প্রধান মন্ত্রী শ্রী নরেন্দ্র মোদীনা শাগৎচখিবা ৱাখল্লোন্দা য়ুম্ফম ওইবা জল জীবম মীসন অসিনা হকশেলগী ফীভম ফগৎহনবা অমসুং থবক ফংহনবা য়াওনা মীওই কয়াদা কান্নবা ফংহল্লে। ইন্তরনেস্নেল লেবর ওর্গনাইজেসন (ILO) গী তেক্নিকেল সপ্পোর্তকা লোয়ননা IIM বেঙ্গলোরনা পাংথোকখিবা স্তদী অমগী মতুং ইন্না জল জীবন মীসন (JJM) গী মখাদা হকথেংননা অমসুং নাকোইননা থবক পীবা য়াবগী মতাংদা অকুপ্পা মরোল পীখ্রে। স্তদী অসিগী ঙসি ফোঙখিবা রিপোর্ত অসিনা চহিদা মীওই করোর 2.82 থবক ফংহনবা য়াবগী ওইথোকপগী মতাংদা ফোঙখ্রে।

চহিদা মীওই করোর 2.82 থবক পীবা য়াবগী ওইথোকপা অসিগী মনুংদা JJM কন্সত্রক্সন ফেজগী মনুংদা হকথেংননা চহিদা মীওই লাখ 59.93 থবক পীবা অমসুং মেতরিএলশিং হায়বদি পাইপ, ভাল্প, পম্পনচিংবশিং শাবদা মেনপাৱরশিং নেকপগী খুত্থাংদা নাকোইননা চহিদা অহেনবা মীওই করোর 2.22 থবক পীবা য়াওরি। চহিদা চাদা 40% হকথেংননা থবক পীবা হায়বদি 23.8 লাখ অসিগী মনুংদা ইঞ্জিনিয়র, মেনেজর, প্লম্বর, ইলেক্ত্রিসিয়ন, মোতর মেকানিক অমসুং কেমিস্তশিং নেকপা য়াওরি। অহেনবা চহিদা লাখ 11.84 থবক পীবা অসিনা চহি খুদিংগী ওপরেসন অমসুং মেন্তেনেন্স (O&M) ফেজগী মনুংদা থবক পীবনি।

IIIM-B মখাদা পব্লিক পোলিসীগী সেন্তর অসিনা পীবা ‘এসেসমেন্ত ওফ ইম্প্লোইমেন্ত পোতেন্সিএল ওফ জল জীবন মীসন’গী রিপোর্ত অসিদা কন্সত্রক্সনগী খুত্থাংদা হকথেংননা থবক পীবা, মসিগী মরী লৈননা ত্রান্সপোর্তেসনগী থবক, পাইপ ৱাতর সপ্লাই সিস্তেমশিংগী ওপরেসন অমসুং মেন্তেনেন্সকী মতম শাংনা থবক পীবা য়াওনা JJM ইম্প্লিমেন্তেসন তৌবগী তাঙ্ককশিংদা থবক কয়ামরুম পীবা য়াবগী ওইথোকপা লৈ অমসুং লৈবাক অসিগী জন জীবন মীসনগী ফ্লেগশীপ ইনিসিএতিব অসিগী মনুংদা লৈবাক অসিগী অচৌবা এসেতশিং শেম্বা ঙম্লগনি।

মিসন অসিগী মখাদা তৌখিবা ইনভেস্তমেন্তনা পব্লিক এসেৎশিং শেম্বা ঙমহল্লি, হকথেংননা, নাকোইননা থবক পীখি অমসুং ইন্দ্যুস ইফেক্তশিং পীখি। হকথেংননা পীনবা কান্নবশিংদা ইনফ্রাস্ত্রকচর প্রোজেক্ত অমা শেমগৎপা অমসুং O&M ফেসশিংদা থবক পীখি অমরোমদা শারিঙৈ লোয়ননা O&Mগী তাঙ্ককশিংদা শীজিন্নবা মেতরিএলশিং পুথোকপা, স্তোরেজ অমসুং পুথোক-পুশিন তৌবা অমসুং মেতরিএলশিংদা শীজিন্নবা ইনপুৎশিং পুথোকপদা নাকোইননা থবক পীখি। ইন্দ্যুস এমপ্লোইমেন্ত অসি ইনফ্রাস্ত্রকচর শীজিন্নবগী কান্নবশিংনা মরম ওইদুনা পব্লিক ইনফ্রাস্ত্রকচর প্রোবিজিসন মতুংদা ফংহল্লি।

মেক্রো অমসুং মাইক্রো এপ্রোচ অনিমক অসি ইন্দস্ত্রীশিং লোয়ননা রাজ্যশিংদা থবক পীনবা ইনভেস্তমেন্তশিং তৌবগী ইমপ্লিকেসনশিং খঙনবা স্তদীদা শীজিন্নখি। ইন্দস্ত্রীশিংদা থবক পীনবা ইমভেস্তমেন্ত তৌবগী কান্নবশিং খঙদোক্নবা মেক্রো এপ্রোচতা ইনপুৎ-আউৎপুৎ মোদেল অসি শীজিন্নখি অমরোমদা মাইক্রপ এপ্রোচতা তোঙান-তোঙানবা রাজ্যশিংদগী লোইশিনখ্রবা JJM স্কিমশিংগী সেম্পল দেতা খোমগৎখিবা অদু শীজিন্নদুনা প্রোজেক্তশিংগী শাবা মতমদা হকথেংননা থবক পীখিবা অমসুং O&M ফেসশিং খঙদোকখি।

প্রধান মন্ত্রীনা ওগস্ত 2019দা লাউথোকখিবা জল জীবন মিসন্না খুঙ্গংগী য়ুমথোং খুদিংদা তোতি ঈশিংগী কন্নেক্সন ফংহন্নবা পান্দম থম্মি। মিসন অসিনা মতিক চাবা ক্বান্তিতী, অপীবা ক্বালিতী অমসুং চাং নাইনা অমদি মতম শাংনা সপ্লাইশিং তৌবা ঙম্নবা থক্নবা ঈশিংগী সর্ভিস দেলিবরীদা মীৎয়েং চংখি। মিসন অসি মমাংদা অমুক্তা ওইখিদ্রিবা খোঙজেল অমসুং চাংদা ইমপ্লিমেন্ত তৌখি। চহি 4গী অতেনবা মতমগী মনুংদা তোতি ঈশিংগী কবরেজ অসি 2019দা মিসন হৌদোকপা মতমদা য়ুমথোং করোর 3.23 (17%) ওইরম্বদগী য়ুমথোং করোর 12.77 (65.81%) হেন্না হেনগৎহনখি। চপ মান্নবা মতমগী মনুংদা আর্সেনিক অমসুং ফ্লোরাইদনা শোকহল্লবা মফমশিংদা অফবা থক্নবা ঈশিং ফংদবগী সমস্যাশিং মপুং ফানা কোকহনখি।

ভারতকী খুঙ্গংদা লৈরিবা প্রজাশিংগী পুন্সিদা JJMনা পীরিবা কান্নবশিংগী মতাংদা হন্দক্তা ফোঙখিবা ফাইন্দিংশিং অদুগী মসিনা অহুমশুবা সিরিজ ওইরি। নোবেল লোরিএৎ প্রোফেসর মাইকেল কেমেরনা হন্দক্তা ফোঙখিবা মহাক্কী ফাইন্দিংশিংনা অফবা থক্নবা ঈশিং ফংবনা অঙাং লাখ 1.36 (চহি  5গী মখা) শীবদগী কনবা ঙম্বগী পোতেন্সিএল লৈ মসিনা লৈবাক অসিগী চাইল্দ মোর্তেলিতী রেৎশিংদা শরুক অহুম থোকপগী অকনবা হন্থহনবা ঙমখি হায়না উৎলি। WHOনা পব্লিক হেল্থতা JJMনা পীরিবা কান্নবগী ফাইন্দিংশিংগী মতাংদা হায়খি মদুদি তোতি ঈশিংগী সপ্লাইশিংগী কবরেজ 100% তৌবনা দাইরিয়ানা শীহনবা লাখ 4 হেন্না ঙাকথোকপা ঙমহন্দুনা মসিনা থোকহল্লকপা য়াবা DALY (দিসএবিলিতী এদজস্তেদ লাইফ ইয়র্স) মিলিয়ন 14দা চাদিং তৌগদবা লুপা করোর লাখ 8 হেন্না তুংশিনবা ঙমহল্লি। WHOনা হায়খি তোতি ঈশিংগী কবরেজ 100% তৌবদা নুমিৎ খুদিংগী মীয়ামনা মরু ওইনা নুপীশিংনা পুং করোর 6.6 মাংহনদবা ঙমহল্লি হায়না ফোঙদোক্লি, হায়রিবা মতম অসি নোংমগী তঙাই ফদবা ঈশিং শোকপদা নুপীশিংনা কাইথোকপা মতমনি।

প্রধান মন্ত্রীনা ভারতকী মীয়ামগীদমক ইজ ওফ লিবিং হেনগৎহন্নবা মঙখিবা মঙলানগী পরিং মখাদা জল জীবন মিসন্না লম কয়ামরুমদা মীয়ামদা কান্নবা পীরি। মসিনা হাউসহোল্দ লেবেলদা তোতি ঈশিং ফংহন্দুনা খুঙ্গংদা পুন্সি মহিংগী মওংদা অওনবা পুরকপা খক্তা নত্তনা মীয়ামগীদমক মরু ওইনা নুপীশিংদা হেন্না ফবা হকশেল অমসুং শেন্মীৎলোনগী খুদোংচাবশিং পীদুনা কান্নবশিং পীরি। JJMগী মখাদা থবক চাউনা পীবনা শেন্মীৎলোনদা শাহৌ হেন্না লৈহল্লি।

****

(Release ID: 1947639) Visitor Counter : 94