ಭಾರತ ಸರ್ಕಾರವು ಕ್ರೀಡಾ ವಿಭಾಗಗಳ ನ್ಯಾಯಯುತ ಆಡಳಿತದಲ್ಲಿ ನೈತಿಕ ನಡವಳಿಕೆಯನ್ನು ಪ್ರಮುಖ ಅಂಶವಾಗಿ ಒತ್ತಿಹೇಳುತ್ತದೆ ಮತ್ತು ಕ್ರೀಡಾಪಟುಗಳು ಕ್ರೀಡಾಪಟು ಬೆಂಬಲ ಸಿಬ್ಬಂದಿ, ತರಬೇತುದಾರರು,  ತೀರ್ಪುಗಾರರು, ಅಧಿಕಾರಿಗಳು, ಕ್ರೀಡಾ ವಿಜ್ಞಾನ ಮತ್ತು ವೈದ್ಯಕೀಯ ಸಿಬ್ಬಂದಿ,ಸ್ವಯಂಸೇವಕರು, ವ್ಯವಸ್ಥಾಪಕರು, ನಿರ್ವಾಹಕರು, ಸಮಿತಿ ಸದಸ್ಯರು, ಹೆತ್ತವರು ಅಥವಾ ಪೋಷಕರು ಸೇರಿದಂತೆ ಕ್ರೀಡೆಗಳಲ್ಲಿ ಭಾಗವಹಿಸುವ ಎಲ್ಲಾ ಸಂಬಂಧಪಟ್ಟವರಿಗೆ ಜೊತೆಗೆ ಆಯಾ ರಾಷ್ಟ್ರೀಯ ಕ್ರೀಡಾ ಒಕ್ಕೂಟಗಳ (ಎನ್ಎಸ್ಎಫ್) ಪದಾಧಿಕಾರಿಗಳಿಗೆ ಕಿರುಕುಳ ಮತ್ತು ತಾರತಮ್ಯವಿಲ್ಲದ ಸುರಕ್ಷಿತ ವಾತಾವರಣವನ್ನು ಒದಗಿಸುತ್ತದೆ. ಪ್ರತಿಯೊಬ್ಬರೂ ಉನ್ನತ ಮಟ್ಟದ ನೈತಿಕ ನಡವಳಿಕೆಯನ್ನು ಪಾಲಿಸುವುದು ಕ್ರೀಡೆಗೆ ಕಡ್ಡಾಯವಾಗಿದೆ.
 
ಇದಲ್ಲದೆ, ಕ್ರೀಡಾ ಪಟುಗಳಿಂದ ಉದ್ದೀಪನ ಮದ್ದು ಸೇವನೆ ತಡೆ (ಡೋಪಿಂಗ್) / ಮಾದಕ ವಸ್ತು ಸೇವನೆ (ಡ್ರಗ್) ಯನ್ನು ನಿರ್ಮೂಲನೆ ಮಾಡಲು ಸರ್ಕಾರ ಬದ್ಧವಾಗಿದೆ. ಈ ನಿಟ್ಟಿನಲ್ಲಿ, ಭಾರತ ಸರ್ಕಾರದ ಅಡಿಯಲ್ಲಿ ಸ್ಥಾಪಿಸಲಾದ ರಾಷ್ಟ್ರೀಯ ಉದ್ದೀಪನ ತಡೆ ಏಜೆನ್ಸಿ  (ಎನ್ಎಡಿಎ), ಸ್ವಾಯತ್ತ ಸಂಸ್ಥೆಯಾಗಿದ್ದು, ಯುವ ಕ್ರೀಡಾಪಟುಗಳು ಸೇರಿದಂತೆ ಎಲ್ಲಾ ಪಾಲುದಾರರಿಗಾಗಿ ಭಾರತೀಯ ಕ್ರೀಡಾ ಪ್ರಾಧಿಕಾರ (ಎಸ್ಎಐ)  ಹಾಗೂ ರಾಷ್ಟ್ರೀಯ ಕ್ರೀಡಾ ಒಕ್ಕೂಟಗಳ  (ಎನ್ಎಸ್ಎಫ್)  ಸಹಯೋಗದೊಂದಿಗೆ ಉದ್ದೀಪನ ತಡೆ ಶಿಕ್ಷಣ ಜಾಗೃತಿ ಕಾರ್ಯಕ್ರಮಗಳನ್ನು ನಡೆಸುತ್ತದೆ.

ಈ ನಿಟ್ಟಿನಲ್ಲಿ ಸರ್ಕಾರ ಕೈಗೊಂಡಿರುವ ವಿವಿಧ ಉಪಕ್ರಮಗಳ ವಿವರಗಳು ಈ ಕೆಳಕಂಡಂತಿವೆ.

 i.  ಮಾನ್ಯತೆ ಪಡೆದ ರಾಷ್ಟ್ರೀಯ ಕ್ರೀಡಾ ಒಕ್ಕೂಟಗಳು  ಸಂಬಂಧಪಟ್ಟ ಕ್ರೀಡಾ ವಿಭಾಗಗಳ ಅಭಿವೃದ್ಧಿಗಾಗಿ ಭಾರತ ಸರ್ಕಾರದಿಂದ ಹಣಕಾಸು ಮತ್ತು ಇತರ ನೆರವಿಗೆ ಅರ್ಹವಾಗಿವೆ. ತರಬೇತಿ ಮತ್ತು ಸ್ಪರ್ಧೆಗಳ ವಾರ್ಷಿಕ ಕ್ಯಾಲೆಂಡರ್ (ಎಸಿಟಿಸಿ)  ಕಾರ್ಯವಿಧಾನವು ಪ್ರತಿ ಒಕ್ಕೂಟವು ಈ ಸಚಿವಾಲಯಕ್ಕೆ ಮಾಡಿದ ಕೆಲಸದ ವಿವರಗಳನ್ನು ಒದಗಿಸುತ್ತದೆ ಮತ್ತು ಮುಂಬರುವ ವರ್ಷಕ್ಕೆ ಅದರ ಯೋಜನೆಗಳು ವಿವಿಧ ಶೈಕ್ಷಣಿಕ ಮತ್ತು ಜಾಗೃತಿ ಕಾರ್ಯಕ್ರಮಗಳ ಅಂಶವನ್ನು ಒಳಗೊಂಡಿರುತ್ತದೆ.
 ii.  ಉದ್ದೀಪನ ತಡೆ ನಿಯಮಗಳು ಮತ್ತು ಮಾರ್ಗಸೂಚಿಗಳ ಬಗ್ಗೆ ಮಾಹಿತಿ ನೀಡಲು ಎನ್ಎಡಿಎ ಅಥ್ಲೀಟ್ ಗಳು ಮತ್ತು ಕ್ರೀಡಾಪಟುಗಳ ಬೆಂಬಲ ಸಿಬ್ಬಂದಿಗಾಗಿ     ಉದ್ದೀಪನ ತಡೆ ವಿರೋಧಿ ಸಹಾಯವಾಣಿಯನ್ನು ಪ್ರಾರಂಭಿಸಿದೆ. ಸಹಾಯವಾಣಿ ಸಂಖ್ಯೆ: 1800-119-919. ಕ್ರೀಡೆಗಳಲ್ಲಿ ಯಾವುದೇ ಮಾದಕ ದ್ರವ್ಯ ಸೇವನೆ ಅಥವಾ ಡೋಪಿಂಗ್ ಚಟುವಟಿಕೆಗಳನ್ನು ವರದಿ ಮಾಡಲು, ಎನ್ಎಡಿಎ  "ಸ್ಪೀಕ್ ಅಪ್!"  ಪೋರ್ಟಲ್ ಅನ್ನು ಸಹ ಒದಗಿಸುತ್ತದೆ. ಅದರ ಉದ್ದೇಶ ಅಲ್ಲಿ ಕ್ರೀಡಾಪಟುಗಳು ಮತ್ತು ಇತರರು ಯಾವುದೇ ಆಪಾದಿತ ಡೋಪಿಂಗ್ ತಡೆ ನಿಯಮ ಉಲ್ಲಂಘನೆಗಳನ್ನು (ಎಡಿಆರ್ ವಿಎಸ್) ವರದಿ ಮಾಡುವುದು; ಎನ್ಎಡಿಎ  ಡೋಪಿಂಗ್ ತಡೆ ನಿಯಮಗಳ ಅಡಿಯಲ್ಲಿ ಅನುಸರಿಸದಿರುವುದು; ಅಥವಾ, ಕ್ರೀಡೆಯಲ್ಲಿ ಡೋಪಿಂಗ್ ತಡೆ  ಹೋರಾಟವನ್ನು ದುರ್ಬಲಗೊಳಿಸುವ ಯಾವುದೇ ಕ್ರಿಯೆ ಅಥವಾ ಲೋಪಗಳನ್ನು ವರದಿ ಮಾಡುವುದಾಗಿದೆ. ಮಾಹಿತಿದಾರ ಮತ್ತು ಹಂಚಿಕೊಂಡ ಮಾಹಿತಿಯ ಕಟ್ಟುನಿಟ್ಟಾದ ಗೌಪ್ಯತೆಯ ನಿರ್ವಹಣೆಯನ್ನು ಎನ್ಎಡಿಎ ಖಚಿತಪಡಿಸುತ್ತದೆ.
iii.    ಸ್ಪರ್ಧಿಸುವ ಕ್ರೀಡಾಪಟುಗಳಿಗೆ ನೆರವಾಗಲು, ಎನ್ಎಸ್ಎಫ್ ಗಳ ಸಹಯೋಗದೊಂದಿಗೆ ಅಗತ್ಯ ಆಧಾರಿತ ಅರಿವು ಮತ್ತು ಶಿಕ್ಷಣ ಸಾಮಗ್ರಿಯನ್ನು ಎನ್ಎಡಿಎ ಸಿದ್ಧಪಡಿಸಿದೆ. ಡೋಪಿಂಗ್ ತಡೆ ನಿಯಮಗಳು ಮತ್ತು ಡೋಪಿಂಗ್ ದುಷ್ಪರಿಣಾಮಗಳ ಬಗ್ಗೆ ದೇಶಾದ್ಯಂತ ಕ್ರೀಡಾಪಟುಗಳಲ್ಲಿ ಜಾಗೃತಿ ಮೂಡಿಸಲು ಎನ್ಎಡಿಎ ಕ್ರೀಡಾಪಟುಗಳಿಗೆ ಸಾಮೂಹಿಕ ಜಾಗೃತಿ ಕಾರ್ಯಕ್ರಮಗಳನ್ನು ಪರಿಚಯಿಸಿದೆ. ಈ ಕಾರ್ಯಕ್ರಮಗಳು ಆರೋಗ್ಯದ ಮೇಲೆ ಡೋಪಿಂಗ್ ನ ದುಷ್ಪರಿಣಾಮಗಳು ಮತ್ತು ಕ್ರೀಡಾಪಟುಗಳ ಮೇಲೆ ಅದರ ಪರಿಣಾಮಗಳ ಬಗ್ಗೆ ಅರಿವು ಮೂಡಿಸುತ್ತವೆ, ಹೀಗಾಗಿ ಎನ್ ಎಸ್ ಎಫ್  ಗಳಿಂದ ಡೋಪಿಂಗ್ ನಿಯಂತ್ರಣದ ಅನುಷ್ಠಾನವನ್ನು ಸುಲಭಗೊಳಿಸುತ್ತದೆ.
    iv. ಎಸ್ಎಐ ಕೇಂದ್ರಗಳು/ ಎಸ್ಎಐ  ತರಬೇತಿ ಕೇಂದ್ರಗಳು, ದೈಹಿಕ ಶಿಕ್ಷಣ ಕಾಲೇಜುಗಳು/ ವಿಶ್ವವಿದ್ಯಾಲಯಗಳು, ರಾಜ್ಯ ಕ್ರೀಡಾ ಸಂಘಗಳು ಮತ್ತು ಸೇವೆಗಳ ಕ್ರೀಡಾ ನಿಯಂತ್ರಣ ಮಂಡಳಿಗಳು ಇತ್ಯಾದಿಗಳಲ್ಲಿ ಕ್ರೀಡಾಕೂಟಗಳು/ತರಬೇತಿ ಅವಧಿಗಳಲ್ಲಿ ದೇಶಾದ್ಯಂತ ವಿವಿಧ ಸ್ಥಳಗಳಲ್ಲಿ ಡೋಪಿಂಗ್ ತಡೆ  ಶಿಕ್ಷಣ ಕಾರ್ಯಕ್ರಮಗಳನ್ನು ನಡೆಸಲಾಗುತ್ತದೆ.
    v. ವಿಶ್ವ ಉದ್ದೀಪನ ಮದ್ದು ತಡೆ ಏಜೆನ್ಸಿ (ವಾಡಾ) ನೀಡಿದ ನಿಷೇಧಿತ ವಸ್ತುಗಳ ಬಗ್ಗೆ ಎನ್ಎಡಿಎ (ನಾಡಾ)  ನಿಯಮಿತವಾಗಿ ಮಾಹಿತಿಯನ್ನು ಬಿಡುಗಡೆ ಮಾಡುತ್ತದೆ. ಇಂತಹ ಜಾಗೃತಿ ಕಾರ್ಯಕ್ರಮಗಳ ಸಂದರ್ಭದಲ್ಲಿ ಡೋಪಿಂಗ್ ನಿಯಂತ್ರಣ ಕಿರುಹೊತ್ತಿಗೆಗಳು  ಮತ್ತು ಮಾಹಿತಿಯನ್ನು ವಿವಿಧ ಪ್ರಾದೇಶಿಕ ಭಾಷೆಗಳಲ್ಲಿ ಕರಪತ್ರಗಳ ರೂಪದಲ್ಲಿ ಕ್ರೀಡಾಪಟುಗಳ ನಡುವೆ ಹಂಚಲಾಗುತ್ತದೆ. ಜಾಗೃತಿ ಕಾರ್ಯಕ್ರಮಗಳು, ಕಟ್ಟುನಿಟ್ಟಾದ ಹೊಣೆಗಾರಿಕೆಯ ತತ್ವಗಳು, ನಿಯಮ ಬಾಹಿರ ಪೂರಕ ವಸ್ತುಗಳ ಬಳಕೆಯಲ್ಲಿ ಒಳಗೊಂಡಿರುವ ಅಪಾಯಗಳು, ಕ್ರೀಡೆಯಲ್ಲಿ ನೈತಿಕ ಮೌಲ್ಯಗಳು, ಡೋಪ್ ನಿಯಂತ್ರಣ ಪ್ರಕ್ರಿಯೆ, ಆರೋಗ್ಯ ಅಪಾಯಗಳು ಮತ್ತು ಡೋಪಿಂಗ್ ‌ನ ಪರಿಣಾಮಗಳು, ಚಿಕಿತ್ಸಕ ಬಳಕೆಯ ವಿನಾಯಿತಿಗಳು ಮತ್ತು ನಿಷೇಧಿತ ಪದಾರ್ಥಗಳು ಇತ್ಯಾದಿಗಳಂತಹ ಪ್ರಮುಖ ವಿಷಯಗಳನ್ನು ಒಳಗೊಂಡಿದೆ. ಒಟ್ಟು ಇಂತಹ 169 ಡೋಪಿಂಗ್ ತಡೆ ಕಾರ್ಯಾಗಾರಗಳನ್ನು 2022-2023ರಲ್ಲಿ  ಆಯೋಜಿಸಲಾಗಿದೆ.
    vi.  15 ಜೂನ್, 2022 ರಂದು ಎಸ್ಎಐ ಕಡೆಯಿಂದ ಕ್ರೀಡೆಯಲ್ಲಿ ಸುರಕ್ಷಿತ ಮತ್ತು ಸಕಾರಾತ್ಮಕ ವಾತಾವರಣವನ್ನು ಖಚಿತಪಡಿಸಿಕೊಳ್ಳಲು ವಿವರವಾದ ಸೂಚನೆಗಳನ್ನು ನೀಡಲಾಗಿದೆ, ಎಲ್ಲಾ ಭಾಗಿದಾರರಿಗೆ  ಎಲ್ಲಾ ಸಮಯದಲ್ಲೂ, ಕ್ರೀಡಾಸ್ಫೂರ್ತಿ ಮತ್ತು ಸೂಕ್ತವಾದ ನೈತಿಕ ನಡವಳಿಕೆಯ ಮೂಲ ಮೌಲ್ಯಗಳಿಗೆ ಅನುಗುಣವಾಗಿ ಸೂಕ್ತವಾದ ನಡವಳಿಕೆಯ ನಿರೀಕ್ಷೆಯಿದೆ ಎಂದು ಅರಿವು ಮೂಡಿಸುತ್ತದೆ. ಅನುಸರಣೆಗಾಗಿ ಈ ಕೆಳಗಿನ ಕ್ರಮಗಳನ್ನು ಸಹ ಸೂಚಿಸಲಾಗಿದೆ:-

* ಮಹಿಳಾ ತರಬೇತುದಾರರು ದೇಶೀಯ/ಅಂತರರಾಷ್ಟ್ರೀಯ ಶಿಬಿರಗಳು ಮತ್ತು ಸ್ಪರ್ಧೆಗಳ ಸಮಯದಲ್ಲಿ ಮಹಿಳಾ ಅಥ್ಲೀಟ್ ಗಳಿರುವ ಯಾವುದೇ ತಂಡದಲ್ಲಿ ಕಡ್ಡಾಯವಾಗಿರಬೇಕು.
 
 * ಕ್ರೀಡೆಗಳಲ್ಲಿ ಲೈಂಗಿಕ ಕಿರುಕುಳವನ್ನು ತಡೆಗಟ್ಟಲು ಮತ್ತು ಉಲ್ಲಂಘನೆಯ ವರದಿಯನ್ನು ಜವಾಬ್ದಾರಿಯುತ ಅಧಿಕಾರಿಗಳಿಗೆ ಖಚಿತಪಡಿಸಿಕೊಳ್ಳಲು ಮಾರ್ಗಸೂಚಿಗಳನ್ನು ಅನುಸರಿಸಲಾಗುತ್ತಿದೆ ಮತ್ತು ಜಾರಿಗೊಳಿಸಲಾಗಿದೆ ಎಂದು ಖಚಿತಪಡಿಸಿಕೊಳ್ಳಲು ಎಲ್ಲಾ ರಾಷ್ಟ್ರೀಯ ತರಬೇತಿ ಶಿಬಿರಗಳು ಮತ್ತು ವಿದೇಶಿ ಮಾನ್ಯತೆಗಳಲ್ಲಿ ಪಾಲನಾ  ಅಧಿಕಾರಿಯನ್ನು ನೇಮಿಸಲಾಗುತ್ತದೆ.
     * ಯಾವುದೇ ರಾಷ್ಟ್ರೀಯ ತರಬೇತಿ ಶಿಬಿರ ಅಥವಾ ವಿದೇಶಿ ಕ್ರೀಡಾಕೂಟಗಳು ಪ್ರಾರಂಭವಾಗುವ ಮೊದಲು ಉಪಸ್ಥಿತರಿರುವ ಮತ್ತು ನಿಯೋಜಿತ ಅಥ್ಲೀಟ್ ಗಳು, ತರಬೇತುದಾರರು ಕೋಚ್ ಗಳು ಮತ್ತು ಸಹಾಯಕ ಸಿಬ್ಬಂದಿಗೆ ಜಾಗೃತಿಯನ್ನು ವಿನ್ಯಾಸಗೊಳಿಸಿ ಮೂಡಿಸಬೇಕು. 

  * ಆಯಾ ಎನ್ಎಸ್ಎಫ್ ಗಳು ರಾಷ್ಟ್ರೀಯ ತರಬೇತಿ ಶಿಬಿರಗಳಲ್ಲಿ ಮಹಿಳಾ ತರಬೇತುದಾರರು/ ನೆರವಿನ ಸಿಬ್ಬಂದಿಗಳ  ಪ್ರಮಾಣವನ್ನು ಹೆಚ್ಚಿಸುವುದು.
ಇಂದು ಲೋಕಸಭೆಯಲ್ಲಿ ಕೇಂದ್ರ ಯುವಜನ ವ್ಯವಹಾರ ಮತ್ತು ಕ್ರೀಡಾ ಸಚಿವ ಶ್ರೀ ಅನುರಾಗ್ ಸಿಂಗ್ ಠಾಕೂರ್ ಅವರು ಈ ಉತ್ತರವನ್ನು ನೀಡಿದರು.

****

(Release ID: 1942703) Visitor Counter : 137