داخلی امور اور امداد باہمی کے مرکزی وزیر جناب امت شاہ نےآج گجرات کے شہر گاندھی نگر میں مختلف ترقیاتی کاموں کا سنگ بنیاد رکھا اورافتتاح کیا۔اس موقع پر گجرات کے وزیراعلیٰ جناب بھوپیندرپٹیل سمیت بہت سی اہم شخصیات نے بھی اس پروگرام میں شرکت کی۔

اپنے خطاب میں جناب امت شاہ نے کہا کہ آج گاندھی نگر لوک سبھا حلقے میں 1052 کروڑ روپے کے بقدر ترقیاتی کاموں کو وقف کیا گیا اور افتتاح کیا گیا ۔ یہ کام حکومت ہند اور گجرات سرکار نے مل کر کیے ہیں۔انہوں نے گاندھی نگر کے لوک سبھا حلقے میں ان سبھی ترقیاتی کاموں کے لیے وزیراعظم جناب نریندرمودی اور وزیراعلیٰ بھوپیندر پٹیل کا دل کی گہرائیوں سے شکریہ ادا کیا۔جناب شاہ نے کہا کہ آج 792 کنبوں نے خود اپنے مکانات حاصل کیے۔اس موقع پر انہوں سبھی کنبوں کے لیے نیک خواہشات کااظہارکیااور دعاکی کہ اپنے نئے مکانوں میں ان کنبوں کے ارکان کی زندگیاں خوشیوں، امن اور خوش حالی سے گزریں۔

داخلی امور اور امداد باہمی کے مرکزی وزیر جناب امت شاہ نے کہا کہ ریوابائی جنرل اسپتال اور سیٹھ این این پبلک اسپتال ایسے اسپتال ہیں، جن کا مقصد منافع کمانا نہیں ہے۔آج ریوا بائی جنرل اسپتال کی تزئین نو کے کام کا آغاز ہوگیا ہے۔اسی طرح سیٹھ این این پٹیل پبلک کالج کی نئی 6 منزلہ عمارت کے لیے سنگ بنیاد رکھنے کی تقریب اور پورے اسپتال کی تعمیر نوکا کام بھی شروع ہوگیا ہے۔انہوں نے کہا کہ 50-25 سالوں تک کسی تنظیم کو چلانا بہت مشکل کام ہے اور ایک سرکاری اسپتال کو چلانا سب سے زیادہ مشکل کام ہے۔اس اہم ذمہ داری کے لیے اسپتال کے ٹرسٹیوں کو مبارک باد دیتے ہوئے، جناب شاہ نے ان پر زور دیا کہ وہ اس اسپتال کو پردھان منتری آیوشمان یوجناکے دائرے میں لے کر آئیں، تاکہ غریب ترین افراد بھی پیسے کے بغیر بھی اپنا علاج معالجہ کراسکیں۔ انہوں نے کہا کہ اس اسپتال کے درجے کو بہتر بناکر اور پردھان منتری آیوشمان یوجنا کے تحت اندراج کراکر وزیراعظم جناب نریندرمودی غریب عوام کے اسپتال میں علاج کے اخراجات کی رقم فراہم کریں گے۔

گاندھی نگر کی 150 آنگن واڑیوں میں جی آئی ایچ ای ڈی سی آر ای ڈی اے آئی کے ذریعے شروع کیے گئے کھلونوں کی تقسیم سے متعلق پہل قدمی قابل تعریف ہے، یہ پورے خطے کے غریب بچوں کے چہروں پر مسکراہٹ لائے گی۔ جناب شاہ نے آج جی یو ڈی اے کے ذریعے نوتعمیر شدہ باغ کا افتتاح کیا اور اسے عوام کے لیے وقف کیا،اس باغ میں بچوں کے ساتھ ساتھ بزرگ افراد تک کے لیے سبھی سہولتیں دستیاب ہیں۔ اس قسم کے مزید کئی باغ پورے خطے میں تعمیر کیے جارہے ہیں، یہ مقامی لوگوں میں صحت کے بارے میں بیداری پیدا کرنے کے ساتھ ساتھ ماحولیات کے تحفظ کے احساس کو بھی فروغ دیں گے۔ جناب شاہ نے کہا کہ آج گاندھی نگر لوک سبھا حلقے میں کنکٹی ویٹی میں اضافہ کرنے کی غرض سے بہت سی سڑکیں تعمیر کی جارہی ہیں۔جناب امت شاہ نے اپنے لوک سبھا حلقے میں رندھیجا سے بلواتک 4 لین والی سڑک کوچوڑاکرنے کے کام کا سنگ بنیاد بھی رکھا۔

*************

ش ح ۔ ع م۔ ج ا

U. No.8312