حکومت تمام لاپتہ لڑکیوں اور خواتین کی رپورٹوں کا نوٹس لے رہی ہے۔ نیشنل کرائم ریکارڈ بیورو (این سی آر بی) اپنی اشاعت "کرائم ان انڈیا" میں جرائم سے متعلق معلومات مرتب اور شائع کرتا ہے۔ شائع شدہ رپورٹیں سال 2021 تک دستیاب ہیں۔ سال 2019-2021 سے لاپتہ ہونے والی لڑکیوں اور خواتین کی ریاست/مرکز کے زیر انتظام علاقوں کے لحاظ سے (بشمول مہاراشٹر) تفصیلات 'ضمیمہ-II' میں ہیں۔

'پولیس' اور 'پبلک آرڈر' ہندوستان کے آئین کے ساتویں شیڈول کے تحت ریاست کے معاملات  ہیں۔ امن و امان برقرار رکھنے، شہریوں کے جان و مال کے تحفظ سمیت خواتین کے خلاف جرائم کی تحقیقات اور مقدمہ چلانے کی ذمہ داریاں متعلقہ ریاستی حکومتوں کے پاس ہیں۔ ریاستی حکومتیں قوانین کی موجودہ دفعات کے تحت اس طرح کے جرائم سے نمٹنے کے لیے مجاز ہیں۔ تاہم، حکومت ہند نے ملک بھر میں خواتین کی حفاظت کے لیے بہت سے اقدامات کیے ہیں، جو مندرجہ ذیل ہیں:

1. فوجداری قانون (ترمیم)، ایکٹ 2013 جنسی جرائم کے خلاف مؤثر روک تھام کے لیے نافذ کیا گیا تھا۔ مزید برآں، فوجداری قانون (ترمیمی) ایکٹ، 2018 کو 12 سال سے کم عمر کی لڑکیوں کی عصمت دری کے لیے سزائے موت سمیت مزید سخت تعزیراتی پرویژن کے حکم نامہ  کے لیے نافذ کیا گیا تھا۔ یہ ایکٹ دیگر باتوں کے ساتھ ساتھ عصمت دری کے مقدمات کی تفتیش اور چارج شیٹ کو 2 ماہ میں مکمل کرنے اور سماعت کو 2 ماہ میں مکمل کرنے کا حکم دیتا ہے۔
2. ایمرجنسی رسپانس سپورٹ سسٹم تمام ہنگامی حالات کے لیے پین انڈیا، واحد بین الاقوامی سطح پر تسلیم شدہ نمبر (112) پر مبنی نظام فراہم کرتا ہے، جس میں کمپیوٹر کی مدد سے فیلڈ وسائل کو  پریشانی میں مبتلا  افراد  کے لئے روانہ کیا جاتا ہے۔

• iii. ا سمارٹ پولیسنگ اور حفاظتی انتظام میں مدد کے لیے ٹیکنالوجی کا استعمال کرتے ہوئے، پہلے مرحلے میں 8 شہروں (احمد آباد، بنگلورو، چنئی، دہلی، حیدرآباد، کولکتہ، لکھنؤ اور ممبئی) میں سیف سٹی پروجیکٹس کو منظوری دی گئی ہے۔
• iv. وزارت داخلہ (ایم ایچ اے) نے 20 ستمبر 2018 کو شہریوں کے لیے فحش مواد کی اطلاع دینے کے لیے سائبر کرائم رپورٹنگ پورٹل شروع کیا ہے۔

5. ایم ایچ اے نے 20 ستمبر 2018 کو "جنسی مجرموں پر قومی ڈیٹا بیس" (این ڈی ایس او) شروع کیا ہے تاکہ قانون نافذ کرنے والی ایجنسیوں  کے ذریعہ ملک بھر میں جنسی مجرموں کی تفتیش اور ان کا سراغ لگانے میں سہولت فراہم کی جاسکے۔

• vi. ایم ایچ اے نے پولیس کے لیے 19 فروری 2019 کو ایک آن لائن تجزیاتی ٹول "جنسی جرائم کے لیے تفتیشی ٹریکنگ سسٹم" شروع کیا ہے تاکہ انہیں فوجداری قانون (ترمیمی) ایکٹ 2018 کے مطابق جنسی زیادتی کے معاملات میں مقررہ وقت پر تفتیش کی نگرانی اور ٹریک کرنے میں سہولت فراہم کی جا سکے۔

7. تحقیقات کو بہتر بنانے کے لیے، ایم ایچ اے نے سینٹرل اور اسٹیٹ فارنسک سائنس لیبارٹریوں میں ڈی این اے تجزیہ یونٹس کو مضبوط بنانے کے لیے اقدامات کیے ہیں۔ اس میں سنٹرل فارنسک سائنس لیبارٹری، چنڈی گڑھ میں جدید ترین ڈی این اے تجزیہ یونٹ کا قیام بھی شامل ہے۔ ایم ایچ اے نے گیپ اینالسیس اور ڈیمانڈ اسیسمنٹ کے بعد اسٹیٹ فارنسک سائنس لیبارٹریز میں ڈی این اے تجزیہ یونٹس کے قیام اور جدیدبنانے کو بھی منظوری دی ہے۔
8. ایم ایچ اے نے جنسی زیادتی کے معاملات میں فارنسک شواہد جمع کرنے اور جنسی زیادتی کے شواہد جمع کرنے کی کٹ میں معیاری کمپوزیشن کے لیے رہنما خطوط کو نوٹیفائی کیا ہے۔ افرادی قوت میں مناسب صلاحیت کو آسان بنانے کے لیے تفتیشی افسران، پراسیکیوشن افسران اور میڈیکل آفیسرز کے لیے تربیت اور صلاحیت سازی کے پروگرام شروع کیے گئے ہیں۔ بیورو آف پولیس ریسرچ اینڈ ڈیولپمنٹ نے تربیت کے حصے کے طور پر ریاستوں/ مرکز کے زیر انتظام علاقوں میں جنسی زیادتی کے ثبوت جمع کرنے کی 14,950 کٹس تقسیم کی ہیں۔

• ix. ایم ایچ اے نے ملک کے تمام اضلاع میں پولیس اسٹیشنوں اور انسداد انسانی اسمگلنگ یونٹس میں خواتین کے ہیلپ ڈیسک کے قیام اور انہیں مضبوط بنانے کے لیے دو منصوبوں کی بھی منظوری دی ہے۔

10. مذکورہ بالا اقدامات کے علاوہ، وزارت داخلہ نے خواتین کے خلاف جرائم سے نمٹنے میں ریاستوں/ مرکز کے زیر انتظام علاقوں کی مدد کرنے کے مقصد سے وقتاً فوقتاً مشورے جاری کیے ہیں، جو www.mha.gov.in پر دستیاب ہیں۔

• xi. اس کے علاوہ خواتین و اطفال کی ترقی کی وزارت نے ملک میں 733 ون اسٹاپ سینٹرز قائم کیے ہیں۔ یہ مراکز تشدد اور پریشانی میں مبتلا خواتین کو ایک ہی چھت کے نیچے مربوط مدد فراہم کرتے ہیں اور بہت سی مربوط خدمات فراہم کرتے ہیں جن میں طبی امداد، قانونی امداد، عارضی پناہ گاہ، پولیس کی مدد، نفسیاتی سماجی مشاورت شامل ہیں۔

Annexure

************

ش ح ۔  ف ا    ۔ م   ص   

 (U: 7577)

(Release ID: 1943014) Visitor Counter : 106