প্রধান মন্ত্রী, শ্রী নরেন্দ্র মোদীনা ঙসি দিল্লীগী প্রগতী মৈদান্দা লৈবা ভারত মন্দপমদা অখিল ভারতিয়া শিক্ষা সমাগম হৌদোকখ্রে। থৌরম অসিগা নেস্নেল এজুকেসন পোলিসী 2020 হৌদোকখিবগী অহুমশুবা কুমওনগা চান্নরি। মহাক্না PM-SHRI স্কিমগী মখাদা ফন্দগী অহানবা ইন্সতোলমেন্তসু থাদোকখ্রে। স্কুল 6207না লুপা করোর 630গী শেনফম ওইবা অহানবা ইন্সতোলমেন্ত ফংনখি। লোল 12তা ৱাহন্থোক হনখ্রবা এজুকেসন অমসুং স্কিল করিকলম লাইরিকসু মহাক্না ফোঙখি। থৌরম অসিদা উৎখিবা একজিবিসন অসিবুসু প্রধান মন্ত্রীনা য়েংখি।

নেস্নেল এজুকেসন পোলিসীনা ভারত অসি রিসর্স অমসুং ইনোবেসনগী হব অমা ওইহন্নবা পান্দম থম্লি। অখিল ভার্তিয়া শিক্ষা সমাগমদা ৱাং ঙাংলদুনা https://t.co/bYOjU6kby5

 

থৌরম অসিদা উৎখিবা একজিবিসন অসিগী অকোইবদা প্রধান মন্ত্রীনা চৎতুনা য়েংশিনখি।

কেন্দ্রগী এজুকেসন অমসুং স্কিল দিভেলপমেন্ত অমসুং ইন্ত্রপ্রিনোরশীপ মন্ত্রী শ্রী ধরমেন্দ্র প্রধান, এজুকেসনগী রাজ্য মন্ত্রী শ্রী রাজকুমার রঞ্জন সিংহ, শ্রীমতি অনপুর্ন দেবী, দা. সুভাস সর্কার অমসুং এজুকেসন অমসুং স্কিল দিভেলপমেন্ত মন্ত্রালয়গী সেক্রেতরীশিং থৌরম অসিদা শরুক য়াখি।

প্রধান মন্ত্রীনা ঙসিগী মীয়ামদা ৱা ঙাঙবদা লৈবাক্কী মরাইবক হোংদোকপা ঙম্বা হীরমশিংগী মতাংদা এজুকেসন্না লৌরিবা মরূ ওইবা অসিসু ফোংদোকখি। “21শুবা চহি-চাগী ভারতনা তুংলমচত্তা চঙশিন্দুনা ফংনবা তাল্লিবা পান্দম ফংবদা ঐখোয়গী এজুকেসনগী পথাপ্না অচৌবা থৌদাং য়াগনি”, মহাক্না হায়খি। অখিল ভারতিয়া শিক্ষা সমাগমগী মরু ওইবদা মিৎয়েং চঙলদুনা, প্রধান মন্ত্রীনা খন্ন-নৈনবা হায়বসি এজুকেসন্দা য়াম্না মরু ওই হায়খি। মমাংগী চহিগী অখিল ভারতিয়া শিক্ষা সামগম্না ভরানসীগী নৌনা শাবা রুদ্রক্স কনভেন্সন সেন্তরদা পাংথোকখিবা অমসুং হন্দক্কী চহিগী অসিনা অনৌবা ভারত মন্দপমদা পাংথোক্লিবা অসিদা ওইরিবা তান চানবগী মতাংদসু প্রধান মন্ত্রীনা পনখি। মসিনা মন্দপম অসি হৌনবী মতুং ইন্না শঙ্গাখ্রবা মতুংদা পাংথোকপা অহানবা থৌরম্নি।

কাশিগী রুদ্রক্সতগী হৌজিক্কী মতমগী ভারত মন্দপম ফাওবদা, প্রধান মন্ত্রীনা অরীবা অমসুং অনৌবা অনিবু পুনশিনবগী অখিল ভারতিয়া শিক্ষা সমাগমগী খোঙচৎ অসিদা নুংগী ওইবা ৱারোল অমসু লৈরি। নাকল অমদা, ভারতকী এজুকেসন সীস্তেম্না লমদমসিগী অরিবা নাৎ অমসুং চৎনবীবু য়োক্তুনা থম্লি অমসুং অতোপ্পা নাকল অমদনা লৈবাক অসিনা সাইন্স অমসুং তেক্নোলোজীগী লমদা খোঙজেল য়াঙনা চাউখৎলক্লি হায়না মহাক্না হায়খি। এজুকেসন সেক্তরনা হৌজিক ফাওবদা ফংলক্লিবা মায় পাকপা অসিদা শরুক তমখিবা মীওইশিংবু প্রধান মন্ত্রীনা থাগৎখি। ঙসি অসি নেস্নেল এজুকেসন পোলিসীগী অহুমশুবা কুমওন্নি হায়না পল্লদুনা, প্রধান মন্ত্রীনা পোলিসী অসিবু মিসন অমা ওইনা লৌদুনা মশক থোকপা মায় পাকপা ফংহনবগীদমক্তা অখঙ-অহৈ, একাদমিসিয়ম অমসুং ওজাশিংবু থাগৎখি। থৌরম অসিদা উৎলিবা একজিবিসন অসিগী মতাংদা পাউদম্লদুনা, প্রধান মন্ত্রীনা স্কিল অমসুং এজুকেসন অমদি ইইনোভেতিব তেক্নিক কয়া উৎলিবা অসিগী মতাংদা মিৎয়েং চঙখি। লৈবাক অসিদা এজুকেসন অমসুং স্কুলিংগী শক্তমদা অহোংবা লাক্লিবা অমসুং অঙান মচাশিং ফাওবনা শান্ন-খোৎনবগী খুত্থাংদা মহৈ তম্লকপগী মতৌদা মহাক্না মিৎয়েং চঙখি। থৌওংশিং অসিবু উরুরগা তুংগী মতমগী মতাংদা থাজবা হেনগৎলে হায়না মহাক্না মখা তাখি। লাক্লিবা মীওইশিংনা একজিবিসন অসিবু শোইদনা য়েংবীনবা মহাক্না ৱাফম থমখি।

অচৌবা অহোংবা পুরকপা মতমদা মতম খরদি অদুম চঙই হায়না প্রধান মন্ত্রীনা হায়খি।NEP হৌদোকপা মতমদা লৈখিবা পাংথোকফম থোকপা থবক কয়া নীংশিংলুবদা, প্রধান মন্ত্রীনা স্তেকহোলদর খুদিংনা অনৌবা থৌওং কয়া পায়খৎনবা খোঙফম চেৎখিবা অমসুং থৱাই য়াওবগী মতৌ উৎখিববু থাগৎপা ফোংদোকখি। নাৎকী লৌশিং পথাপ অমসুং তুংগী মতমগী তেক্নোলোজীবু NEPনা চপ মান্নবা মরু ওইবা পীরি হায়না মহাক্না হায়খি। প্রাইমারী এজুকেসন্দা অনৌবা করিকলম চৎনহনবা, হাইয়র এজুকেসনগীদমক্তা রিজনেল লোলশিংদা লাইরিক ফোঙবা অমসুং লৈবাক অসিগী রিসর্চ ইকোসীস্তেম মপাঙ্গল কনখৎহন্নবগীদমক্তা এজুকেসন মালেমগী স্তেকহোলদরশিংনা য়াম্না কন্না হোৎনখিববু মহাক্না মপুং ওইনা পনখি। 10+2 সীস্তেমগী মহুত্তা 5+3+3+4 সীস্তেম অসি হৌজিক চৎনরে হায়না মহৈরোইশিংনা হৌজিক ভাব তারে হায়না মহাক্না হায়খি। লৈবাক পুম্নমক্কী ওইবা য়ুনিফোর্মিতী পুরকপা ওইনা এজুকেসনগী থবক-থৌরমশিং অসি চহি 3দগী হৌরগনি। পার্লিয়ামেন্ততা নেস্নেল রিসর্চ ফাউন্দেসন বিল হৌদোকখিববু কেবিনেতনা অয়াবা পীখ্রে হায়না মহাক্না পাউদমখি। NEPগী মখাদা নেস্নেল করিকল্ম ফ্রেমৱর্ক অমা য়াম্না থুনা লাক্লগনি। চহি 3-8কী মহৈরোইশিংগী ফ্রেমৱার্ক অসিসু হৌজিক শেম শাবা লোইরে। লৈবাক শিনবা থুংবনা চপ মান্নবা সীলেবস অমা ইল্লগনি অমসুং NCERTনা মসিগী লাইরিক শেম শারি। ক্লাস 3-12 ফাওবগী তোঙান-তোঙানবা সবজেক্ত 130মুক্কী অনৌবা লাইরিক কয়াসু লোল 22দা থুনা ফোঙলগনি অমসুং মসি রিজনেল লোলদা এজুকেসন পীবগী থৌওংগী মহৈ ওইনা পাংথোকপনি হায়না মহাক্না পাউদমখি।

মহৈরোই অমনা থেংনবা খ্বাইদগী মীচঙ মীখায় নাইবা থৌওংদি মখোয়গী মহৈগী মহুত্তা মখোয়না ঙাঙবা লোলদা য়ুম্ফম ওইরগা মখোয়গী থাক খায়বা অসিনি হায়না প্রধান মন্ত্রীনা হায়খি। “মমালোলদা এজুকেসন পীবনা ভারতকী মহৈরোইশিংদা অনৌবা অচুম্বা ৱায়েল পীবগী থৌওং অমা হৌদোক্লি। মসিদি সোসিএল জস্তিসকী মাইকোদসু মরু ওইবা খোঙথাং অমা ওইরি”, প্রধান মন্ত্রীনা হায়খি। মালেমসিদা লোল মশিং য়াম্না লৈবা অমসুং মসিগী মরু ওইবশিংগী মতাংদা পল্লদুনা, প্রধান মন্ত্রীনা হায়বদা মালেমগী চাউখৎপা লৈবাক কয়াদি মখোয়গী মমালোলগী মরম্না অতৈদগী অহেনবা লৈ। লৈবাক কয়া অমদি মশাগী মমালোল শিজিন্নৈ হায়না মহাক্না হায়খি। ভারত্তা চৎনবা লোল মখল কয়া লৈজরবসু, মখোয়শিংবু শোত্থবগী খুদম ওইনা লৌই অমসুং ইংলিশ ঙাঙবা ঙমদবশিংবু শকখঙবীদে হায়না মহাক্না নুংনাংবা ফোংদোকখি। মসিনা মরম ওইরগা, খুঙ্গংগী অঙাংশিংনা খ্বাইদগী চৈথেং ফংই হায়না প্রধান মন্ত্রীনা হায়খি। নেস্নেল এজুকেসন পোলিসী থোক্লকপদগী মসিগুম্বা থাজবা অসি লৈবাক অসিনা থাদোকপা হৌরক্লে হায়না মহাক্না মিৎয়েং চঙখি। “ঐহাক্তি UNদা ফাওবা ভারতকী লোলদা ৱা ঙাঙই”, শ্রী মোদীনা মখা তাখি।

সোসিএল সাইন্সতগী ইঞ্জিনিয়রিং ফাওবগী সবজেক্তশিং অসি ভারতকী লোলদা তম্বীবা হৌরগনি হায়না প্রধান মন্ত্রীনা মরু ওইনা পাউদমখি। “মহৈরোই অমনা লোল অমদা থাজবা থম্লকপা মতমদা, মখোয়গী স্কিল অমসুং তেলেন্তনা অকক্নবা অমত্তা লৈতনা শাহৌরক্কনি”, শ্রী মোদীনা হায়খি। মশাগী কান্নবা খরগীদমক্তা লোলদা রাজনীতি তৌবশিংনা মখোয়গী থবক-থৌরমশিং তোকপা তারে হায়না মহাক্না হায়খি। “নেস্নেল এজুকেসন পোলিসীনা লৈবাক্কী লোল খুদিংদা ইকায় খুম্নবা উৎকনি”, মহাক্না হায়খি।

প্রধান মন্ত্রীনা ঐখোয়না অমৃত কালগী মথংগী চহি 25তা শাহৌ লৈবা অনৌবা চারোন শুরোন অমা শেম্বা তাবনি হায়খ্রে। মীনায় ওইবগী ৱাখল্লোন্দগী মনিং-মখা তম্বা, ইন্নোভেসন পাংথোক্নিংবগী খৌরাংবা পোকপা অমসুং মশাগী মথৌদাং খঙবা, সাইন্সতগী স্পোর্ত ফাওবগী হীরমদা লৈবাক্কী মিংচৎ পুরক্নবা শেম শাবা, 21শুবা চহি চাগী তঙাই ফদবগী মখা পোন্না মশাবু স্কিল লৈহন্নবা হোৎনবা কিদবা অদুগুম্বা চারোন শুরোন অমা শেম্বা তাবনি। “NEPনা মসিদা অচৌবা থৌদাং অমা লৌগনি”, মহাক্না হায়খি।

ক্বালিতী এজুকেসন পীবগী পেরামীতর কয়াগী মনুংদগী, ভারতনা খ্বাইদগী হেন্না লুনা হোৎনরিবা অসিদি মান্নবা মিৎয়েং য়েংবদনি হায়না প্রধান মন্ত্রীনা হায়খি। “ভারতকী নহা খুদিংনা চপ মান্নবা এজুকেসন অমসুং এজুকেসনগী চপ মান্নবা খুদোংচাবা ফংবা হায়বসিনা NEPগী মিৎয়েংনি”, মসিমকসু স্কুল হাংদোকপা খক্তদা অকক্নবা থমদুনা তৌগদবা নত্তে হায়না পাউদম্লদুনা মহাক্না হায়খি। ক্বালিতী এজুকেসন হায়বসি এজুকেসনগা লোয়ননা রিসোর্সশিংদসু য়ৌহনগদবনি হায়না মহাক্না হায়খি। মসিনা হায়বদি, অঙাং খুদিংনা মহাক্কী অপাম্বগী মখা পোন্না খুদোংচাবা ফংগদবনি হায়বনি। “এজুকেসন্দা চাং মান্নবা মিৎয়েং থম্বা হায়বসিনা লৈফম, থাক অমসুং লমদমগী মখা পোন্দনা অঙাং অমত্তবু এজুকেসন্দগী নাথৈদবা হায়বনি”, মহাক্না হায়খি। PM SHRIগী মখাদা স্কুল লিশিং কয়াবু অপগ্রেদ তৌরি হায়না মহাক্না হায়খি। “5Gগী মতমসিদা, PM-SHRI স্কুলশিংনা মোদর্ন এজুকেসনগী পাম্বৈ অমা ওইগনি”, মহাক্না মখা তাখি। ত্রাইবেল খুঙ্গংশিংগী এক্লাব্যা স্কুল, খুঙ্গংশিংদা ইন্তর্নেতকী খুদোংচাবা ফংবা অমসুং মহৈরোইশিংনা DIKSHA, SWAYAM অমসুং স্বয়ম্প্রভাগুম্বা পাম্বৈগী খুত্থাংদা এজুকেসন ফংলিবা অসিগী মতাংদা মহাক্না পনখি। “এজুকেসনগীদমক্তাতঙাই ফদবা রিসোর্সশিংগী মরক্তা লৈবা অহাঙবা খুদিংমক খোঙজেল থুনা মেনশিল্লক্লি”, মহাক্না হায়খি।

মহৌশাগী এজুকেসনগী পথাপ্তা ভোকেস্নেল এজুকেসন শরুক য়াহনবা অমসুং এজুকেসনবু হেন্না নুংঙাইবা থৌওং ওইহনবগী খোঙথাংশিং পায়খৎপা হৌরে হায়না প্রধান মন্ত্রীনা হায়খি। মমাংগী মতমদা, লেব অমসুং প্রেক্তিকেল তৌবগী খুদোংচাবা অসি স্কুল খরখক্কী মফমদা লৈরম্মি হায়বা ৱাফমদা মীয়ামগী পুক্নিং চীংশিল্লদুনা, চাউরাকপা মহৈরোই লাক্ষ 75 হেনবনা সাইন্স অমসুং ইন্নোভেসনগী মতাংদা তম্লিবা অতল তিঙ্করিং লেবতা প্রধান মন্ত্রীনা মীয়ামগী পুক্নিং চীংশিনখি। “সাইন্সনা মীয়ামগীদমক্তা মশাবু য়াম্না চমথোকহল্লি। মশক নাইবা প্রোজেক্ত কয়া লুচিংদুনা অমসুং ভারতপু মালেমগী রিসর্চ হব ওইহন্দুনা লৈবাক্কী তুংগী মতমগী শক্তম শেমগদৌরিবা অসিদি মসিগুম্বা নহা ওইরিবা সাইন্তিস্তশিংনি”, মহাক্না হায়খি।

“শেমদোকপা খুদিংদা থৌনা চঙই অমসুং থৌনা লৈবনা অনৌবা খুদোংচাবা কয়া শাহৌহল্লি”, শ্রী মোদীনা হায়খি। মালেম্না ভারত অসি অনৌবা খুদোংচাবা কয়াগী হৌরকফম্নি হায়না য়েংনরি হায়না শ্রী ওদীনা হায়খি। প্রধান মন্ত্রীনা সোফৱেয়র তেক্নোলোজী অমসুং স্পেস তেক্কী খুদম পীরদুনা ভারতকী তৌবা ঙম্বগী মতিক্কা চাংয়েংনবা হায়বসি অরায়বা নত্তে হায়না মহাক্না হায়খি। দিফেন্স তেক্নোলোজীগী মতাংদা পল্লদুনা, প্রধান মন্ত্রীনা ভারতকী ‘লো কোস্ত’ অমসুং ‘বেস্ত ক্বালিতী’গী মোদেল অসিদি শোইদনা মায় পাক্কনি হায়খি। ভারতকী ইন্দস্ত্রীগী মিংচৎ অমসুং স্তার্তঅপ ইকোসীস্তেমগী গ্রোথ হেনগৎলক্লিবা অসিগা লোয়ননা মালেম্না ভারতকী এজুকেসন পথাপ্পু ইকায় খুম্নবসি নোংম-নোংমগী হেনগৎলক্লি হায়না মহাক্না হায়খি। ভারতকী ইন্সতিত্যুত কয়াগী মালেমগী রেঙ্কিংদা হেনগৎলক্লি হায়না মহাক্না পল্লদুনা, জাঞ্জিবার অমসুং অবু ধাবীদা অনৌবা IIT কেম্পস অনিসু লৈরগনি হায়খি। “অতোপ্পা লৈবাক কয়া অমনসু মখোয়গী লৈবাকশিংদা IIT কেম্পস হাংনবা ঐখোয়গী ইফমদা হায়জরক্লি”, মহাক্না মখা তাখি। এজুকেসন ইকোসীস্তেমদা অফবা অহোংবা কয়া লাকপা অসিনা মরম ওইরগা মালেমগী য়ুনিভর্সিতী কয়ানা ভারত্তা মখোয়গী কেম্পস হাংবা পাম্নরিবা অসিগী মতাংদসু মহাক্না পাউদমখি। ওস্ত্রেলিয়াগী য়ুনিভর্সিতী অনিনা গুজরাতকী GIFT সিতীদা মখোয়গী কেম্পস হাংদোকপা পাম্লিবা অসিগী মতাংদসু মহাক্না পনখি। এজুকেসনগী ইন্সতিত্যুসনশিংগী মপাঙ্গল লেপ্তনা হেনগৎহনবা অমসুং মখোয়বু ফ্যুচর রেদী ওইহন্নবগীদমক্তা হোৎনবা অসিদা প্রধান মন্ত্রীনা অহেনবা মিৎয়েং থমখি। মসিগুম্বা ইহৌ অসিদা ভারতকী ইন্সতিত্যুত, য়ুনিভর্সিতী, স্কুল অমসুং কোলেজশিংনা ময়োলদা লৈহনবগী মথৌ তারিবা অসিদা মহাক্না মীয়ামগী পুক্নিং চীংশিনখি।

“মপাঙ্গল লৈবা নহা শেমগৎপনা মপাঙ্গল লৈবা লৈবাক শেমগৎপগী খ্বাইদগী চাউবা গেরেন্তীনি” অমসুং মসিদা মমা-মপা অমসুং ওজাশিংগী অচৌবা থৌদাং লৈ হায়না প্রধান মন্ত্রীনা হায়খি। মহৈরোইশিংদা খঙনিংবা পোকপা অমসুং ইমেজিনেসনবু ৱাংনা থমহন্নবগীদমক্তা পুক্নিং থৌগৎনবা মহাক্না মমা-মপা অমসুং ওজাশিংগী মফমদা হায়খি। “ঐখোয়না তুংগী মতমদা মিৎয়েং থম্বা তাবনি অমসুং ফ্যুচরগী ওইবা মাইন্দসেত অমগা লোয়ননা ৱাখল খনগদবনি। ঐখোয়গী অঙাংশিংবু লাইরিক্কী পোৎলুমদগী মনিং তমহনবা তাবনি”, মহাক্না হায়খি।

মালেম্না মপাঙ্গল লৈবা ভারতকী মতাংদা খঙনীংবা হেনগৎলক্লিবা অসিনা মরম ওইরগা ঐখোয় খুদিংগী মথক্তা লৈরক্লিবা থৌদাংগী মতাংদা প্রধান মন্ত্রীনা ফোংদোকখি। য়োগ, অয়ুর্বেদ, আর্ত অমসুং লিতরেচরগী মতাংদা মহৈরোইশিংদা খঙহনবগী মরু ওইবশিংসু প্রধান মন্ত্রীনা পনখি। ইং 2047 ফাওবদা ‘বিকশিত ভারত’ অমা ওইহন্নবা চৎলিবা ভারতকী খোঙচৎ অসিদা মহৈরোইশিংগী হৌজিক্কী চারোন শুরোন অসিগী মরু ওইবশিংবু মহাক্না ওজাশিংদা খঙহনবগা লোয়ননা মহাক্কী ৱারোল লোইশিনখি।

তিল্লিবা মীয়ামদা ৱা ঙাংলদুনা শ্রী দরমেন্দ্র প্রধান্না প্রধান মন্ত্রী শ্রী নরেন্দ্র মোদীবু অখিল ভার্তিয়া শিক্ষা সমাগমগী হৌদোকপগী সেসন্দা পুম্নমকপু ইথিল পীবগীদমক্তা ইকাই খুম্নবা উৎখি। মহাক্না হায় প্রধান মন্ত্রীগী লুচিং অমসুং লমজিং লমতাক্কী মখাদা ভারতমচা ওইবগী মগুনশিং অদু খোঙফম চেৎশিন্নবা হোৎনবা অমসুং এজুকেসন সিস্তেম অসি 21শুবা চহিচাগী মতমগা চুনরবা ৱাখল্লোনশিংগা লোয়ননা পুন্না চৎমিন্নহনবদা খোংজেল য়াংশিলহল্লি। শ্রী প্রধান্না মখাতানা হায় NEPঅসিনা মহাত্মা গান্ধী, গুরুদেব তেগোর, স্বামি বিবেকানন্দ অমসুং মহা ঋশি অরবিন্দগুম্বা মমিং লৈরবা মীওইশিংনা শাগৎচরম্বা ৱাখল্লোন অদুগা লোয়ননা হোলিস্তিকগী ৱাখল্লোন, কমপ্রিহেন্সিব অমসুং মল্তিদাইমেস্নেল ওইবা তেঞ্জিবল ফোর্ম অমা পীরি।

প্রধান মন্ত্রিগী ৱাখল্লোন্না লমজিং লমতাক্তুনা NEP 2020 অসি নহারোলশিংবু মখোঙ শোম্নবা অমসুং অমৃত কালগী মতমদা লৈবাক অসিবু লুচিংনবা শেম শানবা হৌদোকখি। মসিনা মখোয়বু মরুওইবা হ্যুমন ভেল্যুশিংনা পুনশিন্দুনা তুংদা লাক্কদবা শিংনবশিং মায়োক্ননবা শেম শানবা পান্দম থম্লি। ইম্প্লিমেন্ত তৌবগী চহি অহুম অসিগী মনুংদা পোলিসী অসিনা স্কুল, হায়র অমসুং স্কিল এজুকেসন্দা অঙকপা ফংনা অহোংবা পুরকখ্রে। জুলাই 29 অমসুং 30দা পাংথোক্কদৌরিবা নুমিৎ নিনিগী প্রোগ্রাম অসিনা একাদেমিক, সেক্তর এক্সপর্ত, পোলিসীমেকর, ইন্দস্ত্রীগী মীহুৎশিং, ওজাশিং অমসুং স্কুল, হায়র এদুকেসন অমসুং স্কিল্লিং ইন্সতিত্যুসনগী মহৈরোইশিংনা মখোয়গী ৱাখল্লোন, মাই পাকপগী ৱারী অমসুং NEP 2020 ইম্প্লিমেন্ত তৌনবা খ্বাইদগী ফবা পাম্বৈ অমসুং মসিবু মাংলমদা পুখৎনবা লালোংশিং খন্ননবা প্লেতফোর্ম অমা পীরগনি। 

অখিল ভার্তিয়া শিক্ষা সমাগমগী মনুংদা সেসন 16 য়াওগনি, মসিগী মনুংদা ক্বালিতী এজুকেসন অমসুং গভর্নান্স ফংহনবা, ইকুইতেবল অমসুং ইনক্লুসিব এজুকেসন, সোসিও ইকনোমিকেল্লি দিসএদভান্তেজ গ্রুপকী ইসুশিং, নেস্নেল ইন্সতিত্যুত রেঙ্কিং ফ্রেমৱর্ক, ইন্দিয়ন নোলেজ সিস্তেম, এজুকেসনবু মালেমগী থাক্তা পুখৎপানচিংবা হিরমশিং অসিদা খন্নগনি।

প্রোগ্রাম অসিগী মনুংদা প্রধান মন্ত্রীনা PM SHRI গী মখাদা ফন্দশিংগী অহানবা ইন্সতোলমেন্তশিং থাদোকখি। মসিগী স্কুলশিং অসিনা মহৈরোইশিংবু নেস্নেল এজুকেসন পোলিসী (NEP) 2020 না মখোঙ শোমদুনা ইকুইতেবল, ইক্লুসিব অমসুং প্লুরেল সোসাইতী অমা শেম্বদা শরুক য়ানবা অমসুং প্রদোক্তিব ওইবা অমসুং থৌদাং লৌবা নাগরিগশিং ওইহন্নগনি।

এজুকেসনগী প্রিন্সিপল সেক্রেতরী/রাজ্য/UTশিংগী স্কিল দিপার্তমেন্ত/ IIT, NIT, IIIT, IISER, IISCশিংগী দিরেক্তরশিং সেন্ত্রেল, স্তেত অমসুং প্রাইভেত য়ুনিভর্সিতীশিংগী ভাইস চাঞ্চেলরশিং, HEIশিং হেদশিং, ফেকল্তীশিং, স্কুল, ITশিংগী প্রিন্সিপাল/ওজাশিং/মহৈরোইশিং, NCERT, CBSE, UGC, AICTE, NCTE, NCVET, SSC, NSDC অমসুং অতোপ্পা মমিং লৈরবা ইন্দস্ত্রী অমসুং একাদেমীগী মীহুৎশিং অমসুং CII, FICCI, NASSCOM, ASSHOCHAMগী হেদ/মীহুৎশিং য়াওনা মীওই 3000 মুক্না সেসনশিং অসিদা শরুক য়াখি।

নুমিৎ নিনিগী মতম অসিদা হায়র এজুকেসন, স্কুল এজুকেসন অমসুং স্কিল্লিংগী তোঙান তোঙানবা সেক্তর কয়ামরুমদা পুন্না মশক থোকপা মেমোরেন্দম ওফ অন্দর্সতেন্দিং (MoU) 106 খুৎয়েক পীনগনি।

শ্রী ধরমেন্দ্র প্রধান্না ঙসি সেন্ত্রেল ইন্সতিত্যুত ওফ ক্লাসিকেল তমিল (CICT) গী মরুওইবা প্রোজেক্ত তারগী মখাগী লাইরিকশিং অসি ফোঙখি:

• দিফিনিতিব এদিসন্স ওফ এন্সিএন্ত তমিল ৱর্কস

• ত্রান্সলেসন ওফ এন্সিএন্ত তমিল ৱর্কস

• হিস্তোরিকল গ্রামার ওফ তমিল

• এন্তিক্বিতী ওফ তমিল: এন ইন্তর দিসিপ্লিনরি রিসর্স

• সিংক্রোনিক এন্দ দাইক্রোনক স্তদী ওফ তমিল দাইলেক্তস

• ইন্দিয়া এজ এ লিংগুইস্তিক এরিয়া

• দিজিতেল লাইব্রেরী ফোর এন্সিএন্ত তমিল স্তদিজ

• ওনলাইন তীচিং ওফ ক্লাসিকেল তমিল

• কোর্পস দিভেলপমেন্ত ফোর ক্লাসিকেল তমিল ৱর্কস

• ভিজ্যুল এপিসোদস ওন ক্লাসিকেল তমিল

থৌরম অসিগী মনুংদা স্কুল অমসুং হায়র এজুকেসন কয়ামরুমদগী খ্বাইদগী ফবা খোঙথাং কয়রুম উৎপা একজিবিসন অমা অমসুং স্কিল ইকোসিস্তেম অসিনা মীৎয়েং খ্বাইদগী চিংশিন্নীংঙাই ওইবা মশক অমা ওইখি। এজুকেসন অমসুং স্কিল লেন্দস্পেপ, ইন্দস্ত্রী অমসুং মরুওইবা স্তেকহোল্দরশিংগী মখাদা লৈবা ইন্সতিত্যুসন, ওর্গনাইজেসনশিংনা শেমগৎপা স্তোল 200দা মল্তিমেদিয়া একজিবিসন উৎখি। একজিবিসনশিং অসিগী মনুংদা য়াওরিবা খরদি- ইন্দিয়ন নোলেজ সিস্তেমস, আইদিয়া লেবস, স্তার্ত অপস, স্তেত য়ুনিভর্সিতীজ অসিনচিংবনি। মহৈরোইশিং, নহা ওইরিবা ভোলুন্তিয়রশিং অমসুং য়ুব সঙ্গমগী শরুক য়ারিবশিং য়াওনা মীওই লাখ 2 হেনবনা একজিবিসন অসিদা মীৎয়েং তাগনি হায়না পানরি।

নুমিৎ নিনিগী প্রোগ্রাম অসি জুলাই 30, 2023দা ভেলিদিক্তরী সেসন অমগা লোয়ননা লোইশিনগনি। থৌরম অসি কেন্দ্রগী এজুকেসন অমসুং স্কিল দিভেলপমেন্ত অমসুং ইন্ত্রপ্রিনোর্শীপ মন্ত্রী শ্রী তর্মেন্দ্র প্রধান য়াওনা মমিং লৈরবা দিগনিতরী কয়ানা শরুক য়াগনি।

***

(Release ID: 1944239) Visitor Counter : 116