২০২৩গী ওগস্ত থাদা অপেনবা এয়রপোর্ত ৬ হায়বদি মুম্বাই, অহমেদবাদ, কোচি, লখনৌ, জয়পুর অমসুং গুৱাহাতিদা এয়রপোর্তশিংদা দিজি য়াত্র ফেসিলিতী হৌদোক্লগনি। এয়রপোর্তশিং অসিদা দিজি য়াত্রগী ইমপ্লিমেন্তেসন অমসুং ইন্সতোলেসন ফেজ মেনরদা পাংথোক্কনি।

২০২২গী দিসেম্বর ১দা সিভিল এভিয়োসন অমসুং স্তীলগী মন্ত্রী শ্রী জ্যোতিরাদিত্য সিন্ধিয়ানা এয়রপোর্ত অহুম, নই দিল্লী, বারানসি অমসুং বেঙ্গলুরুদা মসি হৌদোকখ্রবা মতুংদগী দিজি য়াত্রবু অহেনবা এয়রপোর্ত মরি, বিজয়ৱাদা, পুনে, হায়দ্রবাদ অমসুং কোলকত্তাদা হৌদোক্তুনা দিজি য়াত্র এয়রপোর্তশিংগী মশিং তরেৎতা হেনগৎখি। মথক্তা পনখ্রিবা এয়রপোর্ত তরুক অসি হাপচিল্লগা দিজি য়াত্র য়াবা এয়রপোর্ত তরাহুমদোই ওইরগনি।

২০২৩গী ওগস্ত ১০ ফাওবদা পেসেঞ্জর ৩৪,৬০,৪৫৪না দিজি য়াত্র শিজিন্নখি। নুমিৎ অসিমক্তদা দিজি য়াত্র মোবাইল এপ্লিকেসন য়ুজর বেজ মিলিয়ন ১.২৯ ওইখি।

দিজি য়াত্র অসি ফেসিকেল রিকোগনিসন তেক্নোলোজী (এফ.আর.তি.)দা য়ুমফম ওইবা এয়রপোর্তশিংদা পেসেঞ্জরশিংগী কন্তেক্তলেস, সীমলেস প্রোসেসিং ফংনবগীদমক শেমখিবনি। মসিনা পেসেঞ্জরশিংবু মখোয়গী আইদেন্তিতী অমসুং ত্রাভেলগী অকুপ্পা ৱারোল ভেলিদেত তৌনবগীদমক ফেসিয়েল ফীচরশিং শিজিন্নদুনা পেপরলেস অমসুং কন্তেক্তলেসকী খুত্থাংদা এয়রপোর্তশিংদা তোঙান-তোঙানবা চেকপোইন্তশিং লানবদা মতেং পাংলি।

দিজি য়াত্র প্রোসেসতা পেসেঞ্জরশিংগী পর্সোনেলী আইদেন্তিফিয়েবল ইনফোর্মেসন (পি.আই.আই.) দেতাগী সেন্ত্রেল স্তোরেজ লৈতে। পেসেঞ্জর পুম্নমক্কী দেতা এনক্রিপ্ত তৌই অমসুং মখোয়গী স্মার্তফোনগী ৱালেত্তা স্তোর তৌই। মসি পেসেঞ্জরশিংগী দিজি য়াত্র আই.দি. ভেলিদেত তৌবা মথৌ তাবা মফমদুদা পেসেঞ্জর অমসুং ত্রাভেল ওরিজিনগী এয়রপোর্তকী মরক্তা শেয়র তৌই। ফ্লাইতকী দিপার্চরগী পুং ২৪গী মনুংদা এয়রপোর্তকী সিস্তেমদগী দেতা অসি লৌথোকই। দেতা অসি মখোয়না ত্রাভেল তৌবা খক্তদা অমসুং ওরিজিন এয়রপোর্ত খক্তদা পেসেঞ্জরশিংনা দাইরেক্ত ওইনা শেয়র তৌই।

***