر، چھتیس گڑھ اور اڈیشہ کے درمیان باہمی تجارت کو فروغ دے گا۔ ایسٹ ویسٹ کوریڈور کو بہتر کنیکٹیویٹی ملے گی، جس سے رائے پور، ناگپور اور سورت کو فائدہ ہوگا۔

شیگاؤں کے گجانن مہاراج مندر، نندورا میں ہنومان مندر اور بلڈھانہ ضلع میں لونار سروور جیسے سیاحتی مقامات جیسے مذہبی مقامات تک آسانی سے رسائی ہو گی۔ ضلع بلڈھانہ سے ناگپور ضلع اور بلڈھانہ سے دھولے، سورت تک کے  سفر کا  وقت کم ہو جائے گا۔ کپاس، لال مرچ، پھل، اناج اور دیگر زرعی اجناس کی نقل و حمل تیز ہوگی جس سے وقت اور ایندھن کی بچت ہوگی۔ ناندورا کے بائی پاس سے شہر اور آس پاس کے علاقوں میں ٹریفک کی بھیڑ اور شور اور فضائی آلودگی کو کم کرنے میں مدد ملے گی۔

امرت سروور اسکیم کے تحت مذکورہ شاہراہ کی تعمیر میں جھیلوں کی گہرائی سے حاصل کی گئی مٹی کے استعمال کی وجہ سے علاقے کی جھیلوں میں پانی ذخیرہ کرنے کی صلاحیت میں اضافہ ہوا ہے۔ اس پانی کی بچت سے ملکاپور کے شہریوں کا پانی کی کمی کا مسئلہ حل ہو جائے گا۔ اس کے ساتھ ہی آج کے پروگرام میں بلڈھانہ ضلع میں 866 کروڑ روپے کے مجوزہ کاموں کا اعلان کیا گیاہے۔

*************

ش ح۔  ا م ۔

(U-8550)