نوجوان اذہان نے کرہ ارض کے مشکل ترین امتحان میں مقابلہ کرکے اپنی صلاحیت کا لوہا منوایا ہے۔ جب میں سول سروسز ڈے پر خطاب کر رہا تھا، میں نے اس بات کی نشاندہی کی تھی کہ ہندوستانی ترقی کی کہانی وزیر اعظم اور ان کی ٹیم کے وژن سے تشکیل پا رہی ہے۔ لیکن اسے سول سروس کی ذہانت، لگن اور سمتاتی نقطہ نظر سے انجام دیا جا رہا ہے۔ اس لیے آپ کو ان تاریخی کامیابیوں اور کارناموں کے لیے سراہا جانا چاہیے جو ہماری قوم نے اب تک درج کیے ہیں۔ آپ کو یہ جان کر خوشی ہو گی کہ حالیہ برسوں میں اس بات کو یقینی بنانے کے لیے ایک پہل کی گئی ہے کہ آپ کے فیصلہ سازی کا عمل آپ کے فکری فیصلے کے مطابق ہو اور  بدعنوانی کی روک تھام کے ایکٹ میں ایک ایسی شق کو متعارف کرایا گیا ہے جو آپ کو  متاثر کرتی ہے۔

میں آپ کو بتا سکتا ہوں، آپ میں سے ہر ایک کے پاس پبلک سیکٹر، پرائیویٹ سیکٹر کے انتخاب کا اختیار تھا۔ آپ میں سے ہر ایک بڑے مالیاتی پیکٹ کے لیے ملک میں یا باہر سروس لے سکتا تھا۔ لیکن آپ کو یہاں اپنی قوم کی خدمت کرنے کا جو موقع ملتا ہے، آپ اربوں سے زیادہ لوگوں کی زندگیوں میں تبدیلی لاتے ہیں، وہ کہیں اور نہیں ملتا۔ ایک لحاظ سے آپ کا اس عہدے پر ہونا آپ کی قربانی کا مظہر اور عکاس ہے۔ لیکن میں آپ کو بتاتا چلوں کہ آپ کو جو بھی پیکیج ملا ہو، جس فخر، اطمینان، احترام کا احساس جو آپ کے والدین کو تھا، جو آپ کے دوستوں کے پاس تھا جب آپ سول سروسز میں منتخب ہوئے تھے، اس کا موازنہ کرنا مشکل ہے۔

میری جانب سے  آپ کو مبارک باد اور میں آپ کو بتاؤں گا کہ آپ امرت کال میں ہیں۔ آپ اس ملک کی تقدیر کو تشکیل دیں گے –  یہ ملک 2047 میں کیا شکل اختیار کرے گا جب ہم اپنی آزادی کی صد سالہ جشن منائیں گے۔ شروع میں، میں نے آپ کو، آپ کی قربانیوں، چیلنجوں اور شراکت کا اشارہ کیا ہے۔ آئی آر ایس کے 76 ویں بیچ کے تمام ٹریننگ دینے والے افسران کو آپ کے انڈکشن ٹریننگ کے پہلے ماڈیول کو مکمل کرنے پر مبارکباد دیتا ہوں۔

یہ تربیت آسان تربیت نہیں ہے۔ یہ آپ کو دنیا کا سامنا کرنے کے لیے تیار کرتا ہے اور آپ کا شعبہ سرکردہ محکموں میں سے ایک ہے جو نہ صرف بڑی تبدیلی میں اپنا تعاون پیش کر رہا ہے بلکہ خود کو تبدیل کر چکا ہے۔ سی بی ڈی ٹی کے چیئرمین  نے درست فرمایا اور میں اس کا گواہ ہوں کہ میرا چارٹرڈ اکاؤنٹنٹ کبھی بھی اتنا پر سکون نہیں تھا جیسا کہ وہ اس بار تھا۔ میں اب بھی سینئر وکیل ہونے کا بوجھ اٹھاتا ہوں اور ادائیگیاں تاخیر سے ہوتی رہتی ہیں۔ میں نے اس سے کہا کہ مجھے ان معلومات کی ایک چیک لسٹ دے جو مجھے آپ کو دینی ہے۔ مجھے آپ کو یہ بتاتے ہوئے خوشی ہو رہی ہے کہ اس نے کہا کہ آپ کو کچھ نہیں کرنا ہے۔ تمام معلومات کو ضم کر دیا گیا ہے اور اس طرح سب سے بڑی جمہوریت میں شفافیت اور احتساب کا نفاذ ہوتا ہے۔ جب آپ ان کو کہتے ہیں تو یہ الفاظ آسان اور عمل کرتے وقت مشکل ہوتے ہیں۔ آپ کے محکمے نے اس پر عمل کیا ہے اور مجھے یقین ہے کہ آپ میں سے ہر ایک عام  لوگوں میں اعتماد پیدا کرنے کے لیے اسی انداز میں کام کرے گا۔ ایک وقت تھا جب آئی ٹی ڈیپارٹمنٹ کی جانب سے ایک نوٹس خوف و ہراس پھیلا دیتا تھا لیکن اب  حالات مختلف ہیں۔ آپ نے اپنے ٹیکس دہندگان کو اس ملک کی ترقی کی تاریخ میں ایک حصہ دار کے طور پر لیا ہے اور یہ آپ کے بزرگوں کی وجہ سے ہے اور آپ یہ  کرتے رہیں گے۔ میں نے اس انسٹی ٹیوٹ کی ایک مختصر سی جھلک دیکھی ہے۔ اور کہا جاتا ہے کہ اگر ایک چاول دیکھ لیتے ہیں   تو اس سے پتہ چل جاتا ہے ، اسی طرح سے  آپ ایک شاندار ماحول میں ہیں جو آپ کو اپنی توانائی کو مکمل طور پر بروئے کار لانے کی اجازت دے گا۔ آپ ڈائریکٹر اور اس کی ٹیم کی رہنمائی اور سرپرستی میں اپنی صلاحیتوں اور لیاقتوں سے فائدہ اٹھا سکتے ہیں۔ میں آپ سے ایک اپیل کروں گا اور یہ وہ  ایک منتر ہے جو میں آپ کو دے رہا ہوں جو آپ کی زندگی کو موزوں بنائے گا۔ آپ اپنے بیچ کے ساتھیوں کے ساتھ ہمیشہ رابطے میں رہیں۔ یہ رابطہ آپ کو مزید امرت بخشے گا۔ ایک بار جب آپ اپنی 40 اور 50 کی دہائی میں ہوں گے تو آپ کو اس کی اہمیت کا احساس ہو جائے گا۔ اور یہ آپ کو پورے ملک میں فعال بنا دے گا۔ بیچ میٹ کا یہ تصور بہت زیادہ اختراعی اور نتیجہ خیز ہے، لہذا اس پر یقین رکھیں۔

میں یہ نہیں کہوں گا کہ آپ سے کیا توقع کی جاتی ہے، لیکن کاروباری کام، ذاتی لین دین، ذاتی مالیاتی رویے میں آپ کے فعال ہوئے کے بغیرکوئی  ایمانداری نہیں ہو سکتی اور اس عمل میں آپ کو ہر ٹیکس دہندہ کو ترقی میں شراکت دار بنانے کا دباؤ برداشت کرنا پڑے گا۔

ہماری ٹیکس کی ٹوکری کو بڑھنا ہے کیونکہ آپ جو کچھ بھی جمع کرتے ہیں وہ قوم کی تعمیر کے لیے  ہوتا ہے۔ لیکن اس سے بھی اہم بات یہ ہے کہ ہر وہ ٹیکس جو آپ اکٹھا کرتے ہیں اور اپنے ٹیکس نیٹ میں ایک نیا شخص حاصل کرتے ہیں، وہ شخص بڑھتا ہوا چلتا ہے۔ میں آپ کو بتاتا ہوں کہ کچھ جبر کا طریقہ کار بھی ہے۔ اور جب آپ اس زبردستی کے عمل کو استعمال کرتے ہیں، تو اس مخصوص کاروباری گھر کی ترقی بڑھتی ہوئی رفتار پر ہوتی ہے۔ ترقی ہندسی نہیں بلکہ اس سے کہیں زیادہ ہے۔ اس کی وجہ یہ ہے کہ فطری طور پر کوئی بھی غلطی نہیں کرنا چاہتا ہے۔

ہمارے ملک میں سب سے بڑا مسئلہ یہ ہے کہ ہم نظام کے تحت کام کرنے پر یقین نہیں رکھتے۔ کچھ سب سے زیادہ ترقی یافتہ ممالک جیسا کہ وہ دنیا میں جانے جاتے ہیں، ان کا نظریہ معمولی ہے۔ ہندوستانی ذہن کی ذہانت بے مثال، بے  نظیر ہے۔ پوری دنیا اس کا فائدہ اٹھا رہی ہے۔ لیکن جہاں ہم ہارتے ہیں، ہم ہار جاتے ہیں کیونکہ ہم اپنے کام میں منظم نہیں ہوتے۔ میں ایک سادہ سی مثال پیش کروں گا کہ بیرون ملک دورے پر جانے والے کسی ہندوستانی نے کبھی گاڑی سے کیلے کا چھلکا نہیں پھینکا ہے۔ لیکن جب وہ ہمارے ملک میں آتا ہے تو سوچتا ہے کہ یہ اس کا حق ہے۔ لیکن وزیر اعظم نے سوچھ بھارت ابھیان کی شکل میں ایک بڑا قدم اٹھایا۔ لوگوں نے شروع میں سوچا کہ یہ کیا ہے؟ لیکن اب ہم فرق دیکھتے ہیں۔ یہ بالکل مختلف قسم کی ذہنیت ہے۔ میں اس دن کا منتظر ہوں جب ہم ہندوستانی سڑکوں پر نظم و ضبط پر توجہ مرکوز کریں گے۔ ایک بار جب ہم یہ کر لیں تو قابل ذکر کامیابی ملے گی ۔

جناب نتن گڈکری نے شاہراہوں کے وزیر کی حیثیت سے ہمارے ملک کو عملی طور پر ایک اعلیٰ مقام پر پہنچا دیا ہے۔ اب ہمارے پاس عالمی معیار کی شاہراہیں ہیں۔ لیکن ہمیں نظم و ضبط میں رہنا سیکھنا ہوگا۔ ایک بار جب ہم نظم و ضبط کی عادت ڈالیں گے تو حالات بہت مختلف ہوں گی۔ ہمارے ملک کی ترقی اس وقت اس سطح پر ہے کہ کوئی بڑی معیشت ہمارا مقابلہ نہیں کر سکتی۔ اور مجھے یقین ہے کہ آپ کو فرق پڑے گا۔

نوجوان ذہن کے ساتھ تعامل ہمیشہ ہمارے لیے توانائی پیدا کرتا ہے، کیونکہ تازہ خیالات نوجوان ذہنوں سے نکلتے ہیں۔ وہ بے خوف ہوتے ہیں اور کچھ نیا کرنے کی صلاحیت، جھکاؤ اور اہلیت رکھتے ہیں اور مجھے یقین ہے کہ آپ میں سے ہر ایک دوسروں کے طرز زندگی کو تبدیل کرنے کی صلاحیت رکھتا ہے۔

لوگ آپ کو رول ماڈل کے طور پر دیکھتے ہیں۔ آپ خود کو فوری طور پر حاصل کرنے والے کے طور پر دیکھ سکتے ہیں۔ جس لمحے انہیں آپ کی خدمت اور آپ کے فیصلے کے بارے میں معلوم ہوتا ہے، وہ اس نتیجے پر پہنچتے ہیں، ہاں، وہ شخص ذہانت، مسابقتی نقطہ نظر، صحیح رویہ سے مالا مال ہے اور اس ملک کی ترقی کی تاریخ کا جانباز سپاہی ہے۔

دوستو، جب آپ ملک کی مالی صحت کی دیکھ بھال کر رہے ہیں، ایک وقت تھا جب جسمانی صحت کا تعین ایکسرے سے ہوتا تھا، پھر سی ٹی ا سکین سے اس میں قدرے بہتری آتی تھی۔ یہ ایک اعلی سطح پر چلا گیا، ایم آر آئی. گروپ اتنا متوازن ہے کہ آپ میں سے 25 لڑکیاں ہیں۔ میری ایک بیٹی ہے، اس لیے میں آپ کی مدد کے لیے حاضر ہوں۔

آپ کے چیئرمین کو اعداد و شمار کی تعداد کے لحاظ سے اکیلے محکمے میں لایا گیا ہے، اور یہ سب اس لیے کہ محکمہ میں آپ کے ساتھیوں نے یہ حصہ ڈالا ہے۔ آپ میں سے ہر ایک اس محکمے کا حصہ ہے جو کوٹیلیہ کے وضع کردہ نعرے کو برقرار رکھتا ہے، جس میں کہا گیا ہے، "کوشا مول ڈنڈہ" جس کا مطلب ہے، "خزانہ انتظامیہ کی جڑ ہے"۔ اگر کوئی قوم ترقی یافتہ ہے تو اس کے خزانے میں زیادہ ہے، اگر قوم کمزور ہے اس کا خزانہ ڈوب رہا ہے۔

جب میں 1989 میں پارلیمنٹ کے لیے منتخب ہوا تو مجھے ایک تکلیف دہ تجربہ ہوا۔ ہمارے زرمبادلہ کے ذخائر کم ہو کر 1 بلین امریکی ڈالر رہ گئے۔ جسمانی شکل میں، عالمی مالیاتی اداروں کے ساتھ اپنی ساکھ کو برقرار رکھنے کے لیے، سونا باہر بھیجنا پڑا۔ اور اب دوسرے دن میں نے دیکھا کہ ہمارے زرمبادلہ کے ذخائر 596 بلین ڈالر ہیں۔ یہ صرف اس لیے ہو رہا ہے کہ اب ہم اپنی قوم کو پہلے رکھنے کی راہ پر گامزن ہیں۔ آپ کی لگن، عزم اور محنت سے ملک کو حاصل ہونے والی آمدنی نے گورننس اور شہریوں پر مبنی پالیسیوں پر مثبت اثرات مرتب کیے ہیں۔

دوستو، آج مجھ سے درخواست کی گئی ہے کہ 'گورننس میں تبدیلی کے جوہر اور ضرورت' کے بارے میں اپنی رائے کا اظہار کروں۔ اور خوش قسمتی سے ہمارے ملک میں پچھلے نو سے دس سالوں میں، پالیسی سازی میں ایک مثالی تبدیلی آئی ہے اور پالیسی سازی نے کم حکومت، زیادہ گورننس کی  ایک شکل اختیار کر لی ہے ۔

جب میں مغربی بنگال کا گورنر تھا تو مجھے 10 گورنروں کے گروپ کا چیئرمین بنایا گیا تھا اور میری ٹیم میں میرے تمام ساتھی مجھ سے زیادہ تجربہ کار تھے، اس لیے واقعی مثبت رپورٹ دینے کے لیے میں نے عزت مآب وزیر اعظم سے نیتی آیوگ  کو دستیاب  کرانے کی درخواست کی ۔ میں اپنے ساتھیوں، بہت سینئر گورنروں کے ساتھ تفصیل سے بات کر سکتا ہوں۔ ہم نے نیتی آیوگ سے مدد لی اور ہم اس فارمولے پر پہنچے کہ ہمارے ملک میں جو کچھ بھی کرنا ہے اس میں ہمارے پاس غیر ضروری اقدامات ہیں۔ ایک فائل کے لیے 10 دستخطوں کی ضرورت ہوتی ہے۔ میں نے بطور گورنر اور راجیہ سبھا دونوں میں یہ بات ریکارڈ پر رکھی ہے کہ ایک فائل پر تین یا چار سے زیادہ لوگوں کے دستخط ہوں گے۔ ایک فائل ایک جگہ سے دوسری جگہ بغیر کسی وجہ کے جاتی ہے، بس وقت لگتا ہے۔ جب تبدیلی آتی ہے؛ یہ کچھ مسائل بھی اپنے ساتھ لاتی ہے، آپ کو اپنے ساتھیوں  کو بتانا ہوگا اور  ان کی ذہنیت کو تبدیل کرنا ہوگا کیونکہ وہ اس تبدیلی کے عادی نہیں ہوسکتے ہیں۔ میری عمر کے لوگ تکنیکی ترقی کے بارے میں اتنے باخبر نہیں ہوں گے۔ تو آپ کو اس شکل میں جانا پڑے گا۔ گورننس میں تبدیلی عوام کی فلاح و بہبود کے لیے اور مثبت انداز میں ہونی چاہیے۔ جیسا کہ پرانی کہاوت ہے، "صرف تبدیلی  ہی  متواتر ہے"۔ ایک وقت تھا جب شادی کے لیے وی سی آر  کی ضرورت پڑتی تھی، لیکن اب اس کو ردی والا بھی نہیں لیتا ۔ 90 کی دہائی کے آخر تک ملک میں ایک بہت بڑا ارتقاء ہوا، وہ ٹیلی فون بوتھ تھا۔ لیکن وہ اب موجود نہیں ہیں۔ تبدیلی! میرا تعلق اس دور سے ہے جب سوشل میڈیا نہیں تھا، ٹیلی ویژن نہیں تھا، انٹرنیٹ نہیں تھا، کمپیوٹر نہیں تھا، دستی ٹائپ رائٹر تھا۔ تبدیلی! ہمیں تبدیلی کے مطابق ڈھالنا ہوگا اور اچھی بات یہ ہے کہ اس تبدیلی میں ہمارا ہندوستان چھلانگ لگا رہا ہے اور دوسرے ہمارے پیچھے چل رہے ہیں۔ جب 130 کروڑ سے زیادہ آبادی والے ہندوستان کے اندر براہ راست منتقلی ہوتی ہے تو پھر کہا جاتا ہے کہ یہ ہمارے ملک میں کیسے ہوسکتا ہے۔ آج ملک میں کیا ہو رہا ہے اس کا علم عام شہری کو ہو جائے تو سینہ پھول جائے گا۔ آپ اندازہ لگا سکتے ہیں کہ یکم  اپریل 2020 سے آج تک 80 کروڑ سے زیادہ لوگوں کو حکومت کی طرف سے کھانا دیا جا رہا ہے۔ چاول، اناج، اور اعلیٰ معیار کے دالیں ایف سی آئی  کی جانب سے فراہم کی جا رہی ہیں۔

ہم پہلے کیا سوچتے تھے؟ اگر ایک گاؤں میں 1000 گھر ہوں، 2 گھروں میں بھی بجلی ہو گئی تو پورے  گاؤں میں بجلی ہوگئی ۔ اب ایسا نہیں ہے۔ کیا اب گاؤں کے 100فیصد گھروں میں بجلی ہو چکی ہے؟

میرے اطمینان کی سطح اس وقت تھی، جب جل جیون مشن  کے سکریٹری، اُپ -راشٹرپتی بھون آئے اور کہا کہ ہمارا مقصد یہ ہے کہ ہر گھر میں ایک نل ہو، اس نل کا پانی خالص، باقاعدہ اور معیاری ہو، تو میں نے سیکرٹری سے درخواست کی کہ مجھے میرے اپنے  گاؤں کی صورتحال کے بارے میں بتائیں؟ ایک افسر نے اٹھ کر مجھ سے میرے ضلع، بلاک اور گاؤں کے بارے میں پوچھا تو اس نے فوراً بتایا کہ 70فیصد گھروں میں نل اور جل ہیں۔

ہندوستان بدل رہا ہے۔ آپ اپنے گاؤں جا کر دیکھیں گے، آج کے دن  جو ماحولیاتی نظام میں تبدیلی آئی ہے اس  کا تصور بھی نہیں کر سکتے۔ اگر کسی کو ٹرین کا ٹکٹ چاہیے، پاسپورٹ کے لیے اپلائی کرنا ہے تو ہو جائے گا، پہلے بجلی کا بل جمع کرانے کے لیے چھٹی لینی پڑتی تھی کیونکہ وہاں قطار لگی ہوتی  تھی۔ اب ایسا نہیں ہے۔

سروس کی فراہمی رفتار کے ساتھ بالکل حیرت انگیز ہو گئی ہے۔ راجیہ سبھا نے نیا قانون تیار کیا ہے، صدرجمہوریہ  کے دستخط کے بعد اس میں کتنی سہولت ہو گی، جو ثالثی بل ہے، میں نے بہت گہرا مطالعہ کیا ہے۔ یہ کسی ایسے شخص کو جو بصورت دیگر بے بس ہے،  اسے امداد  فراہم  کرنے کا ایک پلیٹ فارم ہے۔  یہ معاشرے کے ایک بڑے طبقے کو جو کمزور ہے، اسے متاثر کرے گا ۔ اس سے قبل، زیادہ تر مجرموں کے لیے جو معمولی جرائم کے مرتکب ہوئے، تاخیر سے  مقدمہ دائر ہوا، یا غلط ڈیکلریشن  ہوگیا، ان کی سزا جیل تھی۔ 40 سے زائد ایکٹ میں تبدیلیاں کی گئی ہیں، اور جیل کا انتظام ختم کر دیا گیا ہے۔ یہ تبدیلی آنے والی ہے۔یہی ہماری قوم کو آگے لے جائے گی۔ یہ بہت پہلے ہو جانا چاہیے تھا، لیکن اب ہم صحیح راستے پر ہیں۔

بحران ہمیشہ ایک موقع ہوتا ہے، چیلنج ہمیشہ ایک موقع ہوتا ہے، اگر آپ کمزوری کا مظاہرہ کریں اور صحیح رویہ نہ دکھائیں تو چیلنج تشویشناک ہو جاتا ہے۔ لیکن جب آپ چیلنج کا سامنا کرنے کا فیصلہ کرتے ہیں، تو یہ ایک موقع بن جاتا ہے۔ چیلنج 1991 میں آیا اور ہم نے لبرلائزیشن کی، ترقی سست تھی، لیکن پھر 2014 کے بعد یہ سرپٹ دوڑ رہی ہے۔ میں سیاست میں اسٹیک ہولڈر نہیں ہوں۔ مجھے اس سے کوئی سروکار نہیں کہ سیاسی جماعتیں کیا کرتی ہیں، یہ ان کا کاروبار ہے۔ لیکن میں ملک کی اچھی حکمرانی میں اسٹیک ہولڈر ہوں۔ میں آپ کے ساتھ اسٹیک ہولڈر ہوں، لیکن آپ کا دعوی مجھ سے زیادہ ہے، کیونکہ میں نے اپنی پرائم  زندگی بسر کر لی ہے، لیکن آپ کو اپنا پرائم جینا ہے۔ اپنے پرائم رہنے کے لیے آپ کو زیادہ فعال ہونا پڑے گا۔ تو بڑی تبدیلی کیوں آئی؟ 30 سال سے ملک اتحادی حکومت کی غیر یقینی صورتحال اور خطرات کا مشاہدہ کر رہا تھا۔ 2014 میں، ملک کو ایک پارٹی کی حکومت ملی، 2019 میں  اسے تقویت ملی۔ کچھ لوگ اٹھ سکتے ہیں اور میرے اس بیان کی درست تناظر میں تعریف نہیں کرسکتے ہیں ، وہ کہیں گے کہ میں سیاسی باتیں کر  رہا ہوں۔ لیکن، میں شاندار ذہنوں کے سامنے ہوں، میں آپ کو صرف اتنا بتا رہا ہوں کہ آپ گورننس میں سب سے اہم اسٹیک ہولڈر ہیں۔ آپ کو اس بات کو یقینی بنانا ہو گا کہ ہمارے ملک کا عروج استحکام پر ہو، جس کے نتائج ہم نے زمین پر دیکھے ہیں وہ خواب میں بھی نہیں تھے۔

چند روز قبل جی-20کنونشن سینٹر کا افتتاح ہوا، اسے پارلیمنٹ کی نئی عمارت کی طرح 30 ماہ کی ریکارڈ مدت میں مکمل کیا گیا ہے ، صرف عمارتیں ہی نہیں بلکہ اس کے اندر بہت کچھ کیا گیا ہے  جس کا آپ تصور نہیں کر سکتے ہیں، تو بصیرت کی قیادت کے ساتھ عمل کرنے کی ہماری صلاحیت بے مثال ہے۔

ہندوستان کی معیشت عروج پر ہے، ہم پانچویں سب سے بڑی معیشت ہیں اب تیسری بڑی معیشت بننے کی راہ پر گامزن ہیں۔ اقتصادی ترقی بنیادی ہے لیکن یہ اس وقت اہم اور موزوں ہو جاتی ہے جب یہ عام لوگوں کی زندگیوں میں تبدیلی لاتی ہے۔ میں پختہ یقین رکھتا ہوں، اور یہ معیشتوں کا ایک بنیادی اصول ہے کہ آپ ایک آدمی کی خوراک میں مدد کر سکتے ہیں، آپ پیسے کے ذریعہ آدمی کی مدد کر سکتے ہیں، آپ ہر طرح کی مدد کر سکتے ہیں، لیکن سب سے بڑی مدد انسان کو اپنی مدد کرنے کے لیے بااختیار بنانا ہے۔ یہ دیکھنے کے لیے کہ حکومت کے فنڈ بڑے پیمانے پر کیپیٹل اکاؤنٹ میں جاتے ہیں، نہ کہ اس قسم کی چیزوں کے لیے جو زیادہ دیر تک نہیں چلتی ہیں۔ ہمیں ملک میں ترقی کی عادت ڈالنی چاہیے، جس کی شیلف لائف بہت  طویل ہے۔

ہمارا ریگولیٹری نظام تیزی سے آگے بڑھ رہا ہے، اور مجھے یہ بتاتے ہوئے خوشی ہو رہی ہے کہ سی بی ڈی ٹی کے چیئرمین کے تحت، اس نے شاندار کارکردگی کا مظاہرہ کیا ہے۔ یہ محکمہ تمام ٹیکس دہندگان کی زندگیوں سے متعلق ہے۔ تو ایک بڑی تبدیلی آئی ہے۔ آپ بہت اچھی سروس کر رہے ہوں گے، اور آپ انڈین ریونیو سروس میں  نہیں ہوں گے لیکن آپ ایک ناقابل یقین ریونیو سروس ہوں گے اگر آپ زیادہ سے زیادہ لوگوں کو ٹیکس نیٹ میں لاتے ہیں، تو آپ ان کی مدد کر رہے ہوں گے۔ وہ یہ کہہ کر خوش ہوں گے کہ ہم ٹیکس دیتے ہیں۔ جب وہ یہ کہیں گے ان کا دماغ بھڑک اٹھے گا کہ میرا پیسہ کہاں استعمال ہو رہا ہے؟ اس سے وہ قوم کے کام میں شراکت دار بنیں گے۔

راجیہ سبھا میں آپ کی خدمت کے ایک ممبر کے ذریعہ ای-آفس کو فعال بنایا جا رہا ہے۔ اب، اگر آپ راجیہ سبھا کے چیئرمین کے کام کاج کو دیکھیں تو میں مکمل طور پر ڈیجیٹل ہوں۔ میری عمر کے ہر ایک آدمی کو ڈیجیٹل بننے پر مجبور کیا گیا ہے، جو آپ کی خدمت کی طاقت کا اظہار کرتا ہے۔

سب سے زیادہ انقلابی تبدیلی جو گیم چینجر ثابت ہو رہی ہے وہ ٹیکنالوجی کو اپنانا ہے۔ ٹیکنالوجی کو اپنانے کا ایک اور اہم زاویہ ہے، جو لوگ شارٹ کٹ  چاہتے ہیں، جو لوگ بڑی خریداری اور چھپانے کی کوشش کرتے ہیں، ان کا کھیل ختم ہو چکا ہے۔ جس لمحے وہ یہ کرتے ہیں، محکمہ جانتا ہے کہ وہ یہ کر رہے ہیں۔ کیونکہ آپ نے ایک ماڈیول اور ایک طریقہ کار تیار کیا ہے، جو بہت کامیاب ہے۔ میں ان عظیم تکنیکی ایپلی کیشنز پر توجہ نہیں دوں گا جنہیں محکمہ ٹیکس دہندگان کی تشویش کے لیے بغیر کسی رکاوٹ کے استعمال کر رہا ہے۔

اسسمنٹ ایئر24-2023  کے لیے 31 جولائی 2023 تک 6.77 کروڑ سے زیادہ انکم ٹیکس ریٹرن فائل کیے گئے تھے۔ پچھلے سال جمع کرائے گئے گوشواروں کے مقابلے میں 16 فیصد اضافہ درج کیا گیا ۔ یہ  ایک ایسا کارنامہ ہے جس کے لیے مسٹر گپتا اور ان کی ٹیم فخر کر سکتی ہے۔ لیکن ان کی ٹیم نے جو کچھ کیا ہے، وہ ہمارے بھی فخر کا باعث ہے اور ہم دنیا کو اپنی ہینڈلنگ کی صلاحیت بتا سکتے ہیں۔ 31 جولائی 2023 کو، ایک ہی دن میں 64 لاکھ آئی ٹی آر اور اس سے زیادہ فائل کیے گئے، جو کہ تکنیکی ایپلی کیشن، اس کی کارکردگی اور اس کی مضبوط نوعیت کی مضبوطی کو ظاہر کرتا ہے۔

دوستو، سرکاری ملازمین کو فخر کے ساتھ قوم کی خدمت کا عہد کرنا چاہیے۔

پی : ذاتی تعصب کے بغیر عوامی خدمت جو کہ بہت ضروری ہے، تعصب، جانبداری، سرپرستی کے  نظام کو خراب کر دیتی ہے۔ ایسے فتنوں کے سامنے جھکنا انسانی فطرت ہے۔ مجھے آپ کو یہ بتاتے ہوئے خوشی ہو رہی ہے کہ آپ کے محکمہ نے ایک ایسا طریقہ کار  اپنایا ہے جہاں ذاتی تعصبات کو تکنیکی طور پر مٹا دیا جاتا ہے۔

آر: نچلی سطح پر قانون کی حکمرانی کا نفاذ۔

آئی: عوام کے ساتھ معاملات میں دیانتداری۔

ڈی : ڈیوٹی کے تئیں لگن

ای : پالیسی کے اہداف کے حصول میں کارکردگی۔

میں آپ کو بتاتا ہوں کہ آپ کی کوششیں قوم کے لیے ناگزیر ہیں۔آپ  اپنی ذمہ داریوں سے پیچھے ہٹیں گے تو قوم کو نقصان ہوگا۔ دوستو، میں آپ سب کے اچھے مستقبل کی  تمنا کرتا ہوں۔ میں آپ کی اچھی صحت کی خواہش کرتا ہوں۔ مجھے یقین ہے کہ آپ 2047 میں ہندوستان  کے جانباز سپاہی اور جنگجوہوں گے ۔ آپ لوگوں کی زندگیوں میں تبدیلی لانے کے لیے بے خوف ہوکر، تناؤ کے بغیر انتھک کوشش کریں گے۔ جس لمحے آپ اس سمت کا سہارا لیں گے، آپ کی زندگی خود بخود بدل جائے گی۔

میں بھوٹان سے تعلق رکھنے والے اپنے دو دوستوں کو خاص طور پر مبارکباد پیش کرتا ہوں، آپ سب سے درخواست ہے کہ ان کے ساتھ رابطے میں رہیں۔ مجھے مختلف خدمات کے تربیت یافتہ افراد سے ملاقات کا سعادت حاصل ہوا، اور مجھے لگتا ہے کہ بھوٹان کا جزو ہمیشہ موجود ہے۔ اس لیے آپ کا ان کے ساتھ زندگی بھر اچھا تعلق رہے گا، اور بھوٹان ایک اچھا، دلکش ملک ہے جہاں قدرت نے اپنے فضل سے نوازا ہے، اپنے لوگوں کے تئیں ہماری نیک تمنائیں اور سلام پیش کریں۔

میں آپ میں سے ہر ایک کو اپنی زندگی میں بڑی کامیابی کی تمنا کرتا ہوں اور آپ میں سے ہر ایک سے درخواست کرتا ہوں کہ وہ قوم کو پہلے، قومی مفاد کو پہلے، قوم پرستی کو ہر چیز سے اوپر رکھیں۔ ایک چیز جو آپ کو سمجھانی ہوگی، لوگوں میں، صنعت، تجارت اور کاروبار میں، قوم پرستی پر کبھی بھی مالی فائدے کے لیے سمجھوتہ نہیں کرنا چاہیے۔ معاشی قوم پرستی بڑھے گی اور ہماری معیشت بہتر ہوگی ۔ ہمیں باہر سے آنے والی اشیا کے حق میں نہیں جھکنا چاہیے کیونکہ وہ سستی ہیں،  وہ ہمارے ملک میں دستیاب ہیں۔

بہت بہت شکریہ. جئے بھارت!

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

7987

(Release ID: 1946029) Visitor Counter : 142