ప్రధాన మంత్రి ఖనిజ్ క్షేత్ర కళ్యాణ్ యోజన (పీఎంకేకేకేవై) కింద కేంద్ర ప్రభుత్వం అధిక ప్రాధాన్యత గల ప్రాంతాలు మరియు ఇతర ప్రాధాన్యతా ప్రాంతాలను గుర్తించింది. ప్రధాన మంత్రి ఖనిజ్ క్షేత్ర కళ్యాణ్ యోజన (పీఎంకేకేకేవై) మార్గదర్శకాల ప్రకారం..  జిల్లా మినరల్ ఫౌండేషన్‌లకు (డీఎంఎఫ్లు) కనీసం 60% నిధులను అధిక ప్రాధాన్యత గల ప్రాంతాలపై ఖర్చు చేయాలని ఆదేశాలు జారీ చేయబడ్డాయి: (i) తాగునీటి సరఫరా; (ii) పర్యావరణ పరిరక్షణ మరియు కాలుష్య నియంత్రణ చర్యలు; (iii) ఆరోగ్య సంరక్షణ; (iv) విద్య; (v) స్త్రీలు మరియు పిల్లల సంక్షేమం; (vi) వృద్ధులు మరియు వికలాంగుల సంక్షేమం; (vii) నైపుణ్యాభివృద్ధి (viii) పారిశుధ్యం మరియు 40% వరకు ఇతర ప్రాధాన్యతా రంగాలపై: (i) భౌతిక మౌలిక సదుపాయాలు; (ii) నీటిపారుదల; (iii) శక్తి మరియు పరీవాహక అభివృద్ధి; మరియు (iv) మైనింగ్ జిల్లాలో పర్యావరణ నాణ్యతను పెంపొందించడానికి తీసుకునే ఇతర చర్యలు
ఎంఎండీఆర్ చట్టం, 1957లోని సెక్షన్ 15(4) ప్రకారం..

15(4) సబ్-సెక్షన్లు (1), (2) మరియు సబ్-సెక్షన్ (3) ప్రకారం పక్షపాతం లేకుండా, రాష్ట్ర ప్రభుత్వం నోటిఫికేషన్ ద్వారా, ఈ చట్టంలోని నిబంధనలను ఈ క్రింది వాటి కోసం నియంత్రించడానికి నియమాలను రూపొందించవచ్చు అవి:-

(ఎ) సెక్షన్ 9బి లోని సబ్-సెక్షన్ (2) కింద మైనింగ్ ద్వారా ప్రభావితమైన వ్యక్తులు మరియు ప్రాంతాల ప్రయోజనాల కోసం జిల్లా మినరల్ ఫౌండేషన్ పని చేసే విధానం;

దీని ప్రకారం గుజరాత్ ప్రభుత్వం డీఎంఎఫ్ నిబంధనలను రూపొందించింది. గుజరాత్ డీఎంఎఫ్ రూల్ 2016, సెక్షన్ 16, సబ్-సెక్షన్ 4(a) ప్రకారం, రాష్ట్రం అధిక-ప్రాధాన్య ప్రాంతాలు మరియు ఇతర ప్రాధాన్యతా ప్రాంతాల గుర్తింపుకు సంబంధించి ప్రధాన మంత్రి ఖనిజ్ క్షేత్ర కళ్యాణ్ యోజన (పీఎంకేకేకేవై) యొక్క నిబంధనను రూపొందించింది.  గుజరాత్‌లోని అధిక ప్రాధాన్యత గల ప్రాంతాలు మరియు ఇతర ప్రాధాన్యతా ప్రాంతాలలో పనుల వివరాలు అనుబంధంగా జతచేయబడ్డాయి.

***