تعلیم کے وزیر مملکت ڈاکٹر  سبھاش سرکار نے اعلی تعلیمی اداروں کی درجہ بندی ، ساکھ اور جائزے میں اصلاحات سے متعلق آن لائن مشاورتی ورکشاپ کا افتتاح کیا۔اس ورکشاپ کا اہتمام آئی آئی ٹی گاندھی نگر کے اشتراک سے تعلیم کی وزارت  کی جانب سے کیا گیاتھا ۔

قومی تعلیمی پالیسی (این ای پی) ، 2020 ٹیکنالوجی سے چلنے والے ایک  جدید نظام کے ذریعہ  ایک قابل بھروسہ اور محفوظ مرکزی ڈیٹا بیس کے ساتھ اعلیٰ تعلیمی اداروں (ایچ ای آئیز) کی منظوری، ساکھ اور درجہ بندی کے لیے ایک سادہ، اعتماد پر مبنی، مقصد اور معقول نظام کو اپنانے کی ضرورت پر زور دیتی ہے۔

قومی تعلیمی پالیسی 2020 کے پس منظر میں، اعلی تعلیمی اداروں کی تشخیص اور ساکھ کو مضبوط بنانے کی  فوری ضرورت ہے۔ فی الحال، متعدد ایجنسیوں جیسے نیشنل اسیسمنٹ اینڈ ایکریڈیٹیشن کونسل (این اے اے سی) ، نیشنل بورڈ آف ایکریڈیٹیشن (این بی اے) اور نیشنل انسٹیٹیوشنل رینکنگ فریم ورک (این آئی آر ایف) کو وقتاً فوقتاً منظوریوں، تشخیص، ساکھ اوراعلی تعلیمی اداروں کی درجہ بندی کے لیے لازمی قرار دیا گیا ہے۔اعلی تعلیمی اداروں کے اس عمل کے لیے رضاکارانہ طور پر کم سطح پر آمادگی تشویش کا باعث بنی ہوئی ہے۔ مزید یہ کہ اعلی تعلیمی اداروں کی طرف سے مختلف ایجنسیوں کے لیے جمع کرائی جانے والی مطلوبہ بوجھل معلومات کا دوہرا ہونااعلی تعلیمی اداروں کے لیے اسسمنٹ اینڈ ایکریڈیشن (اے اینڈ اے) کے سامنے آنے میں رکاوٹ کا کام کرتا ہے۔

یو جی سی اور اے آئی سی ٹی ای نے موجودہ اسسمنٹ، ایکریڈیٹیشن اور رینکنگ کے عمل کو آسان بنانے کے لیے کئی برسوں میں کئی اصلاحات متعارف کروائی ہیں۔ مزید یہ کہ اعلی تعلیمی اداروں کے جائزے اور اکریڈیشن کو مضبوط بنانے کے لیے، حکومت ہند نے ڈاکٹر کے رادھا کرشنن، چیئرپرسن، بورڈ آف گورنرز، آئی آئی ٹی کانپور اور چیئرپرسن، IIT کونسل کی قائمہ کمیٹی کی صدارت میں ایک اعلیٰ سطحی کمیٹی تشکیل دی ہے۔ آئی آئی ٹی گاندھی نگر کے ڈائریکٹر پروفیسر رجت مونا کی سربراہی میں ایک ذیلی کمیٹی بھی تشکیل دی گئی تھی جو مختلف ایجنسیوں کے ذریعہ اپنائے جانے والے موجودہ ڈیٹا ڈھانچے کی جانچ کرنے اور ایچ ای آئی کے مختلف زمروں کے لیے  نافذ کرنےکےلئے ایک متحد ڈیٹا سیگمنٹ تیار کرنے کے لیے بنائی گئی تھی۔ ڈاکٹر رادھا کرشنن کمیٹی نے سلسلہ وار غور و خوض کے بعد ’ہندوستان میں تمام اعلیٰ تعلیمی اداروں کے متواتر جائزے اور ایکریڈیٹیشن کو مضبوط بنانے کے لیے تبدیلی کی اصلاحات‘ پر اپنی مسودہ رپورٹ پیش کی ہے۔ اس رپورٹ کو 19 مئی 2023 سے 22 جون 2023 تک پبلک ڈومین میں رکھا گیا تھا تاکہ رپورٹ کو حتمی شکل دینے کے لیے تمام شراکت داروں سے رائے/تجاویز حاصل کی جا سکیں۔ پبلک ڈومین میں رکھی گئی اس رپورٹ کو حتمی شکل دینے کے لیے تمام اسٹیک ہولڈرز سے آراء/مشورے طلب کرنے کی آخری تاریخ 15 جولائی 2023 تک بڑھا دی گئی ہے۔ یہ رپورٹ وزارت تعلیم اور "MY GOV" پورٹل کی ویب سائٹ پر دستیاب ہے۔ "

مزید برآں، ڈاکٹر رادھا کرشنن کمیٹی کی طرف سے تجویز کردہ ایکریڈیشن/اسسمنٹ/رینکنگ کے نئے نظام کو یقینی بنانے کے لیے، 31 دسمبر 2023 تک اسے حتمی شکل دی جا سکتی ہے اور اس کا آغاز کیا جا سکتا ہے، تشخیص، ایکریڈیٹیشن اور درجہ بندی میں اصلاحات کے لیے ایک عمل درآمد کمیٹی بھی تشکیل دی گئی ہے جس کے چیئرمین  نیشنل ایجوکیشنل ٹکنالوجی فورم (NETF) کے چیئرمین پروفیسر انیل سہسرابدھے  ہیں۔

اسٹیک ہولڈرز کی مشاورت کے ایک حصے کے طور پر، آج اعلی تعلیمی اداروں کی تشخیص، ایکریڈیٹیشن اور رینکنگ میں اصلاحات پر ایک آن لائن مشاورتی ورکشاپ کا انعقاد کیا گیا۔

ڈاکٹر کے رادھا کرشنن نے مجوزہ اصلاحات پر ایک پریزنٹیشن دی۔ پروفیسر انل سہسرابدھے نے ان اصلاحات کے نفاذ کی صورتحال پر ایک پرزنٹیشن دی۔ پروفیسر ایم جگدیش کمار، چیئرمین، یو جی سی؛ پروفیسر ٹی جی سیتارام، چیئرمین، اے آئی سی ٹی ای؛ پروفیسر انیل سہسرابدھے، چیئرمین، این ای ٹی ایف ؛ جنابکے سنجے مورتی، سکریٹری ہائر ایجوکیشن، پروفیسر رجت مونا، ڈائریکٹر، آئی آئی ٹی، گاندھی نگر، تمام زمروں کے اداروں کے سربراہان؛ بشمول مرکزی یونیورسٹیاں، آئی آئی ٹیز ، آئی آئی آئی ٹیز ، این آئی ٹیز ، ریاستی یونیورسٹیاں، پرائیویٹ یونیورسٹیاں، ڈیمڈ ٹو بی یونیورسٹیز اور اسٹیٹ اوپن یونیورسٹیاں؛ اس ورکشاپ میں بڑھ چڑھ کر حصہ لیا اور قیمتی معلومات فراہم کیں۔ ورکشاپ کے دوران 34 نامور پینلسٹس نے اپنے خیالات کا اظہار کیا جس میں اداروں کے سربراہان سمیت ملک بھر سےاعلی تعلیمی اداروں کے 950 سے زائد شرکاء نے شرکت کی۔

*******

ش ح ۔ ا ح ۔ ف ر

U. No.6913

(रिलीज़ आईडी: 1938592) आगंतुक पटल : 125