11-வது ஐந்தாண்டுத் திட்டம் (2007-2012) மற்றும்12-வது ஐந்தாண்டுத் திட்டம் (2012-2017) ஆகியவற்றில் "அதிர்ச்சி மற்றும் தீக்காயங்கள் தடுப்பு மற்றும் மேலாண்மைக்கான தேசிய திட்டத்தின்" கீழ் நாடு முழுவதும் உள்ள அரசு மருத்துவமனைகள் மற்றும் மருத்துவக் கல்லூரிகளில் 196 அவசர சிகிச்சை வசதிகள் (டி.சி.எஃப்) அனுமதிக்கப்பட்டன. இவற்றில் பல தேசிய நெடுஞ்சாலைகளுக்கு அருகில் அமைந்துள்ளன. இத்திட்டத்தின் விதிமுறைகளின்படி மாநிலங்களிடமிருந்து பெறப்பட்ட முன்மொழிவுகளின் அடிப்படையில் ஒப்புதல்கள் வழங்கப்பட்டன.

இத்திட்டத்தின் கீழ் மாநில அரசுகளுக்கு இதுவரை ரூ.781.57 கோடி விடுவிக்கப்பட்டுள்ளது. 12வதுஐந்தாண்டுத் திட்டத்திற்குப் பிறகு, இத்திட்டத்தின் கீழ் புதிய அவசர சிகிச்சை வசதிகளை அடையாளம் காண்பதற்கான எந்த ஏற்பாடும் இல்லை, மேலும் 11 மற்றும் 12ஆம் ஐந்தாண்டுகளில் அங்கீகரிக்கப்பட்ட வசதிகள் / அலகுகளின் மொத்த அங்கீகரிக்கப்பட்ட செலவில் மீதமுள்ள மத்திய உதவியின் பங்கை விடுவிப்பதன் அடிப்படையில் நிதி உதவி வழங்கப்படுகிறது.

பிரதமரின் ஸ்வஸ்தியா சுரக்ஷா யோஜனா (பி.எம்.எஸ்.எஸ்.ஒய்) திட்டத்தின் கீழ், 22 புதிய அகில இந்திய மருத்துவ அறிவியல் நிறுவனம் (எய்ம்ஸ்) அமைப்பதற்கும், அரசு மருத்துவக் கல்லூரிகள் / நிறுவனங்களை (ஜி.எம்.சி.ஐ) தரம் உயர்த்துவதற்கான 75 திட்டங்களுக்கும் இதுவரை பல்வேறு கட்டங்களாக ஒப்புதல் அளிக்கப்பட்டுள்ளது. இந்த எய்ம்ஸ் மருத்துவமனைகள் பரந்த அளவில்  அவசர வசதிகளை உள்ளடக்கியது.

 

தேசிய சுகாதார இயக்கத்தின் கீழ், சுகாதாரம் மற்றும் குடும்ப நல அமைச்சகத்தின் கீழ், மாநிலங்கள் / யூனியன் பிரதேசங்கள் தங்கள் திட்ட செயலாக்கத் திட்டங்களில் (பிஐபி) சமர்ப்பித்த முன்மொழிவுகளின் அடிப்படையில், மாவட்ட மருத்துவமனைகள் மட்டம் வரை சுகாதார உள்கட்டமைப்பை மேம்படுத்துவதற்கான ஆதரவு உட்பட மாநிலங்கள் / யூனியன் பிரதேசங்களுக்கு நிதி மற்றும் தொழில்நுட்ப ஆதரவை மத்திய அரசு வழங்குகிறது.

ஆயுஷ்மான் பாரத் திட்டத்தின் ஒரு பகுதியாக, நாடு முழுவதும் துணை சுகாதார நிலையங்கள் மற்றும் ஆரம்ப சுகாதார நிலையங்களை சுகாதார மற்றும் நல்வாழ்வு மையங்களாக மாற்றுவதற்கு அரசு மாநிலங்களுக்கு ஆதரவளித்து வருகிறது. ஜூலை 24, 2023 நிலவரப்படி, 1,60,480 சுகாதார மற்றும் நல்வாழ்வு மையங்கள் செயல்பட்டு வருகின்றன. மேலும், ஆயுஷ்மான் பாரத், பிரதமரின்  ஜன் ஆரோக்ய யோஜனா (ஏபி - பி.எம்.ஜே.ஏ.ஒய்) சமூக பொருளாதார சாதி கணக்கெடுப்பின்படி (எஸ்.இ.சி.சி) ஏழை மற்றும் பாதிக்கப்படக்கூடிய குடும்பங்களுக்கு ஆண்டுக்கு ரூ .5 லட்சம் வரை சுகாதார பாதுகாப்பை வழங்குகிறது.

ஆயுஷ்மான் பாரத் ஹெல்த் இன்ஃப்ராஸ்ட்ரக்சர் மிஷன் (பி.எம்-அபிம்) திட்டத்தின் சி.எஸ்.எஸ் பிரிவின் கீழ், 5 லட்சத்துக்கும் அதிகமான மக்கள் தொகை கொண்ட அனைத்து மாவட்டங்களிலும் 50 முதல் 100 படுக்கைகள் கொண்ட தீவிர சிகிச்சை மருத்துவமனை தொகுதிகளை நிறுவுவதற்கும், மீதமுள்ள மாவட்டங்களில் பரிந்துரை இணைப்புகளை நிறுவுவதற்கும் அனைத்து மாநிலங்கள் / யூனியன் பிரதேசங்களுக்கு நிதி மற்றும் தொழில்நுட்ப ஆதரவு வழங்கப்படுகிறது.

மக்களவையில் மத்திய சுகாதாரம் மற்றும் குடும்ப நலத்துறை இணையமைச்சர் டாக்டர் பாரதி பிரவீன் பவார் இன்று எழுத்துப்பூர்வமாக அளித்த பதிலில் இதனைத் தெரிவித்துள்ளார்.

**

(Release ID: 1945742)

ANU/SM/PKV/KRS

(Release ID: 1945945)