محنت اورروزگارکے وزیرمملکت جناب رامیشورتیلی نے راجیہ سبھا میں ایک تحریری جواب میں یہ اطلاع فراہم کی ہے  ۔

محنت اور روزگارکی وزارت نے غیرمنظم /مائیگرنٹ  کارکنوں  کا ایک جامع قومی ڈیٹا بیس تیارکرنے کی غرض سے ، 26اگست ، 2021کو ای-شرم پورٹل کا آغاز کیاہے ۔ ای –شرم پورٹل پراندراج ملک کے سبھی غیرمنظم /مائیگرنٹ کارکنوں کے لئے از خود اعلان کی بنیاد پرکیاجاتاہے ۔14مارچ 2023تک غیرمنظم شعبے کے 28کروڑ66لاکھ سے زیادہ  کارکنان کا ای-شرم پورٹل پراندراج کیاجاچکاہے ۔

ای –شرم پورٹل پراندراج شدہ افراد کے لئے سماجی سکیورٹی سے متعلق اسکیموں  سے  فائدہ اٹھانے میں سہولت فراہم کرنے کے مقصد سے ، ای –شرم پورٹل کو پردھان منتری شرم –یوگی مان دھن (پی ایم –ایس وائی ایم ) پورٹل کے ساتھ مربوط کیاگیاہے ۔ ای –شرم پردرج شدہ افراد خوش اسلوبی کے ساتھ اس ارتباط کے ذریعہ پی ایم –ایس وائی ایم پنشن اسکیم کا فائدہ اٹھاسکتے ہیں ۔ ای –شرم پورٹل کونیشنل کیریئرسروس  (این سی ایس ) پورٹل کے ساتھ بھی مربوط کیاگیاہے ۔ ای –شرم پورٹل پراندراج شدہ افراد این سی ایس پورٹل پرخوش اسلوبی سے اپنا اندراج کراسکتے ہیں اور ، ملازمتوں کے مناسب مواقع کی تلاش کرسکتے ہیں ۔

ریاستی سرکاروں اورمرکز کے زیرانتظام علاقوں کی انتظامیہ کے ساتھ  ای –شرم کے ڈیٹا کو ساجھا کرنے کے عمل کاآغاز کیاگیاہے ،جس کی بدولت متعلقہ ریاستی /مرکز کے زیرانتظام علاقوں کی سرکارو ں کے ذریعہ نافذکئے جانے والی سماجی سکیورٹی /فلاحی اسکیموں  کی نشان زد فراہمی اور اس کی نگرانی میں سہولت فراہم ہوگی ۔ اس کے علاوہ 02مارچ ،2023کو مرکزی وزارتوں /محکموں کے ساتھ  ڈیٹاساجھا کرنے کے  بارمیں رہنما ہدایات  بھی جاری کی گئی ہیں ۔ تاکہ فلاحی اسکیموں کی نشان زد فراہمی اورنگرانی کی غرض سے مرکزی وزارتوں /محکموں کے ساتھ ای-شرم ڈیٹا کاتبادلہ کیاجاسکے ۔

***********

(ش ح ۔ع م ۔ع آ)

U -7209

(रिलीज़ आईडी: 1940951) आगंतुक पटल : 88