ٹیکنالوجی ڈویلپمنٹ بورڈ نے آج ‘‘کچرے سے پاک شہروں کی جانب ٹیکنالوجی کی مداخلت’’ کے اقدام کے تحت دوسرے معاہدے پر دستخط کیے ہیں۔ ٹی ڈی بی نے ای ویسٹ، جیولرز ویسٹ، اور آٹوموبائل کیٹالسٹ ویسٹ سے قیمتی دھاتوں کی بازیافت کے واسطے ایک مربوط پلانٹ کی ترقی کے لیے میسرزالکیمی ری سائیکلرز پرائیویٹ لمیٹڈ، گجرات کے ساتھ ایک معاہدے پر دستخط کیے ہیں۔بورڈ نے 1.90 کروڑ روپے کی کل پروجیکٹ لاگت میں سے 1.14 کروڑ روپے کی امداد فراہم کرنے پر اتفاق کیا ہے۔

ٹیکنالوجی مداخلت پہل کا مقصد ایسی تجاویز کی حوصلہ افزائی کرنا ہے جو نہ صرف ہندوستانی شہروں سے کچرے کو ختم کریں گی بلکہ فضلے سے دولت پیدا کرنے کے لیے تکنیکی مداخلتوں کو بھی استعمال کریں گے۔ وزیر اعظم کے ویژن سے تحریک لیتے ہوئے، سوچھ بھارت مشن: اربن 2.0 کا مقصد ہمارے تمام شہروں کو کچرے سے پاک بنانا اور صفائی پر زور دینا ہے، ٹیکنالوجی ڈیولپمنٹ بورڈ (ڈی ایس ٹی، حکومت ہند کا ایک قانونی ادارہ) نے ہندوستانی کمپنیوں سے کچرے کے انتظام سے متعلق میدان میں کاروباری  لین دین کے مرحلے پر جدید دیسی ٹیکنالوجیز کے استعمال کے لئے درخواستیں طلب کی ہیں۔

اس موقع پر بات کرتے ہوئے، ٹی ڈی بی کے سکریٹری، جناب راجیش کمار پاٹھک نے کہا،‘‘ٹیکنالوجی ڈیولپمنٹ بورڈ’’ کی کوڑا کرکٹ سے پاک شہروں کی طرف ٹیکنالوجی کی مداخلت’’ کی تجاویز کو ملک بھر کی ہندوستانی کمپنیوں کی طرف سے زبردست ردعمل ملا۔ان کمپنیوں نےایک صاف ستھرا اور زیادہ پائیدار مستقبل بنانے کے لیے اپنی وابستگی  اور جوش و خروش کا مظاہرہ کیا ہے۔بورڈ کو کچرے کے انتظام سے متعلق میدان (ویسٹ مینجمنٹ ڈومین) میں کاروباری لین دین کے مرحلے پر کچرے سے پاک ہندوستان کے وژن کو حاصل کرنے کے لئے جدید اور دیسی ٹیکنالوجیز کی وسیع تر اور مختلف  تجاویز موصول ہوئی۔’’

کمپنی نے پروسیسنگ کے لیے اپنے جدید طریقہ کار کو استعمال کرتے ہوئے ای ویسٹ، جیولری ویسٹ، اور کار کیٹالسٹ ویسٹ سے قیمتی دھاتوں کی بازیافت کے لیے ایک مربوط پلانٹ تیار کیا ہے۔ جب مذکورہ فضلے کو ایک منفرد تناسب یا امتزاج میں ملایا جاتا ہے تو بحالی کا تناسب نمایاں طور پر بڑھ جاتا ہے۔اس کے علاوہ، بعض نجاستیں بہاؤ کا کام کرتی ہیں، بحالی کے عمل میں مدد کرتی ہیں۔ انہوں نے قیمتی دھاتوں جیسے سونا، چاندی، پیلیڈیم، پلاٹینم، اور روڈیم کو ان تینوں کچرے کے امتزاج سے  ٹی پی اے750 کی نصب صلاحیت پر بازیافت کرنے کی تجویز پیش کی ہے۔

یہ جدید طریقہ کار نہ صرف قیمتی دھاتوں کی بازیابی کے تناسب کو بڑھاتا ہے بلکہ فضلے کے انتظام کے لیے ایک پائیدار حل بھی پیش کرتا ہے۔ ان تین قسم کے فضلے سے قیمتی دھاتوں کو مؤثر طریقے سے نکال کر، یہ کان کنی کے روایتی طریقوں سے منسلک ماحولیات پر پڑنے والے مضر اثرات کو کم کرتا ہے۔ مزید برآں، نجاست کا بہاؤ کے طور پر استعمال نہ صرف بحالی کے عمل کو بہتر بناتا ہے بلکہ اضافی کیمیکلز کی ضرورت کو بھی کم کرتا ہے، جس سے یہ ایک سرمایہ کاری مؤثر اور ماحول دوست طریقہ بن جاتا ہے۔

الیکٹرانک فضلہ کی تجارت کا انتظام بنیادی طور پر غیر رسمی ذرائع سے کیا جاتا ہے، جس سے ماحولیاتی خطرات، حکومتی ٹیکس اور وسائل کی کمی ہوتی ہے۔ پروجیکٹوں کا مقصد اس مسئلے کو کم کرنا اور مؤثر لاگت سے کچرے کو جمع کرنے کے لیے سرکلر اکانومی ماڈلز کو فروغ دینا ہے۔ پروسیسنگ کی مجوزہ صلاحیت ٹی پی اے750 ہے، جو ہندوستانی بازار کا 0.0187فیصد ہے۔ عالمی سطح پر ای فضلہ کے حجم میں اضافہ متوقع ہے، جس سے مقامی اور عالمی سطح پر پروجیکٹ کے قابل عمل ہونے کی صلاحیت کو اجاگر کیا جائے گا۔

*************

ش ح۔ ش ت ۔م ش

(U-8035)

(Release ID: 1946392) Visitor Counter : 98