జల్ జీవన్ మిషన్ ప్రకటించే సమయానికి, 3.23 కోట్ల గ్రామీణ కుటుంబాలకు కుళాయి నీటి కనెక్షన్లు ఉన్నట్లు నివేదించారు. రాష్ట్రాలు/యూటీలు నివేదించిన ప్రకారం, జేజేఎం కింద 9.33 కోట్లకు పైగా గ్రామీణ కుటుంబాలకు కుళాయి నీటి కనెక్షన్లు అందించారు. ఈ విధంగా, 2023 జులై 14 నాటికి, దేశంలోని 19.46 కోట్ల గ్రామీణ కుటుంబాలలో, 12.57 కోట్ల (64.61%) కంటే ఎక్కువ కుటుంబాలు తమ ఇళ్లలో కుళాయి నీటి సరఫరాను కలిగి ఉన్నట్లు నివేదించారు. కుళాయి నీటి కనెక్షన్‌తో అందించబడిన గ్రామీణ కుటుంబాల రాష్ట్రాల వారీగా వివరాలు జత చేయడం జరిగింది. రాష్ట్రాలు/యుటీల ద్వారా నివేదించబడిన గ్రామీణ గృహాలలో కుళాయి నీటి కనెక్షన్  రాష్ట్రం/యుటీ, జిల్లా, గ్రామాల వారీ స్థితి పబ్లిక్ డొమైన్‌లో కూడా ఉంది. జేజేఎం డాష్‌బోర్డ్‌లో ఇక్కడ అందుబాటులో ఉంది:

https://ejalshakti.gov.in/jjmreport/JJMIndia.aspx

 1 ఆగస్ట్ 2019 నాటికి 14,020 ఆర్సెనిక్ ప్రభావిత ఆవాసాలు, 7,996 ఫ్లోరైడ్ ప్రభావిత ఆవాసాలు రాష్ట్రాలు/యుటిలు నివేదించాయి. ఈ రోజు నాటికి రాష్ట్రాలు/యుటిలు నివేదించిన ప్రకారం, అటువంటి అన్ని ఆవాసాలలో సురక్షితమైన తాగునీరు అందుబాటులో ఉంది. 

ఈ సమాచారాన్ని జలశక్తి శాఖ సహాయ మంత్రి శ్రీ ప్రహ్లాద్ సింగ్ పటేల్ ఈరోజు లోక్‌సభలో లిఖితపూర్వక సమాధానంలో తెలిపారు.. 

గ్రామీణ గృహాలలో కుళాయి నీటి కనెక్షన్ల రాష్ట్ర/యుటీ వారీగా స్థితి: