நாட்டின் பெரும்பாலான நிலக்கரித் தேவை உள்நாட்டு உற்பத்தி / விநியோகம் மூலம் பூர்த்தி செய்யப்படுகிறது. உள்நாட்டில் நிலக்கரி உற்பத்தியை அதிகரிப்பதிலும், நாட்டில் அத்தியாவசியமின்றி  நிலக்கரி இறக்குமதியை நிறுத்துவதிலும் அரசு கவனம் செலுத்துகிறது. 2022-23 ஆம் ஆண்டில், நிலக்கரி உற்பத்தி முந்தைய ஆண்டை விட 14.77% அதிகரித்துள்ளது. நடப்பு நிதியாண்டில், ஜூன், 2023 வரை, உள்நாட்டு நிலக்கரி உற்பத்தி, கடந்த ஆண்டின் இதே காலகட்டத்துடன் ஒப்பிடுகையில், 8.51 சதவீதம் அதிகரித்துள்ளது.

நிலக்கரி உற்பத்தியில் நாட்டை தன்னிறைவு அடையச் செய்ய அரசு எடுத்துள்ள நடவடிக்கைகள் பின்வருமாறு:

நிலக்கரி சுரங்கங்களின் செயல்பாட்டை விரைவுபடுத்த நிலக்கரித் துறைக்கான ஒற்றைச் சாளர அனுமதி இணையப்பக்கம்.

நிலக்கரிச் சுரங்கங்களை விரைவாகச் செயல்படுத்துவதற்கு பல்வேறு ஒப்புதல்கள் மற்றும் அனுமதிகளைப் பெறுவதற்காக நிலக்கரிச் சுரங்க ஒதுக்கீட்டாளர்களுக்கு உதவ திட்டக் கண்காணிப்பு அலகு.

வருவாய் பகிர்வு அடிப்படையில் வணிக சுரங்கங்களை ஏலம் விடுவது 2020 ஆம் ஆண்டில் தொடங்கப்பட்டது. வணிக சுரங்கத் திட்டத்தின் கீழ், திட்டமிடப்பட்ட உற்பத்தி தேதியை விட முன்னதாக உற்பத்தி செய்யப்படும் நிலக்கரியின் அளவிற்கு இறுதி சலுகையில் 50% தள்ளுபடி அனுமதிக்கப்படும். மேலும், நிலக்கரி வாயுமயமாக்கல் அல்லது திரவமாக்கல் (இறுதி சலுகையில் 50% தள்ளுபடி) ஆகியவற்றுக்கான சலுகைகள் வழங்கப்பட்டுள்ளன.

2023-24 ஆம் ஆண்டிற்குள் 67 மெட்ரிக் டன் என்ற நிலையில் இருந்து 75 மெட்ரிக் டன் உற்பத்தி செய்ய சிங்கரேணி நிலக்கரி சுரங்க நிறுவனம் (எஸ்.சி.சி.எல்) திட்டமிட்டுள்ளது. மேலும், புதிய திட்டங்களின் செயல்பாடுகள் மற்றும் ஏற்கனவே உள்ள திட்டங்களின் செயல்பாடுகள் தொடர்ந்து கண்காணிக்கப்பட்டு வருகின்றன.

நிலக்கரி மற்றும் பழுப்பு நிலக்கரி சுரங்கத்திற்கான புதிய பகுதிகளை ஆய்வு மூலம் கண்டுபிடிப்பது ஒரு தொடர்ச்சியான செயல்முறையாகும். நிலக்கரி மற்றும் பழுப்பு நிலக்கரியின் புதிய பகுதிகளை ஆய்வு செய்வதற்காக நிலக்கரி அமைச்சகத்தின் ஒரு துணைத் திட்டம் தொடர்கிறது. இதுதவிர, நிலக்கரி உள்ளிட்ட கனிமங்கள் குறித்த ஆய்வுகளையும் இந்திய புவியியல் ஆய்வு மையம் மேற்கொள்கிறது.

இத்தகவலை மத்திய நிலக்கரி, சுரங்கம் மற்றும் நாடாளுமன்ற விவகாரத்துறை அமைச்சர் திரு பிரலாத் ஜோஷி மாநிலங்களவையில் எழுத்துப்பூர்வமாக அளித்த பதிலில் தெரிவித்தார்.

****

ANU/SMB/KPG

 

 

(Release ID: 1942187) Visitor Counter : 109