தேசிய சட்டப் பணிகள் ஆணையம் (நல்சா) 2021 அக்டோபர் 2 முதல் நவம்பர் 14 வரை நாட்டின் ஒவ்வொரு கிராமம் / நகர்ப்புறங்களையும் சென்றடைந்து சட்டப் பணிகள்  ஆணையத்தின் அணுகலை அதிகரிக்கவும், இலவச சட்ட சேவைகள் கிடைப்பது குறித்த விழிப்புணர்வை பரப்பவும், ஆறு வார சட்ட விழிப்புணர்வு மற்றும் அவுட்ரீச் பிரச்சாரத்தை நடத்தியது.

   வீடு வீடாகச் சென்று பிரசாரம் செய்தல், சட்ட விழிப்புணர்வு நிகழ்ச்சிகள், நடமாடும் வேன்கள் மூலம் விழிப்புணர்வு ஏற்படுத்துதல், சட்ட உதவி மையங்கள் மூலம் விழிப்புணர்வு ஏற்படுத்துதல் உள்ளிட்ட முக்கிய பணிகள் மேற்கொள்ளப்பட்டன. இதுதவிர, பெண்கள் மற்றும் குழந்தைகளுக்கான சிறப்பு சட்ட விழிப்புணர்வு நிகழ்ச்சிகள், மெகா சட்ட சேவை முகாம்கள், கொரோனாவால் பெற்றோரை இழந்த குழந்தைகளுக்கான நிகழ்ச்சிகள், மாநில மற்றும் மாவட்ட அளவில் கண்காட்சிகள், சட்டப் பல்கலைக்கழக மாணவர்களுக்கான  போட்டிகள் போன்றவற்றை சட்டப்பணிகள் ஆணைக்குழு நடத்தியது. இக்காலகட்டத்தில் 1623 சட்டப்பணிகள்  முகாம்கள்

   கூடுதலாக, நீதித் துறை திஷா (நீதிக்கான முழுமையான அணுகலுக்கான புதுமையான தீர்வுகளை வடிவமைத்தல்) என்ற திட்டத்தை நடத்தி வருகிறது, இதன் கீழ் சட்ட எழுத்தறிவு மற்றும் சட்ட விழிப்புணர்வு திட்டத்தின் ஒரு குறிப்பிட்ட கூறு உள்ளது, இதன் மூலம் பல்வேறு தேசிய / உள்ளூர் சட்டங்கள், உரிமைகள், கடமைகள், உரிமைகள், குறை தீர்க்கும் முறைகள் போன்றவை குறித்த விழிப்புணர்வு பட்டறைகள் ஏற்பாடு செய்யப்படுகின்றன. பரந்த அடிப்படையிலான சமூக-சட்ட பிரச்சினைகளை உள்ளடக்கிய மாதாந்திர வெபினார் பிரச்சாரம் நடத்தப்படுகிறது.  இந்த வெபினார்கள் பல்வேறு சமூக ஊடக தளங்கள் மூலம் 4.2 லட்சத்துக்கும் மேற்பட்ட பங்கேற்பாளர்களை சென்றடைந்துள்ளன.

இத்தகவலை மத்திய சட்டம் மற்றும் நீதித்துறை அமைச்சர் அர்ஜூன் ராம் மேக்வால் மக்களவையில் இன்று எழுத்துப்பூர்வமாக அளித்த பதிலில் தெரிவித்துள்ளார்.

****
 

ANU/PKV/KRS

(Release ID: 1943846)