ਉੱਤਰਾਖੰਡ ਰਾਜ ਵਿੱਚ ਚਾਰਧਾਮ ਯਮੁਨੋਤਰੀ, ਗੰਗੋਤਰੀ, ਕੇਦਾਰਨਾਥ ਅਤੇ ਬਦਰੀਨਾਥ ਸਮੇਤ ਤਨਕਪੁਰ ਤੋਂ ਕੈਲਾਸ-ਮਾਨਸਰੋਵਰ ਯਾਤਰਾ ਦੇ ਪਿਥੌਰਾਗੜ੍ਹ ਸੈਕਸ਼ਨ ਨੂੰ ਜੋੜਨ ਵਾਲੇ 5 ਰਾਸ਼ਟਰੀ ਰਾਜਮਾਰਗਾਂ (ਐੱਨਐੱਚ) ਦੇ ਸੁਧਾਰ ਲਈ ਉੱਤਰਾਖੰਡ ਰਾਜ ਵਿੱਚ ਕੁੱਲ 825 ਕਿਲੋਮੀਟਰ ਦੀ ਲੰਬਾਈ ਨੂੰ ਕਵਰ ਕੀਤਾ ਜਾ ਰਿਹਾ ਹੈ। ਕੁੱਲ 825 ਕਿਲੋਮੀਟਰ ਵਿੱਚੋਂ 601 ਕਿਲੋਮੀਟਰ ਦਾ ਕੰਮ ਪੂਰਾ ਹੋ ਚੁੱਕਾ ਹੈ। ਦਿੱਲੀ-ਦੇਹਰਾਦੂਨ ਆਰਥਿਕ ਕੌਰੀਡੌਰ ਦੀ ਕੁੱਲ ਲੰਬਾਈ ਲਗਭਗ 213 ਕਿਲੋਮੀਟਰ ਹੈ, ਜਿਸ ਲਈ ਲਗਭਗ 6,392 ਕਰੋੜ ਰੁਪਏ ਦੀ ਲਾਗਤ ਅਲਾਟਮੈਂਟ ਕੀਤੀ ਗਈ ਸੀ ਅਤੇ ਇਸਦੀ ਮੌਜੂਦਾ ਪ੍ਰਗਤੀ 30.7% ਹੈ।

ਐੱਨਐੱਚ ਦੇ ਵਿਕਾਸ ਲਈ ਅਲਾਟਮੈਂਟ ਰਾਜ-ਵਾਰ ਕੀਤੀ ਜਾਂਦੀ ਹੈ ਨਾ ਕਿ ਐੱਨਐੱਚ ਦੇ ਅਨੁਸਾਰ। ਵਿੱਤੀ ਸਾਲ 2022-23 ਵਿੱਚ ਉੱਤਰਾਖੰਡ ਰਾਜ ਵਿੱਚ ਐੱਨਐੱਚ ਦੇ ਵਿਕਾਸ ਲਈ ਲਗਭਗ 3,520 ਕਰੋੜ ਰੁਪਏ ਦਾ ਖਰਚਾ ਕੀਤਾ ਗਿਆ ਸੀ।

ਐੱਨਐੱਚ ਦਾ ਵਿਕਾਸ ਇੱਕ ਨਿਰੰਤਰ ਪ੍ਰਕਿਰਿਆ ਹੈ ਜੋ ਟ੍ਰੈਫਿਕ ਦੀ ਮੰਗ, ਸੁਰੱਖਿਆ ਲੋੜਾਂ, ਫੰਡਾਂ ਦੀ ਉਪਲਬਧਤਾ ਅਤੇ ਆਪਸੀ ਤਰਜੀਹ ਦੇ ਅਧਾਰ 'ਤੇ ਕੀਤੀ ਜਾਂਦੀ ਹੈ। ਐੱਨਐੱਚ ਪ੍ਰੋਜੈਕਟਾਂ ਨੂੰ ਪੂਰਾ ਕਰਨ ਦਾ ਸਮਾਂ ਆਮ ਤੌਰ 'ਤੇ ਦੋ ਤੋਂ ਤਿੰਨ ਸਾਲ ਹੁੰਦਾ ਹੈ। ਉੱਤਰਾਖੰਡ ਰਾਜ ਵਿੱਚ ਐੱਨਐੱਚ ਪ੍ਰੋਜੈਕਟਾਂ ਵਿੱਚ ਮੁੱਖ ਤੌਰ 'ਤੇ ਭੂਮੀ ਗ੍ਰਹਿਣ ਵਿੱਚ ਦੇਰੀ, ਜੰਗਲਾਂ ਦੀ ਮਨਜ਼ੂਰੀ, ਰੁੱਖਾਂ ਦੀ ਕਟਾਈ, ਉਪਯੋਗਤਾਵਾਂ ਦੀ ਤਬਦੀਲੀ, ਠੇਕੇ ਦੇ ਮੁੱਦੇ, ਮੁਕੱਦਮੇਬਾਜ਼ੀ ਅਤੇ ਠੇਕੇਦਾਰਾਂ ਦੀ ਹੌਲੀ ਪ੍ਰਗਤੀ ਕਾਰਨ ਦੇਰੀ ਹੋ ਜਾਂਦੀ ਹੈ।

ਮੰਤਰਾਲਾ ਵੱਖ-ਵੱਖ ਰਾਜ ਸਰਕਾਰਾਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ (ਯੂਟੀਜ਼), ਆਦਿ ਤੋਂ, ਉੱਤਰਾਖੰਡ ਰਾਜ ਤੋਂ, ਰਾਜ ਦੀਆਂ ਸੜਕਾਂ ਨੂੰ ਨਵੇਂ ਐੱਨਐੱਚ ਵਜੋਂ ਘੋਸ਼ਿਤ ਕਰਨ/ਅੱਪਗ੍ਰੇਡ ਕਰਨ ਲਈ ਪ੍ਰਸਤਾਵ ਪ੍ਰਾਪਤ ਕਰਦਾ ਰਹਿੰਦਾ ਹੈ। ਮੰਤਰਾਲਾ ਕਨੈਕਟੀਵਿਟੀ ਦੀਆਂ ਲੋੜਾਂ, ਆਪਸੀ ਤਰਜੀਹ ਅਤੇ ਫੰਡਾਂ ਦੀ ਉਪਲਬਧਤਾ ਦੇ ਆਧਾਰ 'ਤੇ ਸਮੇਂ-ਸਮੇਂ 'ਤੇ ਰਾਜ ਦੀਆਂ ਕੁਝ ਸੜਕਾਂ ਨੂੰ ਐੱਨਐੱਚ ਵਜੋਂ ਘੋਸ਼ਿਤ ਕਰਦਾ ਹੈ।

ਇਹ ਜਾਣਕਾਰੀ ਕੇਂਦਰੀ ਸੜਕੀ ਆਵਾਜਾਈ ਅਤੇ ਰਾਜਮਾਰਗ ਮੰਤਰੀ ਸ਼੍ਰੀ ਨਿਤਿਨ ਗਡਕਰੀ ਨੇ ਰਾਜ ਸਭਾ ਵਿੱਚ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ।

*****

 ਐੱਮਜੇਪੀਐੱਸ/ਐੱਨਐੱਸਕੇ 

 

(रिलीज़ आईडी: 1943521) आगंतुक पटल : 128