মেঘলায়গী ত্রেদিস্নেল ভিলেজ দর্বারগুম্বা ইন্সতিত্যুসনশিংনা মেঘালয়গী খুন্নাই অমসুং শেন্মিৎলোন্দা অকোয়বগী ফিভম ঙাক শেনবগা লোয়ননা সস্তেনেবল ওইবা থৌওংশিংগী মতাংদা এৱিয়র্নেস কয়া পীদুনা মরু ওইবা থৌদাং য়ারি। অশেংবা মফম্নি খন্নবা উমং ঙাক শেনবা, উমংগুম্বা মহৌশাগী পোত্থোকশিংবু কা-হেন্না শিজিন্নথোকপা থিংবা; ইফুৎ অমসুং অতোপ্পা ঈশিং থোকফমশিংবু ৱাখল তানা শেন্নবা, চৎনবীগী মতুং ইনবা কাঙলোনশিংনা লম্লক্কী শা হাৎপা থিংবগুম্বা নাৎকী ওইবা চৎনবীশিংনা ইকোলোজী ঙাক শেনবদা মতেং য়াম্না পাংলি।

মেঘালয় সরকারনা ৱাইল্দলাইফ (প্রোতেক্সন) এক্ত, 1972গী মখাদা অশেংবা মফম্নি খন্নবা উমং কয়া অমবু কম্ম্যুনিতী রিজর্ব হায়না হান্ননা লাউথোকখ্রবনি। মসিদা নত্তনা, ৱাইল্দলাইফ হেবিতেতশিংবু মপুং ওইনা চাউখৎহনবগী কেন্দ্রনা শেন্থং পীথবা স্কিম অমসুং সরকারগী কম্পেন্সেতরী এফোরেস্তেসন ফন্দ মেনেজমেন্ত এন্দ প্লান্নিং ওথোরিতী (CAMPA)না খুন্নাইশিংদা পুন্সি মহিং তানবগী অতোপ্পা খুদোংচাবা কয়া পীদুনা চাউখৎ থৌরাং পুরকখ্রবনি।

মেঘালয়গী লোকেল কম্ম্যুনিতী অমসুং ত্রেদিস্নেল ইন্সতিত্যুসনশিং অসিনা রাজ্যসিগী ত্রাইবেলগী মফমশিংদা দিভেলপমেন্ত লৈহন্নবগীদমক্তা থৌরাং য়াৎপা, ভিলেজ ইমপ্লোয়মেন্ত কাউন্সিলদা তেংবাংবা, সরকারগী তোঙান-তোঙানবা প্রোগ্রামশিংগী বেনেফিশরী মশক খঙদোকপা, খুন্নাইগী অহাঙবা লমশিংবু প্রোজেক্ত শেমগৎনবগীদমক্তা ফংহনবা, কম্ম্যুনিতী রিজর্ব ঙাক শেনবনচিংবা থবক-থৌরম কয়াদা হান্নদগী শরুক য়াদুনা লাক্লবনি।

ৱাফম অসি কেন্দ্রগী দোনর মন্ত্রী, শ্রী জি. কিশন রেদ্দীনা ঙসি রাজ্য সভাদা অইবা পাউখুম ওইনা পীখিবনি।

*****

(Release ID: 1947635) Visitor Counter : 114