కంటోన్మెంట్లలోని సివిల్ ప్రాంతాలు, దానికి ఆనుకుని ఉన్న మునిసిపల్ ప్రాంతాలను నియంత్రించే మున్సిపల్ చట్టాలలో ఏకరూపతను తీసుకురావడానికి ప్రభుత్వం ప్రయత్నాలు చేస్తోంది. కొన్ని కంటోన్మెంట్లలోని పౌర ప్రాంతాలను కుదించి వాటిని పొరుగున ఉన్న రాష్ట్ర మునిసిపాలిటీలతో విలీనం చేయాలని నిర్ణయించారు. తదనుగుణంగా, 58 కంటోన్మెంట్‌లలోని పౌర ప్రాంతాల ప్రతిపాదిత ఎక్సిషన్ కోసం సంబంధిత రాష్ట్ర ప్రభుత్వాల అభిప్రాయాలను కేంద్రం స్వీకరిస్తోంది. రాష్ట్రాల వారీగా ఈ కంటోన్మెంట్ల జాబితా క్రింది విధంగా ఉంది:

ఇప్పటికే ఒక కంటోన్మెంట్ ఖాస్యో 2023 ఏప్రిల్ 27 నుండి డీనోటిఫై అయింది. 

పౌర ప్రాంతాలను తొలగించడం, వాటిని రాష్ట్ర మునిసిపాలిటీలతో విలీనం చేయడంలో సంబంధిత రాష్ట్ర ప్రభుత్వాల క్రియాశీల సంప్రదింపులు, సమ్మతి ఉంటుంది. అందువల్ల, దాని అమలు కోసం ఎటువంటి కాలపరిమితిని అందించడం సాధ్యం కాదు. ఎన్నికైన ప్రజా ప్రతినిధుల నుండి వివిధ ప్రతిపాదనలు వినతులు స్వీకరించడం జరిగింది. కంటోన్మెంట్ల నుండి సివిల్ ప్రాంతాలను తొలగించాలని అభ్యర్థిస్తూ కొన్ని రాష్ట్ర ప్రభుత్వాల నుండి కూడా స్వీకరించాము. కంటోన్మెంట్ ప్రాంతాలలో సంబంధిత రాష్ట్ర ప్రభుత్వాలచే రాష్ట్ర ప్రభుత్వ పథకాల అమలుపై ఎటువంటి అడ్డంకులు లేవు. అన్ని రాష్ట్ర ప్రభుత్వాలు ఇప్పటికే కంటోన్మెంట్స్‌లోని నివాసితులకు వివిధ పథకాల ప్రయోజనాలను అందజేస్తున్నాయి. ఈ సమాచారాన్ని రక్షణ శాఖ సహాయ మంత్రి శ్రీ అజయ్ భట్ ఈరోజు రాజ్యసభలో శ్రీ జగ్గేష్‌కు లిఖితపూర్వక సమాధానంలో తెలిపారు.

*****