اوپن نیٹ ورک برائے ڈیجیٹل کامرس (او این ڈی سی) ایک سیکشن 8 کمپنی ہے، جو ڈی پی آئی آئی ٹی کی پہل کے تحت ہے، جس کا مشن ڈیجیٹل کامرس کو جمہوری بنانا ہے۔ اوپن نیٹ ورک برائے ڈیجیٹل کامرس، او این ڈی سی پروٹوکول تیار کرتا ہے اور اسے برقرار رکھتا ہے، جو کہ یو پی آئی، ایچ ٹی ٹی پی اور ایس ایم ٹی پی کی طرح ایک کھلا تکنیکی معیار ہے۔ کوئی بھی دو پلیٹ فارم جو او این ڈی سی پروٹوکول کے مطابق ہیں ایک دوسرے کے سسٹمز کے ساتھ خاص طور پر انضمام کیے بغیر آپس میں کام کر سکتے ہیں۔ او این ڈی سی پروٹوکول کے مطابق ایپلی کیشنز مل کر او این ڈی سی نیٹ ورک تشکیل دیتے ہیں۔ جس طرح یو پی آئی بینکوں اور ادائیگی کے پلیٹ فارمز کو رقم کی منتقلی کے لیے باہمی تعاون کو قابل بناتا ہے یا ایس ایم ٹی پی لوگوں کو اس بات کی فکر کیے بغیر ای میلز کا تبادلہ کرنے کی اجازت دیتا ہے کہ وصول کنندہ کون سی ای میل سروس استعمال کرتا ہے، اسی طرح او این ڈی سی پروٹوکول خریداروں اور فروخت کنندگان کو اشیاء یا خدمات کی تجارت کرنے کی اجازت دیتا ہے چاہے وہ کوئی بھی پلیٹ فارم استعمال کریں۔ جب تک کہ پلیٹ فارمز او این ڈی سی نیٹ ورک کا حصہ ہیں۔

او این ڈی سی نیٹ ورک کے فوائد میں ڈیجیٹل کامرس میں داخلے کی رکاوٹوں کو کم کرنا، تمام ای کامرس ماڈلز کے لیے کاروبار کرنے کا میدان فراہم کرنا اور نئے کاروباری ماڈلز اور مواقع کی اجازت دینے کے لیے ای کامرس لین دین کے مختلف مراحل کو غیر بنڈل کرنا شامل ہیں۔ لہذا، او این ڈی سی ڈیجیٹل کامرس کی توسیع کو یقینی بناتا ہے، اسے مزید جامع بناتا ہے۔

او این ڈی سی کو اپنانے کے ساتھ چیلنجز یہ ہیں کہ او این ڈی سی نیٹ ورک پہلی بار آف لائن کاروبار کو آن لائن منتقل کرنے کے قابل بنا رہا ہے اور اس وجہ سے یہ منتقلی چیلنجنگ ہوسکتی ہے۔ تاہم او این ڈی سی اس منتقلی کو ہموار اور پریشانی سے پاک بنانے کے لیے مدد اور صلاحیت سازی کے اقدامات کے لیے نظام فراہم کررہا ہے۔

او این ڈی سی اپنے ڈیزائن کے ساتھ ساتھ آپریشنل طور طریقوں بشمول آزاد اور کھلے سورس معیارات اور نظام، ڈیزائن کے لحاظ سے لامرکزیت اور رازداری، شراکتی نقطہ نظر اور شفافیت، لیول پلیئنگ فیلڈ، واضح آڈٹ ٹریل اور خریدار اور بیچنے والے کے حقوق کی حفاظت کے ذریعے شفافیت، اعتماد اور کارکردگی کو فروغ دیتا ہے۔

او این ڈی سی نیٹ ورک کھلی تصریحات یعنی او این ڈی سی پروٹوکول پر مبنی ہے۔ اس طرح کوئی بھی دو پلیٹ فارم جو او این ڈی سی پروٹوکول کے مطابق ہیں، پیغامات اور عمل کو سنبھالنے کے لیے دوسرے پلیٹ فارم کی مخصوص زبان سیکھے بغیر ایک دوسرے کے ساتھ بات چیت کر سکتے ہیں۔

یہ او این ڈی سی رجسٹری کے ذریعے حاصل کیا جاتا ہے۔ رجسٹری ایک فون بک کی طرح ہے جسے کوئی دوسرے او این ڈی سی پروٹوکول کے مطابق پلیٹ فارم تلاش کرنے کے لیے استعمال کر سکتا ہے۔ تمام رجسٹرڈ پلیٹ فارمز کی تفصیلات پروٹوکول کی تعمیل کی تصدیق اور شرکت کے معاہدے پر دستخط کرنے کے بعد رجسٹری میں موجود ہیں۔

پروٹوکول اور رجسٹری مل کر ای کامرس پلیٹ فارمز کا ایک مجموعہ بناتے ہیں جو ایک دوسرے کو دریافت کر سکتے ہیں، جڑ سکتے ہیں اور ان سے بات چیت کر سکتے ہیں۔ او این ڈی سی نیٹ ورک میں متعدد خریدار ایپلی کیشنز اور سیلر ایپلی کیشنز شامل ہیں جو سب ایک دوسرے کے ساتھ بغیر کسی رکاوٹ کے کام کرتے ہیں۔ اس کھلے نیٹ ورک کے ساتھ خریدار اپنی پسند کی ایک خریدار ایپلی کیشن کے ذریعے کسی بھی سیلر ایپلی کیشن کا استعمال کرتے ہوئے بیچنے والے سے مصنوعات/خدمات دریافت اور خرید سکتے ہیں۔

یہ معلومات تجارت اور صنعت کے مرکزی وزیر مملکت جناب سوم پرکاش نے آج راجیہ سبھا میں ایک تحریری جواب میں فراہم کی ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

ش ح۔ م ع۔ع ن

 (U: 7319)

(Release ID: 1941637) Visitor Counter : 87